ಒಬ್ಬರಿಗೊಂದು ನ್ಯಾಯ?

ಇಲ್ಲಿಯ ದೇವಾಲಯಗಳಲ್ಲಿ ದೇವರ ಪೂಜೆ ಹಾಗೂ ಭಕ್ತಾದಿಗಳಿಗೆ ದೇವರ ದರ್ಶನಕ್ಕೆ ನಿಗದಿತ ಸಮಯ ಗೊತ್ತುಪಡಿಸಲಾಗಿದೆ. ಈಚೆಗೆ ಜಿಲ್ಲಾಧಿಕಾರಿ ಈ ನಿಯಮ ಉಲ್ಲಂಘಿಸಿ ಒಂದು ಗಂಟೆ ಮುಂಚಿತವಾಗಿ ದೇಗುಲದ ಬಾಗಿಲು ತೆರೆಯಿಸಿ ದರ್ಶನ ಪಡೆದರು ಎಂದು ವರದಿಯಾಗಿದೆ.

ಜಿಲ್ಲಾಧಿಕಾರಿಯ ಈ ನಡೆ ಸರಿಯೇ? ಮುಂದಿನ ದಿನಗಳಲ್ಲಿ ರಾಜಕಾರಣಿಗಳು, ಶಾಸಕರು, ಮಂತ್ರಿಗಳು ಅಥವಾ ಪ್ರಭಾವಿಗಳು ತಮಗೆ ಬೇಕಾದ ಸಮಯದಲ್ಲಿ ಬಾಗಿಲು ತೆರೆಯಿಸಿ ದೇವರ ದರ್ಶನ ಪಡೆಯಬಹುದಲ್ಲವೇ? ಹೀಗಾದರೆ ಸರ್ಕಾರಿ ಅಧಿಕಾರಿಗಳಿಗೆ, ರಾಜಕಾರಣಿಗಳಿಗೆ, ಶ್ರೀಮಂತರಿಗೆ, ಸಾಮಾನ್ಯ ಜನರಿಗೆ ಬೇರೆ ಬೇರೆ ಸಮಯ ನಿಗದಿಮಾಡಿದರೂ ಅಚ್ಚರಿ ಇಲ್ಲ.

–ಸಿ. ಸಿದ್ದರಾಜು, ಆಲಕೆರೆ