ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ತಿಕ್ಕಲರು ಹಾಗೂ ಪುಕ್ಕಲರ ಕಥೆ!

Last Updated 15 ಅಕ್ಟೋಬರ್ 2017, 19:30 IST
ಅಕ್ಷರ ಗಾತ್ರ

ತಿಕ್ಕಲರು ಹಾಗೂ ಪುಕ್ಕಲರ ಕಥೆಯನ್ನು ಹೇಳಲು ಒಂದು ಸಿನಿಮಾ ಶೀಘ್ರದಲ್ಲೇ ತೆರೆಗೆ ಬರಲಿದೆ. ಬಿ.ಕೆ. ಅಂಕರಾಜು ಅವರು ಈ ಸಿನಿಮಾಕ್ಕೆ ಹಣ ಹೂಡಿಕೆ ಮಾಡಿ, ನಿರ್ದೇಶನ ಕೂಡ ಮಾಡಿದ್ದಾರೆ.

ಸಿನಿಮಾ ಬಗ್ಗೆ ಮಾಹಿತಿ ನೀಡಲು ಅವರು ತಮ್ಮ ತಂಡದ ಜೊತೆ ಬೆಂಗಳೂರಿನಲ್ಲಿ ಸುದ್ದಿಗೋಷ್ಠಿ ಆಯೋಜಿಸಿದ್ದರು. ‘ಇದು ಹಾಸ್ಯ ಹಾಗೂ ಹಾರರ್‌ ಅಂಶಗಳನ್ನು ಹೊಂದಿರುವ ಸಿನಿಮಾ. ಒಂದೇ ಹಂತದಲ್ಲಿ, 45 ದಿನಗಳ ಅವಧಿಯಲ್ಲಿ ಚಿತ್ರೀಕರಣ ನಡೆಸಿದ್ದೇವೆ’ ಎಂದರು ಅಂಕರಾಜು.

ಈ ಸಿನಿಮಾ ವೀಕ್ಷಿಸಿ, ಮನೋರಂಜನೆ ಪಡೆಯದೆಯೇ ಯಾರೊಬ್ಬರೂ ಚಿತ್ರಮಂದಿರದಿಂದ ಹೊರಗೆ ಹೋಗಲು ಸಾಧ್ಯವೇ ಇಲ್ಲ ಎಂಬುದು ಅವರ ವಿಶ್ವಾಸದ ಮಾತು. ‘ಇದೊಂದು ವಿಭಿನ್ನವಾದ ಪ್ರಯತ್ನ. ಮಂಡ್ಯ, ಮೈಸೂರು ಹಾಗೂ ಕೆ.ಎಂ. ದೊಡ್ಡಿಯಲ್ಲಿ ಚಿತ್ರೀಕರಣ ನಡೆದಿದೆ’ ಎಂದು ಅವರು ಹೇಳಿದರು. ಸಿನಿಮಾವನ್ನು ಅಕ್ಟೋಬರ್ 27ರಂದು ತೆರೆಗೆ ತರಬೇಕು ಎಂಬುದು ಅಂಕರಾಜು ಅವರ ಉದ್ದೇಶ.

ಅಂದಹಾಗೆ, ಈ ಸಿನಿಮಾದಲ್ಲಿ ಹಾರರ್‌ ಅಂಶಗಳು ಇದ್ದರೂ ಇದರಲ್ಲಿ ರಕ್ತಪಾತ ಅಥವಾ ಭೂತ–ಪಿಶಾಚಿಗಳ ದರ್ಶನ ಇರುವುದಿಲ್ಲವಂತೆ! ಯಶಸ್ ಅವರು ಈ ಸಿನಿಮಾದ ನಾಯಕ ನಟ. ನಾಯಕಿಯ ಪಾತ್ರ ಮಾಡಿರುವವರು ಐಶ್ವರ್ಯಾ.

‘ನಾನು ಎಂಜಿನಿಯರಿಂಗ್ ಓದಿದ್ದೇನೆ. ನನ್ನದು ಊರಿನ ಗೌಡನ ಸೋದರಳಿಯನ ಪಾತ್ರ. ಇದು ನನ್ನ ಪಾಲಿನ ಮೊದಲ ಸಿನಿಮಾ’ ಎಂದರು ಯಶಸ್. ಯಶಸ್ ಕಂಡು ಪ್ರೀತಿಗೆ ಬೀಳುವ ಪಾತ್ರವನ್ನು ಐಶ್ವರ್ಯಾ ನಿಭಾಯಿಸಿದ್ದಾರೆ. ‘ನಾನು ಇನ್ನೂ ಕಾಲೇಜು ವಿದ್ಯಾರ್ಥಿನಿ. ಶಾಲಾ ದಿನಗಳಿಂದಲೂ ಸಿನಿಮಾ ಬಗ್ಗೆ ಒಲವು ಇದೆ’ ಎಂದು ತಮ್ಮನ್ನು ಪರಿಚಯಿಸಿಕೊಂಡರು ಐಶ್ವರ್ಯಾ.

ಈ ಸಿನಿಮಾವನ್ನು 60ರಿಂದ 70 ಚಿತ್ರಮಂದಿರಗಳಲ್ಲಿ ತೆರೆಗೆ ತರಬೇಕು ಎಂಬುದು ಸಿನಿಮಾ ವಿತರಣೆಯ ಹೊಣೆ ಹೊತ್ತಿರುವ ಲಕ್ಷ್ಮೀಪತಿ ಅವರ ಗುರಿ. ಸಂತೋಷ್ ಎನ್ನುವವರು ಈ ಸಿನಿಮಾದಲ್ಲಿ ಖಳನ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT