ನನಗೆ ಚಿಕ್ಕಂದಿನಿಂದಲೂ ಡಾನ್ಸ್ ಅಂದ್ರೆ ಇಷ್ಟ. ಶಾಸ್ತ್ರೀಯ, ಪಾಶ್ಚಾತ್ಯ, ಬಾಲಿವುಡ್, ಹಿಪ್ಹಾಪ್ ಹೀಗೆ ವಿವಿಧ ಪ್ರಕಾರಗಳಲ್ಲಿ ತರಬೇತಿ ಪಡೆದುಕೊಂಡೆ. ನೃತ್ಯ ಸಂಯೋಜಕಿಯಾಗಿ, ರೂಪದರ್ಶಿಯಾಗಿಯೂ ಕೆಲಸ ಮಾಡಿದ್ದೇನೆ. ಮಾಡೆಲಿಂಗ್ ಮಾಡುವಾಗ ಸಿಕ್ಕ ಅವಕಾಶ ಸಿನಿ ರಂಗದ ದಾರಿ ತೋರಿತು. ‘ಅಟನ’ಕ್ಕೂ ಮುನ್ನ ಒಂದು ಚಿತ್ರಕ್ಕೆ ಬಣ್ಣ ಹಚ್ಚಿದ್ದರಂತೆ. ಕಾರಣಾಂತರಗಳಿಂದ ಆ ಸಿನಿಮಾ ಅರ್ಧಕ್ಕೆ ನಿಂತು ಹೋಯಿತು.
‘ಅಟನ’ ಹೊಸಬರ ಚಿತ್ರ. ಈ ಸಿನಿಮಾದಲ್ಲಿ ನಾನು ಸ್ತ್ರೀ ಸಂವೇದನೆ ಬಿಂಬಿಸುವ ಪಾತ್ರ ನಿರ್ವಹಿಸಿದ್ದೇನೆ. ನನ್ನ ಅಭಿನಯ ಸಾಮರ್ಥ್ಯಕ್ಕೆ ಸವಾಲೊಡ್ಡಿದ ಪಾತ್ರವಿದು. ಪ್ರೀತಿ, ಥ್ರಿಲ್ಲರ್, ಸೆಂಟಿಮೆಂಟ್ ಇರುವ ಚಿತ್ರ ಇದು.
ಚಿತ್ರದ ಶೀರ್ಷಿಕೆಯೇ ಧ್ವನಿಸುವಂತೆ ಈ ಚಿತ್ರದಲ್ಲಿ ಒಂದು ಜರ್ನಿ ಇದೆ. ಆ ಜರ್ನಿ ಪ್ರೇಕ್ಷಕರಿಗೂ ಹೊಸತನದ ಅನುಭವ ಕೊಡಲಿದೆ. ಹೊಸ ಪ್ರತಿಭೆ ವಿಶಾಲ್ ಚಿತ್ರದ ನಾಯಕ ನಟ. ಅಕ್ಟೋಬರ್ ಕೊನೆಯ ವಾರ ಅಥವಾ ನವೆಂಬರ್ ಮೊದಲವಾರದಲ್ಲಿ ಚಿತ್ರ ತೆರೆಗೆ ಬರಲಿದೆ.
ನಾನು ಮೂಲತಃ ಮಂಗಳೂರಿನ ಕೊಟ್ಟಾರದವಳು. ನಿಮಗೆ ಗೊತ್ತಾ ನಾನು ಹ್ಯಾಂಡ್ಬಾಲ್ ರಾಷ್ಟ್ರಮಟ್ಟದ ಆಟಗಾರ್ತಿ. ‘ಅಟನ’ ಚಿತ್ರದ ನಿರ್ದೇಶಕ ಪರಮೇಶ್ ಅವರು ಒಂದು ಫ್ಯಾಷನ್ ಶೋನಲ್ಲಿ ನನ್ನನ್ನು ನೋಡಿದರು. ಅವರ ಹೊಸ ಚಿತ್ರದ ನಾಯಕಿ ಪಾತ್ರಕ್ಕೆ ನಾನು ಹೊಂದುತ್ತೇನೆ ಅಂತ ಅವರಿಗೆ ಅನ್ನಿಸಿತು. ಆಫರ್ ನೀಡಿದರು. ಚಿತ್ರಕತೆ ನನಗೂ ಇಷ್ಟವಾದ್ದರಿಂದ ಒಪ್ಪಿಕೊಂಡೆ.
ಚಿತ್ರರಂಗಕ್ಕೆ ಕಾಲಿಟ್ಟ ನಂತರ ಶಿಫಾಲಿ ನನ್ನ ದಿನಚರಿಯಲ್ಲಿ ಅನೇಕ ಬದಲಾವಣೆಗಳನ್ನು ಮಾಡಿಕೊಂಡೆ. ಫಿಟ್ನೆಸ್ ಕಾಪಾಡಿಕೊಳ್ಳುವ ಸಲುವಾಗಿ ವರ್ಕೌಟ್ ಮೊರೆ ಹೋಗಿದ್ದೇನೆ.
ತೆರೆಯ ಮೇಲೆ ಸುಂದರವಾಗಿ ಕಾಣಿಸಬೇಕು ಅಂದ್ರೆ ದೇಹ ಫಿಟ್ ಆಗಿ ಇರಲೇಬೇಕು. ಅದಕ್ಕಾಗಿ ಯೋಗ ಮಾಡುತ್ತೇನೆ. ಜಿಮ್ನಲ್ಲಿ ಟಯರ್ ವರ್ಕೌಟ್ ಮಾಡಿ ಬೆವರಿಳಿಸುತ್ತೇನೆ. ನಾನು ಮೊದಲಿನಿಂದಲೂ ತಿಂಡಿಪೋತಿ. ತಿನ್ನುವುದರಲ್ಲಿ ಯಾವತ್ತೂ ಕಟ್ಟು ಮಾಡಿದವಳಲ್ಲ. ಹೆಚ್ಚು ತಿಂದರೆ ದಪ್ಪ ಆಗುತ್ತೇನೆ ಎಂಬ ಭಯವಿಲ್ಲ. ಏಕೆಂದರೆ, ನಿತ್ಯವೂ ನಾನು ಡಾನ್ಸ್ ಪ್ರಾಕ್ಟೀಸ್ ಮಾಡ್ತೀನಿ. ಮೈಮಾಟ ಚಂದ ಕಾಣಲು, ಫಿಟ್ನೆಸ್ ಕಾಪಾಡಿಕೊಳ್ಳಲು ಡಾನ್ಸ್ಗಿಂದ ದೊಡ್ಡ ಔಷಧಿ ಮತ್ತೊಂದಿಲ್ಲ.
ಭಾಷೆ ಯಾವುದಾದರೂ ಸರಿ ಉತ್ತಮ ಚಿತ್ರಕತೆ ಸಿಕ್ಕರೆ ನಟಿಸಲು ಸಿದ್ಧ. ಈಗ ನನ್ನಕೈಲಿ ಮತ್ತೊಂದು ಕನ್ನಡ ಸಿನಿಮಾ ಇದೆ. ‘ಮೆಂಟಲ್ ಮಂಜ’ ಈ ಚಿತ್ರದ ನಾಯಕ ನಟ. ಸ್ಯಾಂಡಲ್ವುಡ್ ಮೂಲಕ ಆರಂಭಗೊಂಡಿರುವ ತಮ್ಮ ಚಿತ್ರಯಾನವನ್ನು ಕೋಸ್ಟಲ್ವುಡ್ ಮತ್ತು ಅದರಾಚೆಗೂ ವಿಸ್ತರಿಸಿಕೊಳ್ಳುವ ಕನಸು ಹೊಸೆಯುತ್ತಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.