ಯೋಗ ಎಂದರೆ ಶಿಸ್ತು

ಗುರುವಾರ , ಜೂನ್ 20, 2019
26 °C

ಯೋಗ ಎಂದರೆ ಶಿಸ್ತು

Published:
Updated:
ಯೋಗ ಎಂದರೆ ಶಿಸ್ತು

* ಸುಕೃತ ಎಸ್‌.

ನಿಮ್ಮ ಪ್ರಕಾರ ಅಂಗ ಸೌಷ್ಟವಕ್ಕೆ ಯೋಗದ ಕೊಡುಗೆ ಏನು?

ಮೊದಲು ನನಗೆ ಯೋಗದ ಬಗ್ಗೆ ಅಷ್ಟೊಂದು ಆಸಕ್ತಿ ಇರಲಿಲ್ಲ. ಎಷ್ಟೊ ಜನ ಇದರ ಬಗೆಗೆ ಹೇಳಿದರೂ ನಾನು ಗಮನಕೊಟ್ಟಿರಲಿಲ್ಲ. ಆದರೆ, ಈಗ ನನಗೆ ಅರಿವಾಗಿದೆ. ಯೋಗ ದೇಹದ ಫಿಟ್‌ನೆಸ್‌ಗೆ ಮಾತ್ರ ಸಹಾಯಕ ಅಲ್ಲ. ಮನಸ್ಸಿನ ನೆಮ್ಮದಿಗೂ ಇದು ಮುಖ್ಯ. ಇತ್ತೀಚೆಗೆ ಪ್ರತಿಯೊಬ್ಬರದ್ದೂ ಒತ್ತಡದ ಬದುಕು. ಮನಸಿಗೆ ನೆಮ್ಮದಿ ಇಲ್ಲ. ಹೀಗಾಗಿ ಮಾನಸಿಕ ಆರೋಗ್ಯಕ್ಕಾಗಿ ಯೋಗದ ಮೊರೆ ಹೋಗುವುದು ಅನಿವಾರ್ಯವಾಗುತ್ತಿದೆ.

ಫಿಟ್‌ನೆಸ್‌ ಕಾಯ್ದುಕೊಳ್ಳಲು ಬೇರೆ ಬೇರೆ ವಿಧಾನಗಳಿವೆ. ಅವೆಲ್ಲದಕ್ಕಿಂತ ಯೋಗ ಹೇಗೆ ಭಿನ್ನ?

ಯೋಗ ಎಂದರೆ ಶಿಸ್ತು. ಇಲ್ಲಿ ಮನಸ್ಸು ಹಾಗೂ ದೇಹ ಎರಡರ ಸಮ್ಮಿಲನ ಮುಖ್ಯವಾಗುತ್ತದೆ. ಜಿಮ್‌ಗಳೂ ಇವೆ. ನಾನು ಒಂದು ಸಿನಿಮಾಕ್ಕಾಗಿ ಸಿಕ್ಸ್‌ ಪ್ಯಾಕ್‌ ಮಾಡಿಕೊಳ್ಳಬೇಕಾಯಿತು, ಮಾಡಿಕೊಂಡೆ. ಈ ರೀತಿಯ ಅನುಕೂಲಗಳು ಜಿಮ್‌ನಲ್ಲಿ ಇದೆ. ಆದರೆ, ಯೋಗ ಹಾಗಲ್ಲ. ಅದಕ್ಕೆ ಅದರದ್ದೇ ಆದ ರೀತಿ ನೀತಿ ಇದೆ. ವರ್ಷಾನುಗಟ್ಟಲೆಯ ಪರಿಶ್ರಮ ಇದಕ್ಕೆ ಬೇಕಾಗುತ್ತದೆ.

ನಿಮ್ಮ ಫಿಟ್‌ನೆಸ್‌ ಗುಟ್ಟೇನು?

ದಿನಾ ಬೆಳಿಗ್ಗೆ ಒಂಬತ್ತು ಕಿ.ಮೀ. ನಡೆಯುತ್ತೇನೆ. ಆಮೇಲೆ ಊಟದಲ್ಲಿನ ನಿಯಂತ್ರಣ ನನ್ನ ಫಿಟ್‌ನೆಸ್‌ ಗುಟ್ಟು. ಜನರ ಮನಸ್ಸಿನಲ್ಲಿರಲು, ಚಿತ್ರರಂಗದಲ್ಲಿರಲು ಫಿಟ್‌ ಆಗಿರುವುದು ಬಹಳ ಮುಖ್ಯ. ಜಗತ್ತು ಬಹಳ ವೇಗವಾಗಿ ಹೋಗುತ್ತಿದೆ. ಸ್ವಲ್ಪ ಯಮಾರಿದರೂ ಸಾಕು, ನಿನ್ನ ಕಾಲ ಮುಗಿಯಿತು ಎನ್ನುವ ಮಾತು ಬರುತ್ತದೆ. ಆದ್ದರಿಂದ ಒಬ್ಬ ನಟ ಫಿಟ್‌ ಆಗಿರುವುದು ಅನಿವಾರ್ಯ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry