ದುಶ್ಚಟವ ಬಿಡಿಸಿತು ಪುಸ್ತಕ...

ಗುರುವಾರ , ಜೂನ್ 20, 2019
30 °C

ದುಶ್ಚಟವ ಬಿಡಿಸಿತು ಪುಸ್ತಕ...

Published:
Updated:
ದುಶ್ಚಟವ ಬಿಡಿಸಿತು ಪುಸ್ತಕ...

ಬಾಲಿವುಡ್‌ ನಟ ಹೃತಿಕ್ ರೋಷನ್ ಅಭಿನಯವಷ್ಟೇ ಅಲ್ಲ ತಮ್ಮ ದೇಹಸಿರಿ ಮತ್ತು ನೃತ್ಯದಿಂದಲೂ ಅಭಿಮಾನಿಗಳ ಮನಗೆದ್ದವರು. ಫಿಟ್‌ನೆಸ್ ಬಗ್ಗೆ ಸದಾ ಧೇನಿಸುವ ಹೃತಿಕ್‌ಗೆ ಸಿಗರೇಟು ಚಟ ಅಂಟಿಕೊಂಡಿತ್ತು. ಆದರೆ, ಅದನ್ನು ಬಿಡಬೇಕೆಂದು ದೃಢ ಮನಸು ಮಾಡಿದರೂ ಬಿಡಲಾಗದೇ ಒದ್ದಾಡುತ್ತಿದ್ದರು. ಆದರೆ, ಸಿಗರೇಟು ಬಿಡುವ ಕುರಿತ ಒಂದು ಪುಸ್ತಕ ಅವರನ್ನು ಸಿಗರೇಟು ಚಟದಿಂದ ಹೇಗೆ ಮುಕ್ತಗೊಳಿಸಿತು ಎಂಬುದು ಅವರ ಮಾತಿನಲ್ಲೇ ಕೇಳಿ...

‘ಸಿಗರೇಟು ಸೇದುವುದು ಕೆಟ್ಟ ಅಭ್ಯಾಸ ಎಂಬುದು ನನಗೆ ಗೊತ್ತಿತ್ತು. ಆದರೆ ಒಮ್ಮೆ ಅದರ ದಾಸರಾದ ನಂತರ ಅದರಿಂದ ಹೊರಬರುವುದು ಅಷ್ಟೊಂದು ಸುಲಭವಲ್ಲ. ಸಿಗರೇಟು ಬಿಡು ಎಂದು ಆಪ್ತರು ಹೇಳುವ ಕಿವಿಮಾತನ್ನು ಪಾಲಿಸಬೇಕೆಂಬ ಮನಸ್ಸಿದ್ದರೂ, ಅದು ಅಷ್ಟೊಂದು ಸುಲಭವಾಗಿರಲಿಲ್ಲ. ಬಿಡಲೇಬೇಕು ಎಂಬ ತುಡಿತವಿತ್ತು, ಬಿಟ್ಟೇ ಬಿಡುವೆ ಎಂದು  ಐದು ಬಾರಿ ಶಪಥ ಮಾಡಿದ್ದೆ. ಆದರೆ ಸಫಲವಾಗಲಿಲ್ಲ. ಸಿಗರೇಟಿನಿಂದ ಆಗುವ ತೊಂದರೆಗಳ ಬಗ್ಗೆ ಓದಿ ತಿಳಿದುಕೊಂಡೆ.

ಯಾರೆಲ್ಲ ತೊಂದರೆ ಅನುಭವಿಸಿದ್ದಾರೆ ಅವರನ್ನು ಭೇಟಿಯಾದೆ. ಸಾಮಾಜಿಕ ಜಾಲತಾಣಗಳನ್ನು ತಡಕಾಡಿ ಈ ದುಶ್ಚಟದ ಪರಿಣಾಮ ಅರಿತೆ. ವೈದ್ಯರ ಸಲಹೆ ಪಡೆದೆ. ಇವೆಲ್ಲ ನನ್ನ ಪರಿಣಾಮ ಬೀರಿ ನಾನು ಸಿಗರೇಟಿನಿಂದ ಹೊರಬರಬಹುದು ಎಂಬುದು ನನ್ನ ಯೋಚನೆಯಾಗಿತ್ತು. ಆದರೆ ಅದ್ಯಾವುದು ಫಲಿಸಲಿಲ್ಲ.

ಸಿಗರೇಟು ಬಿಟ್ಟ ಕ್ಷಣದಲ್ಲಿ ಏನೋ ಕಳೆದುಕೊಂಡಂತೆ ಆಗುತ್ತಿತ್ತು. ಸಿಗರೇಟಿನ ಹೊಗೆಯನ್ನು ಅನುಭವಿಸಿದರಷ್ಟೇ ಸಮಾಧಾನ ಎನಿಸುತ್ತಿತ್ತು. ನಾನು ಈ ಕೆಟ್ಟ ಚಟದಿಂದ ಹೊರಬರುವುದು ಸಾಧ್ಯವೇ ಇಲ್ಲ ಎಂದುಕೊಂಡೆ.

ಆದರೆ ಅಷ್ಟಕ್ಕೆ ಪ್ರಯತ್ನ ಬಿಡಲಿಲ್ಲ. ಈ ಸಮಯದಲ್ಲಿ ಅಲನ್‌ ಕಾರ್ಸ್‌ ಅವರ ‘ಇಸಿ ವೇ ಟು ಸ್ಟಾಪ್‌ ಸ್ಮೋಕಿಂಗ್‌’ ಪುಸ್ತಕ ಓದಿದೆ. ಈ ಪುಸ್ತಕ ವಿಷಯ ಎಷ್ಟು ಗಾಢವಾಗಿ ನನ್ನ ತಲೆ ಹೊಕ್ಕಿತೆಂದರೆ ಅದನ್ನು ಓದಿ ಮುಗಿಸುವಷ್ಟರಲ್ಲಿ ನನ್ನ ಚಟವೂ ನಿಂತಿತು.

ನಾನು ಸಿಗರೇಟು ಬಿಟ್ಟಂತೆ ಬೇರೆಯವರು ಬಿಡಬೇಕು ಎಂದು ಬಯಸುತ್ತೇನೆ. ಈ ಪುಸ್ತಕದ 20 ಪ್ರತಿಗಳನ್ನು ಕೊಂಡುಕೊಂಡು, ಶಾರೂಖ್‌ ಮತ್ತು ಫರಾನ್‌ ಅಖ್ತರ್‌ಗೂ ಓದುವಂತೆ ಕೊಟ್ಟೆ. ಆದರೆ ಅವರಿಗೆ ಆ ಪುಸ್ತಕವನ್ನು ಓದುವ ಮನಸ್ಸು ಇನ್ನೂ ಆಗಿಲ್ಲವಂತೆ!’

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry