ಜೈಪುರ: ಸಂಘಟಿತವಾಗಿ ಆಡಿದ ಗುಜರಾತ್ ಫಾರ್ಚೂನ್‌ಜೈಂಟ್ಸ್‌ ತಂಡದ ಆಟಗಾರರು ಪ್ರೊ ಕಬಡ್ಡಿ ಪಂದ್ಯದಲ್ಲಿ ಭಾನುವಾರ ಅಭೂತಪೂರ್ವ ಗೆಲುವು ದಾಖಲಿಸಿದ್ದಾರೆ.
ಪಟ್ನಾ ಪೈರೇಟ್ಸ್ ಎದುರಿನ ಪಂದ್ಯದಲ್ಲಿ 33–29 ಪಾಯಿಂಟ್ಸ್‌ಗಳಿಂದ ಜಯಗಳಿಸಿದೆ. ಗುಜರಾತ್ ತಂಡದ ಮಹೇಂದ್ರ ರಜಪೂತ್ ಆರು ಪಾಯಿಂಟ್ಸ್ ಕಲೆಹಾಕಿದರೆ ಸಚಿನ್ ಹಾಗೂ ಫಜಲ್‌ ತಲಾ ಐದು ಪಾಯಿಂಟ್ಸ್ ತಂದುಕೊಟ್ಟರು.
ಪೈರೇಟ್ಸ್ ತಂಡದಲ್ಲಿ ಮೋನು ಗೋಯತ್ ಮಿಂಚಿದರು. ಈ ಆಟಗಾರ ಟ್ಯಾಕಲ್‌ನಲ್ಲಿ ಮೂರು ಹಾಗೂ ಬೋನಸ್‌ನಲ್ಲಿ ಮೂರು ಪಾಯಿಂಟ್ಸ್ ಗಳಿಸಿದರು. ವಿಜಯ್‌ ಕೂಡ ಆರು ಪಾಯಿಂಟ್ಸ್ ತಂದರೆ, ಪ್ರದೀಪ್ ನರ್ವಾಲ್‌ ನಾಲ್ಕು ಪಾಯಿಂಟ್ಸ್ ಕಲೆಹಾಕಿದರು.
