ಮಳೆಗೆ ಕುಸಿದು ಬಿದ್ದ ಸೇತುವೆ

ವಿದ್ಯಾರ್ಥಿಗಳು ಸೇರಿ ನಿತ್ಯ ಈ ಮಾರ್ಗವಾಗಿ ನೂರಾರು ಜನ ಸಂಚರಿಸುತ್ತಿದ್ದು, ತೊಂದರೆ ಸಿಲುಕಿದ್ದಾರೆ.ಸೇತುವೆ ಕುಸಿದ ಸ್ಥಳದಲ್ಲಿ ದೊಡ್ಡ ಕಂದಕವೇ ಸೃಷ್ಟಿಯಾಗಿದೆ. ಮಾಡಳ್ಳಿ ಮುಖಾಂತರ ಲಕ್ಷ್ಮೇಶ್ವರ, ಶಿರಹಟ್ಟಿ ಹಾಗೂ ಗದಗ ನಗರಕ್ಕೆ ಸಂಚರಿಸುವ ವಾಹನಗಳಿಗೂ ಅಡಚಣೆಯಾಗಿದೆ.

ಮಾಡಳ್ಳಿ ಗ್ರಾಮದಿಂದ ಕೋಳಿವಾಡ ಗ್ರಾಮಕ್ಕೆ ಸಂಚರಿಸುವ ಮಾರ್ಗಮದ್ಯದಲ್ಲಿ ₹2 ಕೋಟಿ ವೆಚ್ಚದಲ್ಲಿ ನಾಲ್ಕು ಸಿಮೆಂಟ್‌ ಕಂಬಗಳನ್ನು ನಿರ್ಮಿಸಲಾಗಿದ್ದು, ಅವೂ ಸಹ ಮಳೆಗೆ ಹಾನಿಗೊಂಡಿವೆ. ಕಳಪೆ ಕಾಮಗಾರಿಯೇ ಇದಕ್ಕೆ ಕಾರಣ ಎಂದು ಆರೋಪಿಸಿರುವ ಗ್ರಾಮಸ್ಥರು, ಸೇತುವೆಯನ್ನು ತಕ್ಷಣ ದುರಸ್ತಿಗೊಳಿಸಬೇಕು ಎಂದು ಒತ್ತಾಯಿಸಿದ್ದಾರೆ.