‘ಆ ಒಂದು ದಿನ’ದ ರಾಜಕೀಯ ಕಥನ

ಗುರುವಾರ , ಜೂನ್ 27, 2019
30 °C

‘ಆ ಒಂದು ದಿನ’ದ ರಾಜಕೀಯ ಕಥನ

Published:
Updated:
‘ಆ ಒಂದು ದಿನ’ದ ರಾಜಕೀಯ ಕಥನ

ಅದು ‘ಆ ಒಂದು ದಿನ’ ಸಿನಿಮಾದ ಧ್ವನಿಸುರಳಿ ಬಿಡುಗಡೆ ಕಾರ್ಯಕ್ರಮ. ಅಲ್ಲಿ ಹಳೆ ಬೇರು ಹೊಸ ಚಿಗುರು ಎರಡೂ ಸೇರಿದ್ದವು. ಅಂದಹಾಗೆ ಆ ಕಾರ್ಯಕ್ರಮ ಆಯೋಜಿಸಲಾಗಿದ್ದ ಜಾಗದ ಹೆಸರು ಗ್ರೀನ್‌ ಹೌಸ್‌!.

ಹಳೆ ಬೇರು ಮತ್ತು ಹೊಸ ಚಿಗುರು ಎರಡೂ ಒಟ್ಟಿಗೇ ಸೇರಿದ್ದವು. ಪ್ರೊ. ದೊಡ್ಡರಂಗೇಗೌಡ ಅವರಂಥ ಚಿತ್ರರಂಗದ ಹಳೆ ಬೇರಿನ ಬಲದಲ್ಲಿ ಹೊಸಚಿಗುರಿನ ಚಿತ್ರತಂಡ ಸೇರಿತ್ತು.

‘ಇದು ಯುವಕರಲ್ಲಿ ಜಾಗೃತಿ ಮೂಡಿಸುವ ಸಿನಿಮಾ. ಮನಸ್ಸಿನೊಳಗೇ ನಡೆಯುವ ರಾಜಕೀಯ ಮತ್ತು ಅಭಿವೃದ್ಧಿಗಾಗಿ ನಡೆಸಬೇಕಾದ ಕಾರ್ಯಗಳು ಎರಡನ್ನೂ ತೋರಿಸಲಾಗಿದೆ. ಹಣ, ಹೆಂಡದ ಮೊರೆ ಹೋಗಿ ಮತ ಹಾಕಬೇಡಿ ಎಂಬ ಒಳ್ಳೆಯ ಸಂದೇಶವೂ ಈ ಚಿತ್ರದಲ್ಲಿದೆ’ ಎಂದರು ದೊಡ್ಡರಂಗೇಗೌಡ. ‘ಈ ಚಿತ್ರ ಎಲ್ಲ ವರ್ಗದವರನ್ನೂ ತಲುಪಲಿ’ ಎಂಬ ಹಾರೈಕೆಯನ್ನೂ ಮಾಡಿದರು. 

‘ಉತ್ತರ ಕರ್ನಾಟಕದ ದ್ರಾಕ್ಷಿ ಬೆಳೆಗಾರರಾದ ರವೀಂದ್ರಗೌಡ ಪಾಟೀಲ್‌ ಅವರಿಗೆ ಸಮಾಜವನ್ನು ಆವರಿಸಿರುವ ಕಾಯಿಲೆಗಳ ಬಗ್ಗೆ ತಿಳಿದಿದೆ’ ಎಂದು ಸೂಚ್ಯವಾಗಿ ಹೇಳಿದರು.

ಒಂದು ಹಳ್ಳಿಯಲ್ಲಿ ಎರಡು ಬಣಗಳ ನಡುವೆ ಇರುವ ಭಿನ್ನಾಭಿಪ್ರಾಯಗಳು ಏನೆಲ್ಲ ಅನಾಹುತಗಳಿಗೆ ಎಡೆಮಾಡಿಕೊಡುತ್ತದೆ ಎನ್ನುವುದೇ ಚಿತ್ರದ ತಿರುಳು. ನಿರ್ದೇಶಕ ಶ್ರೀಹರ್ಷಸಂಜಯ್ ಅವರು ಮೂರು ವರ್ಷ ಸಮಯ ತೆಗೆದುಕೊಂಡು ಈ ಚಿತ್ರವನ್ನು ಬರೆದು ನಿರ್ದೇಶಿಸಿದ್ದಾರೆ.

‘ಸಾಮಾಜಿಕ ಅರಿವು ಮೂಡಿಸುವಂಥ ಒಂದು ಹಾಡನ್ನು ವಿಜಯ ಪ್ರಕಾಶ್‌ ಹೇಳಿದ ಒಂದು ಹಾಡು, ಮತ್ತೆರಡು ಐಟಂ ಸಾಂಗ್‌ಗಳು ಚಿತ್ರದಲ್ಲಿವೆ. ಧಾರವಾಡ ಮೂಲದ ಆದರೆ ಈಗ ಬಾಂಬೆಯಲ್ಲಿ ಡಾನ್ಸರ್‌ ಆಗಿರುವ ಸಿಮ್ರನ್‌ ಚಿತ್ರದ ನಾಯಕಿ. ನಿರ್ದೇಶಕರೇ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry