ಅವಸಾನದ ಅಂಚಿಗೆ ತಲುಪಿದ ವಿದ್ಯಾಕೇಂದ್ರ

ಸೋಮವಾರ, ಜೂನ್ 17, 2019
22 °C

ಅವಸಾನದ ಅಂಚಿಗೆ ತಲುಪಿದ ವಿದ್ಯಾಕೇಂದ್ರ

Published:
Updated:
ಅವಸಾನದ ಅಂಚಿಗೆ ತಲುಪಿದ ವಿದ್ಯಾಕೇಂದ್ರ

ಹೊನ್ನಾಳಿ: ಜಿಲ್ಲೆಯಲ್ಲಿ ಶತಮಾನ ಕಂಡಶಾಲೆಗಳ ಪೈಕಿ ಪಟ್ಟಣದ ಸಮೀಪವಿರುವ ಟಿ.ಬಿ. ವೃತ್ತದ ಬಳಿಯಿರುವ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಅತ್ಯಂತ ಹಳೆಯದು. ಆದರೆ, ಈ ಶಾಲೆ ಹೆಮ್ಮೆಪಡುವ ಬದಲು ಕೆಲವು ವರ್ಷಗಳಿಂದ ಈಚೆಗೆ ಅವಸಾನದ ಅಂಚಿಗೆ ಬಂದು ತಲುಪಿದೆ.

ಈ ಶಾಲಾ ಕಟ್ಟಡ ಶಿಥಿಲಾವಸ್ಥೆಯಲ್ಲಿದೆ. ಗೋಡೆಗಳ ಮೇಲ್ಪದರ ಹಂತಹಂತವಾಗಿ ಕಳಚಿ ಬೀಳುತ್ತಿದೆ. ಮರದ ಕಿಟಕಿಗಳು, ಬಾಗಿಲುಗಳು ಮುರಿದುಬಿದ್ದಿವೆ. ಚಾವಣಿಗೆ ಆಗಾಗ್ಗೆ ಚುರುಕಿ ಹಾಕಿಸುವ ಮೂಲಕ ತೇಪೆ ಕಾರ್ಯ ನಡೆಯುತ್ತಿದೆ. ಆದರೂ ಯಾವುದೇ ಪ್ರಯೋಜನವಾಗಿಲ್ಲ.

ಕನ್ನಡ ಹಾಗೂ ಆಂಗ್ಲ ಮಾಧ್ಯಮದಲ್ಲಿ ನಡೆಯುತ್ತಿರುವ ಈ ಶಾಲೆಯಲ್ಲಿ ಉತ್ತಮ ಶಿಕ್ಷಕರಿದ್ದಾರೆ. ಎರಡೂ ಮಾಧ್ಯಮಗಳಲ್ಲಿ ಒಟ್ಟು 300 ವಿದ್ಯಾರ್ಥಿಗಳು ಕಲಿಯುತ್ತಿದ್ದಾರೆ. ಹಿಂದೆ ಕಲಿತವರು ವಿವಿಧ ಕ್ಷೇತ್ರಗಳಲ್ಲಿ ಹೆಸರು ಮಾಡಿದ್ದು ದೇಶ, ವಿದೇಶಗಳಲ್ಲಿ ನೆಲೆಸಿದ್ದಾರೆ. ಶಾಲೆಯ ದುರಸ್ತಿ ಮಾಡಿಸಬೇಕೆಂದು ಮುಖ್ಯ ಶಿಕ್ಷಕ ಎಂ.ರುದ್ರಯ್ಯ ಅಧಿಕಾರಿಗಳಿಗೆ, ಜನಪ್ರನಿಧಿಗಳಿಗೆ ಮನವಿ ಸಲ್ಲಿಸುತ್ತಾ ಬಂದಿದ್ದಾರೆ. ಈ ಶಾಲೆಗೆ ಆವರಣಗೋಡೆ ಇಲ್ಲ. ಇದರಿಂದ ಇಲ್ಲಿಗೆ ಹಂದಿಗಳ ಹಿಂಡು ಬರುತ್ತದೆ. ಬಿಸಿಯೂಟ ಉಂಡ ಮಕ್ಕಳು ಬಟ್ಟಲು ತೊಳೆದ ನೀರು ಹೊರ ಹೋಗುತ್ತಿಲ್ಲ. 

ಸಾಲದು ಎಂಬಂತೆ ಒಂದು ವಾರದಿಂದ ಸುರಿಯುತ್ತಿರುವ ಮಳೆಯ ನೀರು ಶಾಲೆಯ ಅಂಗಳದಲ್ಲಿ ಸಂಗ್ರಹವಾಗಿದ್ದು, ಆವರಣ ಕೆರೆಯಂತಾಗಿದೆ.ಇಲ್ಲಿ ಸಂಗ್ರಹವಾದ ಮಳೆ ನೀರು ಹೊರಗೆ ಹೋಗಲು ಚರಂಡಿ ವ್ಯವಸ್ಥೆ ಇಲ್ಲ. ಈ ಸಮಸ್ಯೆ ಬಗೆಹರಿಸಿ ಎಂದು ಜಿಲ್ಲಾ ಪಂಚಾಯ್ತಿ ಅಧ್ಯಕ್ಷರು, ಈ ಭಾಗದ ಪಂಚಾಯ್ತಿ ಸದಸ್ಯರು, ತಾಲ್ಲೂಕು ಪಂಚಾಯ್ತಿ ಸದಸ್ಯರಿಗೆ ಮನವಿ ಮಾಡಿದ್ದೆವು. ಆದರೆ, ಯಾವುದೇ ಪ್ರಯೋಜನವಾಗಿಲ್ಲ ಎಂದು ಬೇಸರ ವ್ಯಕ್ತಪಡಿಸುತ್ತಾರೆ ಮುಖ್ಯಶಿಕ್ಷಕ ರುದ್ರಯ್ಯ.

ಶಾಲೆಯ ಸಂಪೂರ್ಣ ದುರಸ್ತಿ ಆಗಬೇಕು ಎಂಬುದನ್ನು ಶಾಸಕ ಡಿ.ಜಿ.ಶಾಂತನಗೌಡ ಅವರಿಂದ ಮೊದಲ್ಗೊಂಡು ಜಿಲ್ಲಾ ಪಂಚಾಯ್ತಿ ಅಧ್ಯಕ್ಷರು, ಸದಸ್ಯರು, ತಾಲ್ಲೂಕು ಪಂಚಾಯ್ತಿ ಸದಸ್ಯರು, ಗ್ರಾಮ ಪಂಚಾಯ್ತಿ ಸದಸ್ಯರು ಮತ್ತು ಸಾರ್ವಜನಿಕ ಶಿಕ್ಷಣ ಇಲಾಖೆ ಉಪ ನಿರ್ದೇಶಕರು, ಬಿಇಒ ಗಮನಕ್ಕೆ ಹತ್ತಾರು ಬಾರಿ ತರಲಾಗಿದೆ ಎನ್ನುತ್ತಾರೆ ಶಿಕ್ಷಕರೊಬ್ಬರು.

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry