ಪ್ರೀತಿಯ ಧಾರೆಯೆರೆದ ಮರ್ಫಿ ಟೌನ್

ಬುಧವಾರ, ಜೂನ್ 19, 2019
23 °C

ಪ್ರೀತಿಯ ಧಾರೆಯೆರೆದ ಮರ್ಫಿ ಟೌನ್

Published:
Updated:

ಬೆಂಗಳೂರು: ಭಾನುವಾರ ಸಂಜೆ ಮಳೆ ಇರಲಿಲ್ಲ. ಆದರೆ ಮರ್ಫಿ ಟೌನ್‌ನಲ್ಲಿ ಸಂಭ್ರಮದ ಹೊಳೆ ಹರಿದಿತ್ತು. ಪಟಾಕಿಗಳ ಸದ್ದು, ಬ್ಯಾಂಡ್‌ಗಳ ಅಬ್ಬರ, ವೇಷಧಾರಿ  ಕಲಾವಿದರ ನೃತ್ಯದ ಸೊಬಗು ಪಸರಿಸಿತ್ತು.

ಫಿಫಾ ಜೂನಿಯರ್ ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ವನ್ನು ಪ್ರತಿನಿಧಿಸಿದ್ದ ಇಲ್ಲಿಯ ಇಬ್ಬರು ಆಟಗಾರರನ್ನು ಸನ್ಮಾ ನಿಸಿ ಮೆರವಣಿಗೆ ಮಾಡಿದ ಸಂದರ್ಭ ಅದು. ಇಲ್ಲಿಯ ಸಂಜೀವ್ ಸ್ಟಾಲಿನ್ ಮತ್ತು ಹೆನ್ರಿ ಅಂಥೋಣಿ ಅವರನ್ನು ತೆರೆದ ವಾಹನದಲ್ಲಿ ಕೂರಿಸಿ ಮೆರವಣಿಗೆ ಮಾಡಲಾಯಿತು. ಸುಮಾರು ಒಂದೂವರೆ ಗಂಟೆಗೂ ಹೆಚ್ಚು ಕಾಲ ನಡೆದ ಮೆರವಣಿಗೆ ಸಂದ ರ್ಭದಲ್ಲಿ ಹಿರಿಯರು, ಮಕ್ಕಳು ಬಂದು ಆಟಗಾರರ ಕೈಕುಲುಕಿ ಅಭಿನಂದಿಸಿದರು.

ಈ ಪ್ರದೇಶದ ಆಯಕಟ್ಟಿನ ಸ್ಥಳಗಳಲ್ಲಿ  ಈ ಆಟಗಾರರ ದೊಡ್ಡ ಕಟೌಟ್‌ಗಳು, ಹೋರ್ಡಿಂಗ್‌ಗಳು ಮತ್ತು ಅಭಿನಂದನೆಯ ಬ್ಯಾನರ್‌ ಗಳು ರಾರಾಜಿಸಿದವು.

ಹೆನ್ರಿ ಮತ್ತು ಸಂಜೀವ್ ಅವರು ಪುಣೆಯಲ್ಲಿ ತರಬೇತಿ ಪಡೆಯುತ್ತಿದ್ದಾರೆ. ಬೆಂಗಳೂರಿನ ಕ್ಲಬ್‌ಗಳಿಗೆ ಹೆಚ್ಚು ಆಡಿಲ್ಲ. ಆದರೆ ಅವರ ಕುಟುಂಬಗಳು ಇಲ್ಲಿಯೇ ನೆಲೆಸಿವೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry