‘ಬಸ್ ಬಳಸಿ, ಬೆಂಗಳೂರು ಉಳಿಸಿ’ ಇದು ಬಿ.ಎಂ.ಟಿ.ಸಿ.ಯ 93ನೇ ಬಸ್ ದಿನಾಚರಣೆಯ ಘೋಷವಾಕ್ಯ. ಸರಿ, ಎಲ್ಲರೂ ಇದನ್ನು ಸ್ವಾಗತಿಸೋಣ. ಆದರೆ ಖಾಸಗಿ ಕಾರು ಮತ್ತು ದ್ವಿಚಕ್ರ ವಾಹನದಲ್ಲಿ ನಾವು ಪ್ರಯಾಣಿಸಿದಾಗ ಬಸ್ ಪ್ರಯಾಣದ ವೆಚ್ಚಕ್ಕಿಂತ ಶೇ 40 ರಷ್ಟು ಹಣ ಕಡಿಮೆ ಖರ್ಚಾಗುತ್ತದೆ. ಖಾಸಗಿ ವಾಹನಗಳ ಪ್ರಯಾಣದ ದರಕ್ಕಿಂತ ಬಸ್ ಪ್ರಯಾಣ ದರ ಕಡಿಮೆಯಾದರೆ ಜನ ತಾವಾಗಿಯೇ ಬಸ್ ಬಳಸಲು ಪ್ರಾರಂಭಿಸುತ್ತಾರೆ. ಆದ್ದರಿಂದ ಸಂಸ್ಥೆಯು ಪ್ರಯಾಣ ದರ ಕಡಿಮೆ ಮಾಡಲು ಮುಂದಾಗಬೇಕು.