‘ಸಾಹಿತಿಗಳ ಬದ್ಧತೆ ಪ್ರಶ್ನಿಸಬೇಡಿ’

ಬುಧವಾರ, ಜೂನ್ 19, 2019
29 °C

‘ಸಾಹಿತಿಗಳ ಬದ್ಧತೆ ಪ್ರಶ್ನಿಸಬೇಡಿ’

Published:
Updated:
‘ಸಾಹಿತಿಗಳ ಬದ್ಧತೆ ಪ್ರಶ್ನಿಸಬೇಡಿ’

ಬೆಂಗಳೂರು: ‘ಎಲ್ಲ ಸಾಹಿತಿಗಳಿಗೂ ನಾಡಿನ ನೆಲ, ಜಲ, ನುಡಿಯ ಕುರಿತು ಕಳಕಳಿ ಇದೆ. ಬೀದಿಗೆ ಬಂದು ಹೋರಾಟಗಳಲ್ಲಿ ಭಾಗವಹಿಸಿಲ್ಲ ಎಂಬ ಮಾತ್ರಕ್ಕೆ ಅವರ ಕನ್ನಡದ ಕಾಳಜಿ, ಬದ್ಧತೆ ಪ್ರಶ್ನಿಸಬೇಡಿ’ ಎಂದು ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ನಿಯೋಜಿತ ಅಧ್ಯಕ್ಷ ಚಂದ್ರಶೇಖರ ಪಾಟೀಲ ಹೇಳಿದರು.

ಕನ್ನಡ ಒಕ್ಕೂಟವು ನಗರದಲ್ಲಿ ಸೋಮವಾರ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಸನ್ಮಾನ ಸ್ವೀಕರಿಸಿ ಅವರು ಮಾತನಾಡಿದರು.

‘ನಾಡಿನ ಹೋರಾಟಗಳಿಗೆ ಕುವೆಂಪು ವ್ಯಾಕರಣ ಕೊಟ್ಟರು. ಅವರಂತೆಯೇ ಕೆಲವರು ಬರಹದ ಮೂಲಕ, ಹಲವರು ಹೋರಾಟಗಳ ಮೂಲಕ ನಾಡನ್ನು ಕಟ್ಟುತ್ತಿದ್ದಾರೆ. ಈ ಎರಡು ಸಮೂಹಗಳಲ್ಲಿ ಯಾರು ಮೇಲು ಎಂಬ ತುಲನೆಯನ್ನು ನಾವು ಮಾಡಬಾರದು’ ಎಂದರು.

ಕನ್ನಡ ಚಳವಳಿ ವಾಟಾಳ್‌ ಪಕ್ಷದ ಅಧ್ಯಕ್ಷ ವಾಟಾಳ್‌ ನಾಗರಾಜ್‌, ‘ಸಾಹಿತ್ಯ ಸಮ್ಮೇಳನವಿಂದು ಮೂರು ದಿನದ ಜಾತ್ರೆಯಂತಾಗಿದೆ. ಅಧ್ಯಕ್ಷರ ಭಾಷಣ ಹಿಂದಿನ ವರ್ಷದ ನಿರ್ಣಯಗಳ ನಕಲಾಗಿರುತ್ತದೆ. ಈ ಬಾರಿಯಾದರೂ ಸಮ್ಮೇಳನದಲ್ಲಿ ನಾಡಿನ ಜ್ವಲಂತ ಸಮಸ್ಯೆಗಳ ಗಂಭೀರ ಚರ್ಚೆಗಳು ಆಗಬೇಕು’ ಎಂದು ಒತ್ತಾಯಿಸಿದರು.

ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯ ಅಧ್ಯಕ್ಷ ಸಾ.ರಾ.ಗೋವಿಂದು,‘ರಾಜ್‌ಕುಮಾರ್‌ ಅವರನ್ನು ಗೋಕಾಕ್‌ ಚಳವಳಿಯ ಕಣಕ್ಕೆ ತರುವಲ್ಲಿ ಚಂಪಾ ಶ್ರಮಿಸಿದ್ದರು. ಸಮ್ಮೇಳನಾಧ್ಯಕ್ಷರ ಭಾಷಣದಲ್ಲಿ ರಾಜ್ಯದ ಶಾಶ್ವತ ನೀರಾವರಿ ಯೋಜನೆಗಳ ಪರವಾಗಿ ಧ್ವನಿ ಎತ್ತಬೇಕು’ ಎಂದು ಮನವಿ ಮಾಡಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry