ಜೆರಾಕ್ಸ್ ನೋಟುಗಳ ಚಲಾವಣೆ: ಆರೋಪಿ ಸೆರೆ

ಗುರುವಾರ , ಜೂನ್ 20, 2019
29 °C

ಜೆರಾಕ್ಸ್ ನೋಟುಗಳ ಚಲಾವಣೆ: ಆರೋಪಿ ಸೆರೆ

Published:
Updated:
ಜೆರಾಕ್ಸ್ ನೋಟುಗಳ ಚಲಾವಣೆ: ಆರೋಪಿ ಸೆರೆ

ಬೆಂಗಳೂರು: ₹ 500 ಹಾಗೂ ₹ 2,000 ಮುಖಬೆಲೆಯ ಜೆರಾಕ್ಸ್‌ ನೋಟುಗಳನ್ನು ಚಲಾವಣೆ ಮಾಡುವ ಯತ್ನದಲ್ಲಿದ್ದ ಭಾಸ್ಕರ್ (48) ಎಂಬಾತನನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.

‘ತಮಿಳುನಾಡಿನ ಭಾಸ್ಕರ್, ಪತ್ನಿ–ಮಕ್ಕಳ ಜತೆ ಹಲವು ವರ್ಷಗಳಿಂದ ಕಮರ್ಷಿಯಲ್‌ ಸ್ಟ್ರೀಟ್‌ನ ಲಾಡ್ಜ್‌ವೊಂದರಲ್ಲಿ ಉಳಿದುಕೊಂಡಿದ್ದಾನೆ. ಅ.10ರ ಮಧ್ಯಾಹ್ನ ಮೊದಲಿಯಾರ್‌ ಸ್ಟ್ರೀಟ್‌ಗೆ ಕಾರಿನಲ್ಲಿ ಬಂದಿದ್ದ ಆತ, ಅಲ್ಲಿನ ಅಂಗಡಿಗಳಲ್ಲಿ ಜೆರಾಕ್ಸ್‌ ನೋಟುಗಳನ್ನು ಚಲಾವಣೆ ಮಾಡಲು ಯತ್ನಿಸುತ್ತಿದ್ದ. ಈ ಬಗ್ಗೆ ದೊರೆತ ಖಚಿತ ಮಾಹಿತಿಯಿಂದ ದಾಳಿ ನಡೆಸಿ ಆರೋಪಿಯನ್ನು ವಶಕ್ಕೆ ಪಡೆದೆವು’ ಎಂದು ಸಿಸಿಬಿ ಅಧಿಕಾರಿಯೊಬ್ಬರು ತಿಳಿಸಿದರು.

‘ಭಾಸ್ಕರ್‌ನ ಬಳಿ ₹ 2,000 ಮುಖಬೆಲೆಯ 37 ಜೆರಾಕ್ಸ್ ನೋಟುಗಳು ಹಾಗೂ ₹ 500 ಮುಖಬೆಲೆಯ 19 ಜೆರಾಕ್ಸ್‌ ನೋಟುಗಳು ಪತ್ತೆಯಾಗಿವೆ. ಆ ನಕಲಿ ನೋಟುಗಳು ಹಾಗೂ ಕೃತ್ಯಕ್ಕೆ ಬಳಸಿದ್ದ ಓಮ್ನಿ ವ್ಯಾನ್‌ ಜಪ್ತಿ ಮಾಡಿದ್ದೇವೆ.’

ಏಪ್ರಿಲ್‌ನಲ್ಲೂ ಬಂಧನ: ‘ತರಕಾರಿ ವ್ಯಾಪಾರಿಗಳಿಗೆ ಜೆರಾಕ್ಸ್ ನೋಟುಗಳನ್ನು ಕೊಟ್ಟಿದ್ದ ಈತನನ್ನು ಇದೇ ಏಪ್ರಿಲ್‌ನಲ್ಲಿ ರಾಜಾಜಿನಗರ ಪೊಲೀಸರು ಬಂಧಿಸಿದ್ದರು. ಆಗ ಆತನಿಂದ ಜೆರಾಕ್ಸ್‌ ಯಂತ್ರ ಹಾಗೂ ಕೆಲ ನಕಲಿ ನೋಟುಗಳನ್ನು ಜಪ್ತಿ ಮಾಡಲಾಗಿತ್ತು. ಆ ದಿನ ಠಾಣಾ ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದ ಭಾಸ್ಕರ್, ಮತ್ತೆ ಕೃತ್ಯ ಮುಂದುವರಿಸಿದ್ದ’ ಎಂದು ಮಾಹಿತಿ ನೀಡಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry