ಷರೀಫ್‌ ವಿರುದ್ಧ ದೋಷಾರೋಪ: 19ಕ್ಕೆ ಮುಂದೂಡಿಕೆ

ಬುಧವಾರ, ಜೂನ್ 19, 2019
25 °C

ಷರೀಫ್‌ ವಿರುದ್ಧ ದೋಷಾರೋಪ: 19ಕ್ಕೆ ಮುಂದೂಡಿಕೆ

Published:
Updated:
ಷರೀಫ್‌ ವಿರುದ್ಧ ದೋಷಾರೋಪ: 19ಕ್ಕೆ ಮುಂದೂಡಿಕೆ

ಇಸ್ಲಾಮಾಬಾದ್‌: ‍ಪನಾಮ ದಾಖಲೆ ಸೋರಿಕೆ ಹಗರಣಕ್ಕೆ ಸಂಬಂಧಿಸಿದಂತೆ ಪಾಕಿಸ್ತಾನದ ಉಚ್ಚಾಟಿತ ಪ್ರಧಾನಿ ನವಾಜ್‌ ಷರೀಫ್‌, ಅವರ ಮಗಳು ಹಾಗೂ ಅಳಿಯನ ವಿರುದ್ಧ ದೋಷಾರೋಪ ಹೊರಿಸುವ ಪ್ರಕರಣದ ವಿಚಾರಣೆ ವೇಳೆ ಲಾಹೋರ್‌ ಕೋರ್ಟ್‌ನಲ್ಲಿ ಪಾಕಿಸ್ತಾನ ಮುಸ್ಲಿಂ ಲೀಗ್‌ – ನವಾಜ್‌ (ಪಿಎಂಎಲ್‌–ಎನ್‌) ವಕೀಲರು ಮತ್ತು ಬೆಂಬಲಿಗರ ನಡುವೆ ಗಲಾಟೆ ನಡೆಯಿತು. ಇದರಿಂದ ಪ್ರಕರಣದ ವಿಚಾರಣೆಯನ್ನು ಕೋರ್ಟ್‌ ಇದೇ 19ಕ್ಕೆ ಮುಂದೂಡಿದೆ.

ಈ ಪ್ರಕರಣದ ವಿಚಾರಣೆಯನ್ನು ನ್ಯಾಯಮೂರ್ತಿ ಮೊಹಮ್ಮದ್‌ ಬಶೀರ್‌ ಅವರು ಕೈಗೆತ್ತಿಕೊಳ್ಳುತ್ತಿದ್ದಂತೆಯೇ ಪಿಎಂಎಲ್‌–ಎನ್‌ ವಕೀಲರು ಏಕಾಏಕಿಯಾಗಿ ಕೋರ್ಟ್‌ ಆವರಣದೊಳಕ್ಕೆ ನುಗ್ಗಿದರು. ಇವರ ಹಿಂದೆಯೇ ಷರೀಫ್‌ ಅವರ ಬೆಂಬಲಿಗರೂ ಬಂದರು. ಇವರನ್ನು ನಿಯಂತ್ರಿಸಲು ಪೊಲೀಸರು ಮುಂದಾದಾಗ ಗಲಾಟೆ ಶುರುವಾಯಿತು.

ತಮ್ಮನ್ನು ಕೋರ್ಟ್‌ ಆವರಣದಲ್ಲಿ ಓಡಾಡಲು ಭದ್ರತಾ ಸಿಬ್ಬಂದಿ ಬಿಡುತ್ತಿಲ್ಲ ಎಂದು ನ್ಯಾಯಮೂರ್ತಿಗಳ ಎದುರು ಹೇಳಿದ ಪಿಎಂಎಲ್‌–ಎನ್‌ ವಕೀಲರು, ಅವರ ವಿರುದ್ಧ ಕ್ರಮ ತೆಗೆದುಕೊಳ್ಳುವವರೆಗೆ ವಿಚಾರಣೆ ನಡೆಸಬಾರದು ಎಂದು ಬೆದರಿಕೆಯನ್ನೂ ಹಾಕಿದರು!

ಈ ಪ್ರಕರಣದಲ್ಲಿ ತಾವೂ ವಾದಿಸುವುದಾಗಿ ಕೆಲವು ವಕೀಲರು ಮುಂದೆ ಬಂದರು. ಈ ಗಲಾಟೆಯಿಂದಾಗಿ ನ್ಯಾಯಮೂರ್ತಿಗಳು ವಿಚಾರಣೆ ಮುಂದೂಡಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry