ಕಂಠೀರವ ಕ್ರೀಡಾಂಗಣದ ತುಂಬಾ ರಂಗಿನೋಕುಳಿ. ಬಣ್ಣಬಣ್ಣದ ವೇಷ ತೊಟ್ಟ ಕಲಾವಿದರ ದಂಡು ಅಲ್ಲಿ ನೆರೆದಿತ್ತು. ಹಾಡುಗಳು ಮೊಳಗುತ್ತಿದ್ದಂತೆ ಯಕ್ಷಗಾನ, ಕಥಕ್ಕಳಿ ಹೀಗೆ ಬಗೆಬಗೆಯ ನೃತ್ಯಗಳು ಸಾಕಾರಗೊಂಡವು.
ವೇಷ ಧರಿಸಿ ನಾದಕ್ಕೆ ಹೆಜ್ಜೆ ಇಡುತ್ತಿದ್ದ ಮಕ್ಕಳ ಮೊಗದಲ್ಲಿ ಗೆಲುವಿತ್ತು. ಕೇಂದ್ರೀಯ ವಿದ್ಯಾಲಯ ಆಯೋಜಿಸಿದ್ದ 48ನೇ ಕೆವಿಎಸ್ ರಾಷ್ಟ್ರೀಯ ಕ್ರೀಡಾ ಕೂಟದ ಉದ್ಘಾಟನೆಗಾಗಿ ನಡೆದ ಈ ವಿಶೇಷ ಕಾರ್ಯಕ್ರಮದ ಭಾವಬುತ್ತಿಯನ್ನು ಕ್ಯಾಮೆರಾ ಕಣ್ಣಲ್ಲಿ ಸೆರೆ ಹಿಡಿದವರು ಸತೀಶ್ ಬಡಿಗೇರ್