ಶಿಫಾರಸುಗಳನ್ನು ಅಂತಿಮಗೊಳಿಸುವ ಮುನ್ನ ಅಮೆರಿಕ, ಜರ್ಮನಿ, ಐರೋಪ್ಯ ಒಕ್ಕೂಟ ಮತ್ತು ಆಸ್ಟ್ರೇಲಿಯಾ ದೇಶಗಳ ಕಾನೂನುಗಳನ್ನು ಸಮಿತಿಯು ಅಧ್ಯಯನ ಮಾಡಿದೆ. ದ್ವೇಷ, ನಿಂದೆ ಮತ್ತು ಉಗ್ರವಾದವನ್ನು ಪಸರಿಸುವುದಕ್ಕಾಗಿ ಅಂತರ್ಜಾಲದ ಬಳಕೆ ಆಗುತ್ತಿರುವುದು ನಿಜ ಎಂದು ಸಮಿತಿ ಹೇಳಿದೆ. ಈ ಪ್ರವೃತ್ತಿ ಅಪಾಯಕಾರಿ ಮಟ್ಟದಲ್ಲಿ ಬೆಳೆಯುತ್ತಿದೆ. ಆದರೆ ಇದನ್ನು ತಡೆಯುವ ಪ್ರಯತ್ನ ಆಗುತ್ತಿಲ್ಲ. ಸಾಮಾಜಿಕ ಮಾಧ್ಯಮಗಳಲ್ಲಿ, ವಿಶೇಷವಾಗಿ ಟ್ವಿಟರ್ನಲ್ಲಿ ಮಹಿಳೆಯರು ಹೆಚ್ಚು ಕಿರುಕುಳಕ್ಕೆ ಒಳಗಾಗುತ್ತಿದ್ದಾರೆ ಎಂದು ವರದಿ ಹೇಳಿದೆ.