ರೇಸ್ನ ಆರಂಭದಿಂದಲೇ ಅಮೋಘ ಚಾಲನಾ ಕೌಶಲ ಮೆರೆದ ಹ್ಯಾಮಿಲ್ಟನ್ ಎಲ್ಲಾ ಲ್ಯಾಪ್ಗಳಲ್ಲೂ ಪಾರಮ್ಯ ಮೆರೆದು ಪ್ರತಿಸ್ಪರ್ಧಿಗಳನ್ನು ಹಿಂದಿಕ್ಕಿದರು. ರೆಡ್ ಬುಲ್ ತಂಡದ ಮ್ಯಾಕ್ಸ್ ವೆರ್ಸ್ಟಾಪನ್ ಮತ್ತು ಡೇನಿಯನ್ ರಿಕಿಯಾರ್ಡೊ, ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡರು. ಸಹರಾ ಫೋರ್ಸ್ ಇಂಡಿಯಾ ತಂಡ ‘ಡಬಲ್ ಪಾಯಿಂಟ್’ ಕಲೆಹಾಕಿತು. ಈ ತಂಡದ ಎಸ್ಟೆಬನ್ ಒಕಾನ್ ಮತ್ತು ಸರ್ಜಿಯೊ ಪೆರೆಜ್ ಕ್ರಮವಾಗಿ ಆರು ಮತ್ತು ಏಳನೇ ಸ್ಥಾನಗಳೊಂದಿಗೆ ಸ್ಪರ್ಧೆ ಮುಗಿಸಿದರು.
