7

ಇಷ್ಟ ಆದ್ರೆ ಲೈಕ್‌ ಮಾಡಿ, ಇಲ್ಲ ಅಂದ್ರೆ ಟೇಸ್ಟ್ ಬದಲಿಸಿ...

Published:
Updated:
ಇಷ್ಟ ಆದ್ರೆ ಲೈಕ್‌ ಮಾಡಿ, ಇಲ್ಲ ಅಂದ್ರೆ ಟೇಸ್ಟ್ ಬದಲಿಸಿ...

ಬೆಂಗಳೂರು: ಪಸಂದ್‌ ಆಯಾ ತೋ ಲೈಕ್‌ ಕರೋ, ಪಸಂದ್‌ ನಹೀ ಆಯಾ ತೋ ಟೇಸ್ಟ್‌ ಚೇಂಜ್‌ ಕರೋ..(ಇಷ್ಟ ಆದ್ರೆ ಲೈಕ್‌ ಮಾಡಿ, ಇಷ್ಟ ಆಗಲಿಲ್ಲ ಅಂದ್ರೆ ಅಭಿರುಚಿ ಬದಲಿಸಿಕೊಳ್ಳಿ). ಇದು ಸೀಕ್ರೆಟ್‌ ಸೂಪರ್‌ಸ್ಟಾರ್‌ ಹಾಡಿನ ವಿಡಿಯೊ ವೀಕ್ಷಿಸುವವರಿಗೆ ಆಮಿರ್‌ ಖಾನ್‌ ಹೇಳಿರುವ ಮಾತು.

ಚಿತ್ರದಲ್ಲಿ ಸಂಗೀತ ನಿರ್ದೇಶಕ ಶಕ್ತಿ ಕುಮಾರ್‌ ಆಗಿ ಅಭಿನಯಿಸಿರುವ ಆಮಿರ್‌ ಖಾನ್‌ ಪಾತ್ರದ ಕುರಿತು ಸಾಕಷ್ಟು ನಿರೀಕ್ಷೆ ವ್ಯಕ್ತವಾಗಿದೆ. ಅವರ ಹೇರ್‌ ಸ್ಟೈಲ್, ಮಾತು ಹಾಗೂ ಕಾಸ್ಟ್ಯೂಮ್‌ ಗಮನ ಸೆಳೆಯುವಂತಿದೆ. ಬುಧವಾರ ಬಿಡುಗಡೆಯಾಗಿರುವ ಈ ಹಾಡಿನ ವಿಡಿಯೊದಲ್ಲಿ ಆಮಿರ್‌ ವಿಶಿಷ್ಟ ಮ್ಯಾನರಿಸಂ ಗಮನಿಸಬಹುದು.

ಚಿತ್ರರಂಗದ ಮಿ.ಪ್ಯಾಷನೇಟ್‌, ಮಿ.ಪರ್ಫೆಕ್ಷನಿಸ್ಟ್‌ ಎಂದೆಲ್ಲ ಹೆಸರಾಗಿ ನಟ ಆಮಿರ್‌ ಖಾನ್‌ ತಾನು ನಿರ್ವಹಿಸಿರುವ ಪಾತ್ರಗಳಲ್ಲಿ ಕೊಂಚ ಕ್ಲಿಷ್ಟವಾಗಿದ್ದು ಎಂದು ಹೇಳಿಕೊಂಡಿದ್ದರು. ಈ ಚಿತ್ರದ ಮೂಲಕ ಈವರೆಗೂ ಕಂಡಿರದ ವಿಭಿನ್ನ ಪಾತ್ರದಲ್ಲಿ ಆಮಿರ್‌ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ ಎಂದು ಚಿತ್ರತಂಡ ಹೇಳಿಕೊಂಡಿದೆ.

ಅದ್ವೈತ ಚಂದನ್ ನಿರ್ದೇಶನದ ಈ ಚಿತ್ರದಲ್ಲಿ ದಂಗಲ್ ಹುಡುಗಿ ಝಾಯಿರಾ ವಾಸಿಮ್ ಮುಖ್ಯ ಭೂಮಿಕೆಯಲ್ಲಿದ್ದಾರೆ. ಕೌಸರ್ ಮುನೀರ್ ಬರೆದು ಅಮಿತ್ ತ್ರಿವೇದಿ ಸಂಗೀತ ಸಂಯೋಜಿಸಿರುವ ಹಾಡುಗಳು ಈಗಾಗಲೇ ಜನಪ್ರಿಯಗೊಂಡಿವೆ.

ಸೀಕ್ರೆಟ್‌ ಸೂಪರ್‌ ದೀಪಾವಳಿ(ಅ.19)ಗೆ ತೆರೆ ಕಾಣಲಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry