ಹಿಂಗಾರು ತೃಪ್ತಿಕರ:ರಾಗಿ ಬೆಳೆಗೆ ವರ

ಮಂಗಳವಾರ, ಜೂನ್ 25, 2019
26 °C

ಹಿಂಗಾರು ತೃಪ್ತಿಕರ:ರಾಗಿ ಬೆಳೆಗೆ ವರ

Published:
Updated:
ಹಿಂಗಾರು ತೃಪ್ತಿಕರ:ರಾಗಿ ಬೆಳೆಗೆ ವರ

ಕಡೂರು: ಮುಂಗಾರು ವಿಫಲವಾಗಿ ತಲೆ ಮೇಲೆ ಕೈಹೊತ್ತು ಕುಳಿತಿದ್ದ ತಾಲ್ಲೂಕಿನ ರೈತರು ಹಿಂಗಾರು ಮಳೆ ತೃಪ್ತಿಕರವಾಗಿ ಸುರಿದಿದ್ದರಿಂದ ಕೊಂಚ ನಿರಾಳವಾಗಿದ್ದಾನೆ. ಮುಖ್ಯವಾಗಿ ಮಳೆಯಾಶ್ರಿತ ನೆಲದಲ್ಲಿ ಬಿತ್ತಿದ್ದ ರಾಗಿ ಬೆಳೆ ಕೈ ಹಿಡಿಯುತ್ತದೆ ಎನ್ನುವ ಆಶಾಭಾವದಲ್ಲಿ ರೈತರು ಇದ್ದಾರೆ.

ಸತತ 4 ವರ್ಷಗಳಿಂದ ತಾಲ್ಲೂಕಿನಲ್ಲಿ ಬರಗಾಲ ತನ್ನ ಪ್ರತಾಪ ತೋರಿಸಿತ್ತು. ಈ ವರ್ಷವೂ ಅದು ಮುಂದುವರೆಯುವ ಲಕ್ಷಣವಾಗಿ ಮುಂಗಾರು ಸಂಪೂರ್ಣ ವಿಫಲವಾಗಿತ್ತು. ಇದರಿಂದ ಪ್ರಮುಖ ಬೆಳೆಗಳ ಬಿತ್ತನೆಯಾಗಲಿಲ್ಲ.

ವಾಣಿಜ್ಯ ಬೆಳೆಗಳಾದ ಹತ್ತಿ ಮತ್ತು ಈರುಳ್ಳಿ ತೀರಾ ಕಡಿಮೆ ಪ್ರದೇಶದಲ್ಲಿ ಹಾಕಲಾಗಿತ್ತು. ಉಳಿದಂತೆ ಹೊಲಗಳು ಹಾಳು ಬಿದ್ದಿದ್ದವು. ಮೇವಿಲ್ಲದೆ ಸಮೃದ್ಧವಾಗಿ ಹಾಲು ಕೊಡುತ್ತಿದ್ದ ಹಸುಗಳನ್ನು ಅತ್ಯಂತ ಕಡಿಮೆ ಬೆಲೆಗೆ ರೈತರು ಮಾರಾಟ ಮಾಡಿದ್ದರು.

ಆದರೆ 20 ದಿನಗಳಿನಿಂದ ಹಿಂಗಾರು ಮಳೆ ಕಡೂರು ತಾಲ್ಲೂಕಿನಾದ್ಯಂತ ತೃಪ್ತಿಕರವಾಗಿ ಸುರಿದಿದೆ. ಮಳೆ ಕೊರತೆಯಿಂದ ಖಾಲಿ ಇದ್ದ ಹೊಲಗಳಲ್ಲಿ ರಾಗಿ ಬಿತ್ತನೆ ಮಾಡಲಾಗಿತ್ತು. ಇದೀಗ ಮಳೆ ಬಂದಿದ್ದರಿಂದ ಒಣಗುವ ಹಾದಿ ಹಿಡಿದಿದ್ದ ರಾಗಿ ಬೆಳೆ ನಳನಳಿಸುತ್ತಿದೆ. ಇನ್ನೊಂದು ತಿಂಗಳ ಅವಧಿಯಲ್ಲಿ ಒಂದೆರಡು ಬಾರಿ ಅತ್ಯಲ್ಪ ಮಳೆ ಬಂದರೂ ರಾಗಿ ಬೆಳೆ ಕೈಗೆ ಸಿಗಬಹುದು ಎಂಬ ನಿರೀಕ್ಷೆ ರೈತರದ್ದು.

ಮೇವಿನ ಬೆಲೆ ಗಗನ ಮುಖಿಯಾಗಿತ್ತು. ಒಂದು ಹೊರೆ ಹುಲ್ಲಿಗೆ ₹500 ಇತ್ತು. ಮೇವನ್ನು ಒದಗಿಸಲಾಗದ ರೈತರು ಜಾನುವಾರುಗಳನ್ನು ಮಾರಿದ್ದರು. ಈಗ ರಾಗಿ ಬೆಳೆ ಚೆನ್ನಾಗಿ ಬರುವ ಖಚಿತ ನಿರೀಕ್ಷೆಯಿಂದ ರೈತರು ಹಸು ಕೊಳ್ಳಲು ಹೋದರೆ 35 ಸಾವಿರಕ್ಕೂ ಹೆಚ್ಚಿರುವುದು ರೈತರನ್ನು ಚಿಂತೆಗೀಡು ಮಾಡಿದೆ. ಆದರೂ ಈ ಬಾರಿ ಮೇವಿನ ಕೊರತೆ ಹೆಚ್ಚು ಕಾಡುವುದಿಲ್ಲ ಎಂಬ ಸಮಾಧಾನ ರೈತರದ್ದಾಗಿದೆ.

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry