‘ವೈರ’ನಿಗೆ ವೈರಿಯಾದ ಬುಕ್‌ ಮೈ ಷೋ

ಬುಧವಾರ, ಜೂನ್ 19, 2019
27 °C

‘ವೈರ’ನಿಗೆ ವೈರಿಯಾದ ಬುಕ್‌ ಮೈ ಷೋ

Published:
Updated:
‘ವೈರ’ನಿಗೆ ವೈರಿಯಾದ ಬುಕ್‌ ಮೈ ಷೋ

‘ವೈರ ಸಿನಿಮಾದ ಬಗ್ಗೆ ಯಾವ ಪತ್ರಿಕೆಯವರೂ ನಕಾರಾತ್ಮಕ ವಿಮರ್ಶೆ ಬರೆದಿಲ್ಲ. ಹಾಗೆಯೇ ಬುಕ್‌ ಮೈ ಷೋದಲ್ಲಿಯೂ ಬಹುತೇಕ ಎಲ್ಲ ಸಕಾರಾತ್ಮಕ ಕಮೆಂಟ್ಸ್‌ಗಳೇ ಬಂದಿವೆ. ಆದರೆ ಅದು ನಮ್ಮ ಚಿತ್ರಕ್ಕೆ ನೀಡಿರುವ ರೇಟಿಂಗ್‌ ಮಾತ್ರ ಕಡಿಮೆ. ಬುಕ್‌ ಮೈ ಷೋ ಮಾಡುತ್ತಿರುವ ಈ ವಂಚನೆ ಹಲವು ಹೊಸ ಕನ್ನಡ ಸಿನಿಮಾಗಳನ್ನು ಕೊಲ್ಲುತ್ತಿದೆ. ಇದನ್ನು ಹೇಗಾದರೂ ಮಾಡಿ ನಿಲ್ಲಿಸಲೇಬೇಕು...’

ನವರಸನ್‌ ಕೊಂಚ ಕೋಪದಿಂದಲೇ ಮಾತನಾಡುತ್ತಿದ್ದರು. ಒಳ್ಳೇ ಸಿನಿಮಾ ಮಾಡಿದ್ದೇನೆ. ಆದರೆ ಟಿಕೆಟ್‌ ಬುಕ್‌ ಮಾಡುವ ಕಂಪೆನಿಯ ಕುತಂತ್ರದಿಂದ ಜನರಿಗೆ ತಪ್ಪು ಸಂದೇಶ ಹೋಗುತ್ತಿದೆ ಎಂಬ ಬೇಸರ ಅವರಲ್ಲಿತ್ತು.

ವೈರ ಸಿನಿಮಾ ಗೆಲುವಿನ ದಡ ಸೇರುತ್ತಿರುವ ಖುಷಿ ಮತ್ತು ಅದಕ್ಕೆ ಇರುವ ಅಡೆತಡೆಗಳು ಎರಡನ್ನೂ ಹಂಚಿಕೊಳ್ಳಲಿಕ್ಕಾಗಿಯೇ ಅವರು ಪತ್ರಿಕಾಗೋಷ್ಠಿ ಕರೆದಿದ್ದರು.

‘ನನ್ನ ಸಿನಿಮಾ ಆ ಎಲ್ಲ ತೊಂದರೆಗಳ ಮಧ್ಯವೂ ಚೆನ್ನಾಗಿ ಓಡುತ್ತಿದೆ. ಜನರು ಇಷ್ಟಪಟ್ಟು ಚಿತ್ರಮಂದಿರಕ್ಕೆ ಬರುತ್ತಿದ್ದಾರೆ. ಆದರೆ ನನಗೆ ಆದ ತೊಂದರೆ ಇನ್ಯಾವುದೇ ಕನ್ನಡ ಸಿನಿಮಾಗಳಿಗೆ ಆಗಬಾರದು. ಆ ಕಾರಣಕ್ಕೆ ಈಗಾಗಲೇ ವಾಣಿಜ್ಯ ಮಂಡಳಿಯೊಂದಿಗೆ ಮಾತನಾಡಿದ್ದೇನೆ. ಹಾಗೆಯೇ ಮುಂಬೈನಲ್ಲಿರುವ ಬುಕ್‌ ಮೈ ಷೋ ಕಂಪೆನಿಯನ್ನು ಸಂಪರ್ಕಿಸಿದ್ದೇನೆ. ಕೆಲವು ಕಿಡಿಗೇಡಿ ಹ್ಯಾಕರ್ಸ್‌ಗಳಿಂದ ಹೀಗೆ ರೇಟಿಂಗ್‌ನಲ್ಲಿ ವಂಚನೆ ನಡೆಯುತ್ತಿದೆ. ಇದನ್ನು ನಿಲ್ಲಿಸಲು ಏನು ಬೇಕೊ ಅದನ್ನು ಮಾಡುತ್ತೇನೆ. ವಾಣಿಜ್ಯ ಮಂಡಳಿ ಹೊಸ ಆ್ಯಪ್‌ ಒಂದನ್ನು ತರುವ ಆಲೋಚನೆ ಮಾಡುತ್ತಿದೆ. ಅದು ಸಾಧ್ಯವಾಗಿಲ್ಲ ಎಂದರೆ ನಾನೇ ಒಂದು ಸ್ವಂತ ಆ್ಯಪ್‌ ರೂಪಿಸುತ್ತೇನೆ’ ಎಂದೂ ನವರಸನ್‌ ಹೇಳಿದರು. ಜತೆಗೆ ವೈರ ಸಿನಿಮಾವನ್ನು ಮೆಚ್ಚಿ ಪ್ರೋತ್ಸಾಹಿಸುತ್ತಿರುವ ಜನರಿಗೆ ಕೃತಜ್ಞತೆ ಹೇಳಲು ಅವರು ಮರೆಯಲಿಲ್ಲ.

ಕಳೆದ ವಾರ ಬಿಡುಗಡೆಯಾದ ‘ವೈರ’ ನವರಸನ್‌ ಅವರ ನಿರ್ದೇಶನದ ಮೊದಲ ಸಿನಿಮಾ. ಅವರೇ ಈ ಚಿತ್ರದ ನಾಯಕನಾಗಿ ನಟಿಸಿದ್ದಾರೆ. ಪ್ರಿಯಾಂಕಾ ಮಲ್ನಾಡ್‌ ನಾಯಕಿ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry