‘ಗುಬ್ಬಚ್ಚಿ ಗೂಡು’ ಎನ್ನುವ ಪದಕ್ಕೆ ವಿಶೇಷವಾದ ಅರ್ಥವನ್ನು ನಾನು ಕಂಡುಕೊಂಡಿದ್ದೇನೆ. ಅಷ್ಟು ಚಿಕ್ಕ ಪಕ್ಷಿಯಾದರೂ, ಸ್ವಸಾಮರ್ಥ್ಯದಿಂದ ದಿನವಿಡಿ ಶ್ರಮವಹಿಸಿ ಗೂಡು ಕಟ್ಟಿಕೊಳ್ಳುವ ಪರಿ ಸೋಜಿಗ ಮೂಡಿಸುತ್ತದೆ. ಹಾಗೆಯೇ ನಾವು ಬಹಳ ಕಷ್ಟಪಟ್ಟು ಈ ಮನೆಯನ್ನು ನಿರ್ಮಿಸಿದೆವು.
ಹಾಗಾಗಿ ಮನೆಗೆ ಏನೆಂದು ಹೆಸರಿಡಬೇಕು ಎಂಬ ಯೋಚನೆಯಲ್ಲಿದ್ದ ನಮಗೆ ಥಟ್ಟನೆ ಈ ಹೆಸರು ಹೊಳೆಯಿತು.
ನೂರಾರು ಕನಸುಗಳನ್ನು ಹೆಣೆದು ಕಟ್ಟಿರುವ ಮನೆಗೆ ಅಂದವಾದ ಹೆಸರಿಟ್ಟಿರುವ ಜೊತೆಗೆ ಇದೇ ಸ್ವರ್ಗ ಎನ್ನುವ ಹಾಗೆ ನೆಮ್ಮದಿಯಿಂದ ಬದುಕುತ್ತಿದ್ದೇವೆ. –ಜ್ಯೋತಿರಾಜು, ಕಾಚೋಹಳ್ಳಿ