ಹಾಳಾಗುತ್ತಿರುವ ತೊಗರಿ ಬೆಳೆ

ಮಂಗಳವಾರ, ಜೂನ್ 18, 2019
23 °C

ಹಾಳಾಗುತ್ತಿರುವ ತೊಗರಿ ಬೆಳೆ

Published:
Updated:
ಹಾಳಾಗುತ್ತಿರುವ ತೊಗರಿ ಬೆಳೆ

ಅಫಜಲಪುರ: ತಾಲ್ಲೂಕಿನಲ್ಲಿ ಅತಿಯಾದ ಮಳೆಯಿಂದ ತಗ್ಗು ಭೂಮಿ ಮತ್ತು ಜವಳು ಭೂಮಿಯಲ್ಲಿ ಮುಂಗಾರು ಹಂಗಾಮಿನಲ್ಲಿ ಬಿತ್ತನೆ ಮಾಡಿರುವ ತೊಗರಿ ಬೆಳೆ ನೆಟೆ ಹೊಡೆಯುತ್ತಿದ್ದು, ರೈತರು ಆತಂಕಪಡುವಂತಾಗಿದೆ.

ಜೂನ್ ತಿಂಗಳಲ್ಲಿ ಬಂದಿರುವ ಮಳೆ 2– 3 ತಿಂಗಳ ಹಿಂದೆ ಬರದೇ ತೊಗರಿ ಮತ್ತು ಹತ್ತಿ ಬೆಳೆ ಬೆಳವಣಿಗೆ ಕುಂಠಿತವಾಗಿ ಇಳುವರಿಯು ಕಡಿಮೆಯಾಗುವ ಸಾಧ್ಯತೆ ಇದೆ. ಇನ್ನೊಂದು ಕಡೆ ಕಳೆದ 15 ದಿನಗಳಿಂದ ಮಳೆ ಬರುತ್ತಿರುವುದರಿಂದ ಕುಡಿ ಮತ್ತು ಹೂ ಬಿಡುವ ಹಂತದಲ್ಲಿ ತೊಗರಿ ಗಿಡಗಳು ನಟೆ ಹೊಡೆಯುತ್ತಿವೆ. ತಾಲ್ಲೂಕಿನ ಅಳ್ಳಗಿ(ಬಿ), ಗೌರ, ಬಳೂರ್ಗಿ, ಬಡದಾಳ ಮತ್ತು ಗೊಬ್ಬುರ ವಲಯದಲ್ಲಿ ತೊಗರಿ ಬೆಳೆ ಅತಿಯಾದ ಮಳೆಯಿಂದ ನಟೆ ಹೊಡೆಯುತ್ತಿದೆ.

‘ಕೆಲವು ತಗ್ಗು ಜಮೀನಿನಲ್ಲಿ ಮತ್ತು ನೀರು ಹೀರಿಕೊಳ್ಳದ ಜಮೀನಿನಲ್ಲಿ ತೊಗರಿ ಬೆಳೆ ನಟೆ ಹಾಯುತ್ತಿದೆ. ಬಿಸಿಲು ಬಿದ್ದರೆ ಕಡಿಮೆಯಾಗುತ್ತದೆ’ ಎಂದು ಸಹಾಯಕ ಕೃಷಿ ನಿರ್ದೇಶಕ ಶರಣಗೌಡ ಹೇಳುತ್ತಾರೆ.

ತಹಶೀಲ್ದಾರ ಎಂ.ಎಂ.ಮುಲ್ಕಿಸಿಪಾಯಿ ಅವರನ್ನು ಬುಧವಾರ ವಿಚಾರಿಸಿದಾಗ ‘ಮಳೆಯಿಂದ ಬೆಳೆ ಹಾನಿಯಾದ ಬಗ್ಗೆ ವರದಿಯಾಗಿಲ್ಲ. ಅಫಜಲಪುರ ತಾಲ್ಲೂಕಿನಲ್ಲಿ ಮಂಗಳವಾರ ಬಿದ್ದ ಮಳೆಯ ಪ್ರಮಾಣ ಅಫಜಲಪುರ ಮಳೆ ಮಾಪನದಲ್ಲಿ 52.9ಮಿ.ಮೀ., ಕರಜಗಿ 53.02, ಅತನೂರ 34.02, ಗೊಬ್ಬುರ(ಬಿ) 09.04 ಮಿ.ಮೀ ಮಳೆಯಾಗಿದೆ ಎಂದು ತಿಳಿಸಿದರು.

ತಾಲ್ಲೂಕಿನಲ್ಲಿ 15 ದಿನಗಳಿಂದ ದಿನಬಿಟ್ಟು ದಿನ ಮಳೆಯಾಗಿದ್ದರಿಂದ ಅಲ್ಲಲ್ಲಿ ತೊಗರಿ ಬೆಳೆ ನಟೆ ಹೊಡೆಯುತ್ತಿದೆ. ಹತ್ತಿ ಬೆಳೆಗೂ ರೋಗ ಕಾಣಿಸಿಕೊಂಡಿದ್ದು, ಇಳುವರಿ ಕುಂಠಿತವಾಗಿದೆ. ಇನ್ನೂ ಮಳೆ ಮುಂದುವರಿದರೆ ಬೆಳೆ ಹಾಳಾಗುತ್ತದೆ. ರೈತರು ತೊಗರಿ ಹಾಳಾದ ಜಮೀನಿನಲ್ಲಿ ಕಡಲೇ ಮತ್ತು ಜೋಳ ಬಿತ್ತನೆ ಮಾಡುತ್ತಾರೆ. ಹೀಗಾಗಿ, ರೈತರಿಗೆ ಶೇ 70 ಸಹಾಯಧನದಲ್ಲಿ ಬೀಜ ವಿತರಣೆ ಮಾಡಬೇಕು ಎಂದು ಮಾಜಿ ಶಾಸಕ ಎಂ.ವೈ.ಪಾಟೀಲ ಸರ್ಕಾರಕ್ಕೆ ಒತ್ತಾಯಿಸಿದ್ದಾರೆ.

***

ತಾಲ್ಲೂಕಿನಲ್ಲಿ ಕೆಲವು ಕಡೆ ಅತಿಯಾದ ಮಳೆಯಿಂದ ಮುಂಗಾರು ಹಂಗಾಮಿನ ತೊಗರಿ ಮತ್ತು ಹತ್ತಿ ಬೆಳೆ ಹಾಳಾಗಿದ್ದು, ಅಂತಹ ರೈತರಿಗೆ ಕಡಲೇ ಜೋಳ ಬಿತ್ತಲು ಸರ್ಕಾರ ಶೇ 70ರ ಸಹಾಯಧನದಲ್ಲಿ ಬೀಜ ವಿತರಣೆ ಮಾಡಬೇಕು.

ಎಂ.ವೈ.ಪಾಟೀಲ, ಮಾಜಿ ಶಾಸಕ

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry