‘ಮುಂಜಾನೆದ್ದು ಟಿವಿ ಹಾಕಿದ್ರೆ ಇವರದ್ದೇನೆ ಸುಪ್ರಭಾತ, ಸಂಜೆ ಎಣ್ಣೆ ಹೊಡಿಯೊರಿಗೆಲ್ಲಾ ಇವರೇ ಗುರುವೇ ದೇವಧೂತ..’ ಹೀಗೊಂದು ಹಾಡು ಯುಟ್ಯೂಬ್‌ನಲ್ಲಿ ಹರಿದಾಡುತ್ತಿದೆ. ಇದು ನಿರ್ದೇಶಕ ಯೋಗರಾಜಭಟ್‌ ಅವರ ಹುಟ್ಟುಹಬ್ಬಕ್ಕಾಗಿ ಗೆಳೆಯರು ಸೇರಿ ಮಾಡಿರುವ ವಿಡಿಯೊ. ಹೈ ಬೀಟ್ಸ್‌, ಈ ಹಾಡಿಗೆ ಪಡ್ಡೆ ಹುಡುಗರು ಟಪಾಂಗುಚ್ಚಿ ಹಾಕುತ್ತಿದ್ದಾರೆ. ಈ ಹಾಡನ್ನು ಬರೆದು ನಿರ್ದೇಶನ ಮಾಡಿರುವುದು ಆಂಜೀನಯ್ಯ. ಸಂತೋಷ್‌ ವೆಂಕಿ ಹಾಡಿದ್ದಾರೆ. ಸಂಗೀತ ಸಂಯೋಜನೆ ಮಾಡಿರುವುದು ಕೆವಿನ್ ಎಂ. ಈ ಹಾಡು ಶ್ರೀಮಲ್ಲೇಶ್ವರಸ್ವಾಮಿ ಮತ್ತು ಶ್ರೀಗಾಯತ್ರಿದೇವಿ ಕಂಬೈನ್ಸ್‌ ಸಂಸ್ಥೆ ವತಿಯಿಂದ ನಿರ್ಮಾಣವಾಗಿದೆ.
