ರಾಜ್ಯದಲ್ಲಿ ಅಬ್ಬರಿಸುತ್ತಿದೆ ಕುಂಭದ್ರೋಣ ಮಳೆ

ಸೋಮವಾರ, ಜೂನ್ 24, 2019
29 °C

ರಾಜ್ಯದಲ್ಲಿ ಅಬ್ಬರಿಸುತ್ತಿದೆ ಕುಂಭದ್ರೋಣ ಮಳೆ

Published:
Updated:

ಹೊಳಲು: ‘ವೇದ ಸುಳ್ಳಾದರೂ ಗಾದೆ ಸುಳ್ಳಾಗದು, ಗಾದೆ ಸುಳ್ಳಾದರೂ ಭವಿಷ್ಯ ಸುಳ್ಳಾಗದು’ ಎಂಬಂತೆ ನಾಡಿನ ಹೆಸರಾಂತ ಸುಕ್ಷೇತ್ರವಾಗಿರುವ ಮೈಲಾರಲಿಂಗೇಶ್ವರನ ದೇವವಾಣಿ ಭವಿಷ್ಯವನ್ನು ನೂರಕ್ಕೆ ನೂರರಷ್ಟು ಸತ್ಯವಾಗಿಸಿದೆ. ‘ಅಂಬಲಿ ಹಳಸಿತು, ಕಂಬಳಿ ಬೀಸಿತಲೇ ಪರಾಕ್’ ಎಂಬ ದೇವವಾಣಿಯಂತೆ ರಾಜ್ಯದಲ್ಲಿ ಅತಿಹೆಚ್ಚು ಮಳೆಯಾಗುತ್ತಿದೆ. ಹಲವು ಕುಟುಂಬಗಳು ಬೀದಿಗೆ ಬಿದ್ದಿವೆ.

ದೇವವಾಣಿಯಂತೆ ಅತಿವೃಷ್ಠಿ ಕಪಿಲಮುನಿಗಳ ಪೀಠದ ಗುರುಗಳಿಂದ ದೀಕ್ಷೆ ಪಡೆದ ಗೊರವಯ್ಯ ನುಡಿಯುವ ಕಾರಣಿಕದಂತೆ ಪ್ರಸಕ್ತ ವರ್ಷದ ಮಳೆ, ಬೆಳೆಗಳು ರಾಜಕೀಯ ಏಳು ಬೀಳನ್ನು ನಿರ್ಧರಿಸುತ್ತದೆ. ಅಂಬಲಿ ಹಳಸಿತು ಕಂಬಳಿ ಬೀಸಿತು ಎಂದರೆ ವಿಪರೀತ ಮಳೆಯಿಂದ ಅತಿವೃಷ್ಟಿ ಸಂಭವಿಸಿ ಕೊಯ್ಲಿಗೆ ಬಂದ ಬೆಳಗಳು ನಾಶವಾಗಿ ಹೋಗುತ್ತವೆ ಎಂದು ಜ್ಞಾನಿಗಳು ಅರ್ಥೈಸುತ್ತಾರೆ.

ಸಾಮಾನ್ಯವಾಗಿ ಮುಂಗಾರು ಪ್ರಾರಂಭದಲ್ಲಿ ಅಬ್ಬರಿಸಬೇಕಿದ್ದ ಮಳೆ ಈಗ ಬೆಳೆಗಳು ಕೈಸೇರುವ ವೇಳೆಯಲ್ಲಿ ಆರ್ಭಟಿಸುತ್ತಿದೆ. ಮಳೆರಾಯನ ರೌದ್ರ ನರ್ತನದಿಂದಾಗಿ ಹಿಂದೆಂದೂ ತುಂಬಿ ಹರಿಯದ ಕೆರೆ, ಕೋಡಿ, ಹಳ್ಳಗಳು ತುಂಬಿ ಹರಿಯುತ್ತಿವೆ. ರೈತರ ಜಮೀನುಗಳು ಜಲಾವೃತಗೊಂಡು ಬೆಳೆಗಳು ನಾಶವಾಗುತ್ತಿವೆ. ಹವಾಮಾನ ವೈಪರಿತ್ಯದಿಂದ ಸೈನಿಕ ಹುಳುಗಳು ಹೆಚ್ಚಾಗಿ, ಬೆಳೆಗಳನ್ನು ತಿಂದು ಹಾಕುತ್ತಿವೆ. ಕಳೆದ ಮೂರು ವರ್ಷದಿಂದ ಬರದ ಭೀಕರತೆಯಿಂದ ತತ್ತರಿಸಿ ಹೋಗಿದ್ದ ರೈತರು ಮತ್ತೆ ಸಂಕಷ್ಟ ಎದುರಿಸಬೇಕಾಗಿದೆ.

ದೇವರು ಕೊಟ್ಟ ಎಚ್ಚರಿಕೆ ಗಂಟೆ 

ಮೈಲಾರ ಲಿಂಗೇಶ್ವರನ ದೇವವಾಣಿಗೆ ಪುರಾತನ ಇತಿಹಾಸವಿದೆ. ಅಂದಿನಿಂದ ಇಂದಿನವರೆಗೂ ಪ್ರತಿ ವರ್ಷವೂ ಕೂಡಾ ಈ ಭವಿಷ್ಯವಾಣಿಯಂತೆ ಪ್ರಸಕ್ತ ವರ್ಷದ ಆಗು ಹೋಗುಗಳು ನಡೆದುಕೊಂಡು ಬಂದಿವೆ. ಈ ವರ್ಷದ ಮೈಲಾರ ಲಿಂಗೇಶ್ವರನ ಕಾರಣಿಕ ಗಮನಿಸಿದರೆ, ರಾಜ್ಯಕ್ಕೆ ಜಲ ಪ್ರಳಯ ಎದುರಾಗಬಹುದು. ಹವಾಮಾನ ವರದಿಯ ಪ್ರಕಾರ ಜನವರಿವರೆಗೂ ಮಳೆ ರುದ್ರ ನರ್ತನ ಮಾಡಲಿದೆ ಎಂಬುದು ತಿಳಿದು ಬಂದಿದೆ. ಜನ ಜೀವನ ಮತ್ತಷ್ಟು ಸಂಕಷ್ಟವನ್ನು ಎದುರಿಸಬೇಕಾಗಬಹುದು. ಹಾಗಾಗಿ ದೇವವಾಣಿಯು ಮೈಲಾರಲಿಂಗೇಶ್ವರ ನೀಡಿದ ಎಚ್ಚರಿಕೆ ಗಂಟೆಯಾಗಿದೆ.

ಇಂದು ಮಾನವ ಧರ್ಮವನ್ನು ಬಿಟ್ಟು, ಅನೀತಿ, ಅತ್ಯಾಚಾರ, ಅಧರ್ಮದೆಡೆ ಸಾಗುತ್ತಿದ್ದಾನೆ. ಇದರಿಂದ ಧರ್ಮದ ಅವನತಿಯಾಗುತ್ತಿದೆ. ಧರ್ಮದ ಕಡೆ ನಾವು ಹೆಚ್ಚಿನ ಒಲವನ್ನು ಬೆಳೆಸಿಕೊಂಡು, ಸತ್ಯ, ಶುದ್ಧ ಕಾಯಕದಿಂದ ನಡೆದು ದಾನ ಧರ್ಮ ಮಾಡುತ್ತಾ, ಸೌಹಾರ್ದ ಸಹಬಾಳ್ವೆಯಿಂದ ಜೀವನ ನಡೆಸಿದರೆ ಮಾತ್ರ ಇಂತಹ ಸಂಕಷ್ಟದಿಂದ ಪಾರಾಗಬಹುದು ಎಂದು ಕ್ಷೇತ್ರದ ಧರ್ಮಾಧಿಕಾರಿ ವೆಂಕಪ್ಪಯ್ಯ ಒಡೆಯರ್ ಅಭಿಪ್ರಾಯಪಟ್ಟರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry