‘ಹಿಂದೂಗಳ ಮೇಲಿನ ದೌರ್ಜನ್ಯಕ್ಕೆ ಸರ್ಕಾರದ ಕುಮ್ಮಕ್ಕು’

ಈಚೆಗೆ ನಡೆದ ಘರ್ಷಣೆಯಲ್ಲಿ ಗಾಯಗೊಂಡು ಇಲ್ಲಿನ ಕಿಮ್ಸ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಬಿಜೆಪಿ ಯುವ ಮೋರ್ಚಾ ಮುಖಂಡ ಪ್ರವೀಣ ಕಳಸೂರ ಅವರ ಆರೋಗ್ಯ ವಿಚಾರಿಸಿದ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ‘ಕಳೆದ 70 ವರ್ಷಗಳಿಂದ ಕಾಂಗ್ರೆಸ್‌ ಇದನ್ನೇ ಮಾಡುತ್ತಾ ಬಂದಿದೆ. ಮುಸ್ಲಿಂ ಯುವಕರನ್ನು ಹಿಂಸೆಗೆ ಪ್ರಚೋದಿಸುತ್ತಿದೆ. ಸರ್ಕಾರದಲ್ಲಿರುವ ಕೆಲವರುಉದ್ದೇಶಪೂರ್ವಕವಾಗಿ ಹಿಂದೂ– ಮುಸ್ಲಿಂ ಸಮುದಾಯಗಳ ಮಧ್ಯದ ಅಂತರವನ್ನು ಹೆಚ್ಚಿಸುತ್ತಿದ್ದಾರೆ’ ಎಂದರು.

‘ಸಚಿವ ರಮಾನಾಥ ರೈ ಅವರು ಯಾವ ಸವಾಲು ಬೇಕಿದ್ದರೂ ಹಾಕಲಿ. ನಾನು ಅವರ ವಿರುದ್ಧ ಚುನಾವಣೆಯಲ್ಲಿ ಸ್ಪರ್ಧಿಸುವ ಯೋಚನೆ ಇಲ್ಲ. ನಾನು ಆ ರಾಜಕೀಯದಿಂದ ದೂರ ಇದ್ದೇನೆ. ಯಾರು ಉತ್ತಮರು ಇದ್ದಾರೋ ಅವರಿಗೆ ಬೆಂಬಲಿಸುವಂತೆ ಯುವ ಮತದಾರರಿಗೆ ಹೇಳುವ ರಾಜಕೀಯ ಮಾಡುತ್ತೇನೆ’ ಎಂದರು.