ಪದ್ಮಾವತಿ ಟ್ರೇಲರ್‌ ಬಿಡುಗಡೆ: ಎದೆ ಬಡಿತ ಹೆಚ್ಚಿಸುವ ದೃಶ್ಯ ವೈಭವ

ಸೋಮವಾರ, ಜೂನ್ 24, 2019
26 °C

ಪದ್ಮಾವತಿ ಟ್ರೇಲರ್‌ ಬಿಡುಗಡೆ: ಎದೆ ಬಡಿತ ಹೆಚ್ಚಿಸುವ ದೃಶ್ಯ ವೈಭವ

Published:
Updated:
ಪದ್ಮಾವತಿ ಟ್ರೇಲರ್‌ ಬಿಡುಗಡೆ: ಎದೆ ಬಡಿತ ಹೆಚ್ಚಿಸುವ ದೃಶ್ಯ ವೈಭವ

ಬೆಂಗಳೂರು: ಸಂಜಯ್‌ ಲೀಲಾ ಬನ್ಸಾಲಿ ನಿರ್ದೇಶನದ ಬಹುನಿರೀಕ್ಷಿತ ಪದ್ಮಾವತಿ ಚಿತ್ರದ ಟ್ರೇಲರ್ ಯುಟ್ಯೂಬ್‌ನಲ್ಲಿ ಬಿಡುಗಡೆಯಾಗಿದೆ.

3 ನಿಮಿಷ 9 ಸೆಕೆಂಡ್‌ಗಳ ಟ್ರೇಲರ್‌ನಲ್ಲಿ ಚಿತ್ರದ ಅದ್ದೂರಿ ತನ ಬಿಂಬಿತವಾಗುತ್ತದೆ. ಟ್ರೇಲರ್‌ ಬಿಡುಗಡೆಯಾಗಿ ಒಂದೂವರೆ ಗಂಟೆಯಲ್ಲಿ 1.5 ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡಿದೆ.

ಸೌಂದರ್ಯ ಹಾಗೂ ದಿಟ್ಟತನದ ಪ್ರತೀಕದಂತೆ ಕಾಣುವ ರಾಣಿ ಪದ್ಮಾವತಿ ಪಾತ್ರದಲ್ಲಿ ದೀಪಿಕಾ ಪಡುಕೋಣೆ ಕಂಗೊಳಿಸುತ್ತಾರೆ. ಸಾಮ್ರಾಜ್ಯದ ಹೊಣೆ ಹೊತ್ತು ಹೋರಾಟಕ್ಕೆ ನಿಂತ ಮಹರವಾಲ್‌ ರತನ್‌ ಸಿಂಗ್‌ ಆಗಿ ಶಾಹಿದ್‌ ಕಪೂರ್‌ ಭಿನ್ನವಾಗಿ ಕಾಣುತ್ತಾರೆ.

ಅದ್ದೂರಿತನದೊಂದಿಗೆ ಟ್ರೇಲರ್‌ನಲ್ಲಿ ಗಮನ ಸೆಳಯುವ ಮತ್ತೊಂದು ಅಂಶ ರಣವೀರ್‌ ಸಿಂಗ್‌. ಅಲ್ಲಾವುದ್ದೀನ್‌ ಖಿಲ್ಜಿ ಪಾತ್ರದ ಒರಟು ತನ ಎದ್ದು ಕಾಣುತ್ತದೆ. ಉಳಿದಂತೆ ಯುದ್ಧ ಭೂಮಿ, ಕೋಟೆ, ಸೇನೆ, ಅರಮನೆ, ಸೌಂದರ್ಯ, ಸಮರ ಎಲ್ಲವನ್ನೂ ಟ್ರೇಲರ್‌ ಒಳಗೊಂಡಿದೆ.

ಸೋಮವಾರ ಮಧ್ಯಾಹ್ನ 13:03ಕ್ಕೆ ಸರಿಯಾಗಿ ಟ್ರೇಲರ್‌ ಬಿಡುಗಡೆಯಾಗಿದೆ. ಚಿತ್ತೋರ್‌ ಕೋಟೆ ಮೇಲೆ ಆಕ್ರಮಣ ಮಾಡುವ ಅಲ್ಲಾವುದ್ದೀನ್‌ ಖಿಲ್ಜಿ ವಿರುದ್ಧ ರತನ್‌ ಸಿಂಗ್‌ 1303ರಲ್ಲಿ ಮೊದಲ ಬಾರಿ ಹೋರಾಟ ನಡೆಸಿದ ಪ್ರತೀಕವಾಗಿ ಟ್ರೇಲರ್ ಬಿಡುಗಡೆಗೆ 13:03 ಸಮಯ ನಿಗದಿ ಮಾಡಲಾಗಿತ್ತು ಎನ್ನಲಾಗಿದೆ.

ವರ್ಷದ ಬಹುನಿರೀಕ್ಷಿತ ಚಿತ್ರವೆಂದೇ ಪರಿಗಣಿಸಲಾಗಿರುವ ಪದ್ಮಾವತಿ ಡಿಸೆಂಬರ್‌ 1ರಂದು ತೆರೆಕಾಣಲಿದೆ. ಭಾರತದಲ್ಲಿ 8,000ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡಲು ನಿರ್ಮಾಣ ಸಂಸ್ಥೆ ವಯಕಾಂ18 ಸಿದ್ಧತೆ ನಡೆಸಿದೆ.

ಪುರಾಣದ ಕತೆಯನ್ನು ತಿರುಚಿದ್ದಾರೆ ಎಂದು ಆರೋಪಿಸಿ ಧಾರ್ಮಿಕ ಸಂಘಟನೆಗಳು ಈ ಹಿಂದೆ ಚಿತ್ರೀಕರಣದ ಸೆಟ್‌ ಮೇಲೆ ದಾಳಿ ನಡೆಸಿದ್ದಲ್ಲದೆ, ಬನ್ಸಾಲಿ ಅವರ ಮೇಲೆ ಹಲ್ಲೆಯನ್ನೂ ನಡೆಸಿದ್ದರು. ಪರಿಣಾಮವಾಗಿ, ಜೈಪುರದಿಂದ ಚಿತ್ರೀಕರಣ ಸೆಟ್‌ನ್ನು ಎತ್ತಂಗಡಿ ಮಾಡಲಾಗಿತ್ತು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry