ಬೆಂಗಳೂರು: ಪತ್ರಕರ್ತೆ, ಹೋರಾಟಗಾರ್ತಿ ಗೌರಿ ಲಂಕೇಶ್ ಹತ್ಯೆ ಪ್ರಕರಣದ ತನಿಖೆ ನಡೆಸುತ್ತಿರುವ ವಿಶೇಷ ತನಿಖಾ ತಂಡ(ಎಸ್ಐಟಿ) ಶನಿವಾರ ಸಿಸಿಟಿವಿ ದೃಶ್ಯಾವಳಿ ಬಿಡುಗಡೆ ಮಾಡಿದೆ.
ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಸ್ಐಟಿ ಈವರೆಗೆ 200–250 ಜನರ ವಿಚಾರಣೆ ನಡೆಸಿದೆ. ಶಂಕಿತ ಆರೋಪಿ ರಾಜರಾಜೇಶ್ವರಿ ನಗರದಲ್ಲಿ ಪಲ್ಸರ್ ಬೈಕ್ನಲ್ಲಿ ಸುಳಿದಾಡಿರುವುದು ಸಿಸಿಟಿವಿ ದೃಶ್ಯಗಳಲ್ಲಿ ಕಾಣಬಹುದಾಗಿದೆ.
ಹತ್ಯೆಗೂ ಮುನ್ನ ಆರೋಪಿ ಕೆಂಪು ಪಲ್ಸರ್ ಬೈಕ್ನಲ್ಲಿ ತಿರುಗಾಡಿ ಮಾಹಿತಿ ಕಲೆಹಾಕಿರುವ ಬಗ್ಗೆ ದೃಶ್ಯಗಳು ಸುಳಿವು ನೀಡುತ್ತಿವೆ ಎಂದು ಎಸ್ಐಟಿ ಮಾಹಿತಿ ನೀಡಿದೆ.