ಆನೇಕಲ್: ಪ್ರೇಮಿಯೊಂದಿಗೆ ಏಕಾಂತದಲ್ಲಿದ್ದಾಗ ವಿಡಿಯೊ ಮಾಡಿರುವುದಾಗಿ ಹೇಳಿದ್ದ ಗುಂಪೊಂದು, ಅದನ್ನು ಪೋಷಕರಿಗೆ ತೋರಿಸುವುದಾಗಿ ಬೆದರಿಕೆ ಹಾಕಿ ಅತ್ಯಾಚಾರ ನಡೆಸಿದೆ ಎಂದು ಆರೋಪಿಸಿ ಯುವತಿಯೊಬ್ಬರು ಆನೇಕಲ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
ಆರೋಪಿಗಳಾದ ಗೌರೇನಹಳ್ಳಿ ಗೌಸ್, ವಿಕಾಸ್, ರಮೇಶ್, ಯತಿರಾಜ್, ಮುರುಗೇಶ್ ಅವರನ್ನು ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ದಾರೆ.
ಆರೋಪಿಗಳು ಯುವತಿಯ ಹಾಗೂ ಪ್ರಿಯಕರನ ಏಕಾಂತದ ವಿಡಿಯೊ ಮಾಡಿರುವುದಾಗಿ ಬೆದರಿಸಿ ಕಳೆದ ಆರು ತಿಂಗಳಿನಿಂದ ಸಾಮೂಹಿಕ ಅತ್ಯಾಚಾರ ನಡೆಸಿದ್ದರು ಎನ್ನಲಾಗಿದೆ.
