ಪಾಕಿಸ್ತಾನಕ್ಕೆ ಜಯದ ಜಪ

ಬುಧವಾರ, ಜೂನ್ 19, 2019
30 °C

ಪಾಕಿಸ್ತಾನಕ್ಕೆ ಜಯದ ಜಪ

Published:
Updated:
ಪಾಕಿಸ್ತಾನಕ್ಕೆ ಜಯದ ಜಪ

ದುಬೈ: ಟೆಸ್ಟ್‌ ಸರಣಿಯಲ್ಲಿ ಎದುರಾಗಿದ್ದ ಹೀನಾಯ ಸೋಲಿನಿಂದ ಮೈಕೊಡವಿ ಎದ್ದು ನಿಂತಿರುವ ಪಾಕಿಸ್ತಾನ ತಂಡದವರು ಏಕದಿನ ಸರಣಿಯಲ್ಲಿ ಶುಭಾರಂಭ ಮಾಡುವ ವಿಶ್ವಾಸ ಹೊಂದಿದ್ದಾರೆ.

ಶುಕ್ರವಾರ ನಡೆಯುವ ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ ತಂಡ ಶ್ರೀಲಂಕಾ ವಿರುದ್ಧ ಸೆಣಸಲಿದ್ದು ಜಯದ ಮಂತ್ರ ಜಪಿಸುತ್ತಿದೆ.

ಈ ವರ್ಷದ ಜೂನ್‌ನಲ್ಲಿ ಇಂಗ್ಲೆಂಡ್‌ ನಲ್ಲಿ ನಡೆದಿದ್ದ ಚಾಂಪಿಯನ್ಸ್‌ ಟ್ರೋಫಿ ಯಲ್ಲಿ ಪ್ರಶಸ್ತಿ ಎತ್ತಿಹಿಡಿದಿದ್ದ ಸರ್ಫರಾಜ್‌ ಅಹ್ಮದ್‌ ಬಳಗ ಬ್ಯಾಟಿಂಗ್‌ನಲ್ಲಿ ಬಲ ಯುತವಾಗಿದೆ. ಆಲ್‌ರೌಂಡರ್‌ ಮಹ ಮ್ಮದ್‌ ಹಫೀಜ್‌ ಮತ್ತು ಅಹ್ಮದ್‌ ಶೆಹಜಾದ್‌, ಸೇರ್ಪಡೆ ಈ ತಂಡದ ಬಲ ಹೆಚ್ಚಿಸಿದೆ. ಇವರು ಟೆಸ್ಟ್‌ ಸರಣಿಯಲ್ಲಿ ಆಡಿರಲಿಲ್ಲ.

ಯುಎಇನಲ್ಲಿ ಪಾಕಿಸ್ತಾನದ ಗೆಲುವಿನ ದಾಖಲೆ ಉತ್ತಮವಾಗಿಲ್ಲ. 2009ರ ನಂತರ ಇಲ್ಲಿ 12 ಸರಣಿಗಳನ್ನು ಆಡಿರುವ ಈ ತಂಡ ಒಂಬತ್ತು ಸರಣಿಗಳಲ್ಲಿ ಸೋತಿದೆ. ಆದರೆ ಲಂಕಾ ವಿರುದ್ಧ ಎರಡು ಬಾರಿ ಗೆದ್ದಿದೆ.

ಹಿಂದಿನ ಈ ದಾಖಲೆಯ ಬಲ ದೊಂದಿಗೆ ಕಣಕ್ಕಿಳಿಯಲಿರುವ ತಂಡ ಮತ್ತೊಮ್ಮೆ ಸಿಂಹಳೀಯ ನಾಡಿನ ತಂಡದ ಸವಾಲು ಮೀರಿ ನಿಲ್ಲಲು ಉತ್ಸುಕವಾಗಿದೆ. ಫಖ್ರ್‌ ಜಮಾನ್‌, ಬಾಬರ್‌ ಆಜಮ್‌, ಶೋಯಬ್‌ ಮಲಿಕ್‌ ಮತ್ತು ಇಮಾದ್‌ ವಾಸೀಮ್‌ ಅವರು ಬ್ಯಾಟಿಂಗ್‌ನಲ್ಲಿ ಈ ತಂಡದ ಬೆನ್ನೆಲುಬಾಗಿದ್ದಾರೆ. ಜುನೈದ್‌ ಖಾನ್‌, ಹ್ಯಾರಿಸ್‌ ಸೋಹೈಲ್‌ ಅವರನ್ನು ಹೊಂದಿರುವ ಈ ತಂಡ ಬೌಲಿಂಗ್‌ ವಿಭಾಗದಲ್ಲೂ ಬಲಯುತವಾಗಿದೆ.

ಟೆಸ್ಟ್‌ ಸರಣಿಯಲ್ಲಿ ‘ಕ್ಲೀನ್‌ ಸ್ವೀಪ್‌’ ಸಾಧನೆ ಮಾಡಿ ಬೀಗುತ್ತಿರುವ ಉ‍ಪುಲ್‌ ತರಂಗ ಪಡೆ ಕೂಡ ಗೆಲುವಿನ ಆರಂಭದ ನಿರೀಕ್ಷೆಯಲ್ಲಿದೆ.

ದಿನೇಶ್‌ ಚಾಂಡಿಮಲ್‌. ನಿರೋ ಷನ್‌ ಡಿಕ್ವೆಲ್ಲಾ, ಲಾಹಿರು ತಿರಿಮಾನ್ನೆ, ಮಿಲಿಂದಾ ಸಿರಿವರ್ಧನೆ ಮತ್ತು ಚಾಮರ ಕಪುಗೆದೆರಾ ಅವರು ಪಾಕ್‌ ಬೌಲರ್‌ಗಳ ಮೇಲೆ ಸವಾರಿ ಮಾಡಬಲ್ಲರು.

ಅಖಿಲ ಧನಂಜಯ, ವಿಶ್ವ ಫರ್ನಾಂಡೊ ಮತ್ತು ಜೆಫ್ರಿ ವಾಂಡರ್ಸೆ ಅವರನ್ನು ಹೊಂದಿರುವ ಈ ತಂಡ ಬೌಲಿಂಗ್‌ ವಿಭಾಗದಲ್ಲೂ ಬಲಿಷ್ಠವಾಗಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry