ತೆಪ್ಪದಲ್ಲಿ ತೆರಳಿ ಬಾಗಿನ ಸಮರ್ಪಣೆ

ಮಂಗಳವಾರ, ಜೂನ್ 18, 2019
31 °C

ತೆಪ್ಪದಲ್ಲಿ ತೆರಳಿ ಬಾಗಿನ ಸಮರ್ಪಣೆ

Published:
Updated:

ಆನೇಕಲ್‌: ತಾಲ್ಲೂಕಿನ ಇಂಡ್ಲವಾಡಿಪುರದ ಕೆರೆ ತುಂಬಿ ಕೋಡಿ ಹೋಗಿದ್ದು ಗ್ರಾಮಸ್ಥರು ಗಂಗಾ ಪೂಜೆ ನೆರವೇರಿಸಿ ತೆಪ್ಪದ ಮೂಲಕ ಬಾಗಿನ ಅರ್ಪಿಸಿ ಸಂಭ್ರಮಿಸಿದರು.

ಇಂಡ್ಲವಾಡಿಪುರ ಹಾಲು ಉತ್ಪಾದಕರ ಸಹಕಾರ ಸಂಘದ ಅಧ್ಯಕ್ಷ ಎಸ್.ಶುಭಾನಂದ್ ಮಾತನಾಡಿ, ಹತ್ತು ವರ್ಷಗಳ ನಂತರ ಗ್ರಾಮದ ಕೆರೆಯು ತುಂಬಿರುವುದು ಗ್ರಾಮಸ್ಥರಲ್ಲಿ ಸಂತಸ ತಂದಿದೆ. ವರುಣ ರಾಯನ ಕೃಪೆಯಿಂದ ಉತ್ತಮ ಮಳೆಯಾಗಿದ್ದು ಕೆರೆ ಕುಂಟೆಗಳು ತುಂಬಿರುವುದರಿಂದ ಕೃಷಿ ಚಟುವಟಿಕೆಗಳಿಗೆ ಸಹಕಾರಿಯಾಗಿದೆ ಎಂದರು.

ಹೈನುಗಾರಿಕೆ ಅಭಿವೃದ್ಧಿ ಹಾಗೂ ಅಂತರ್ಜಲ ಹೆಚ್ಚಾಗುವುದರಿಂದ ರೈತರಿಗೆ ಅತ್ಯಂತ ಅನುಕೂಲವಾಗಿದೆ. ಗ್ರಾಮಸ್ಥರು ಗಂಗಾ ಪೂಜೆಯ ಮೂಲಕ ಬಾಗಿನ ಅರ್ಪಿಸಿ ಸಾಂಪ್ರದಾಯಿಕ ಆಚರಣೆಯನ್ನು ಮಾಡುತ್ತಿರುವುದು ಗ್ರಾಮದಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗಿದೆ ಎಂದರು.

ಮುಖಂಡರಾದ ಎಂ.ವೆಂಕಟನಾರಾಯಣ್, ಸುಮಾ ಶುಭಾನಂದ್‌, ಕೆಇಬಿ ಮುನಿಯಪ್ಪ, ಎ.ನರಸಿಂಹಯ್ಯ, ಸಿ.ಮುನಿರಾಜು, ಎಂ.ವಿ.ಸುರೇಶ್, ಮಹೇಶ್, ಮುರಳಿ, ಎಸ್.ಅಶೋಕ್‌, ಮೂರ್ತಿ, ಆರ್.ನಾಗರಾಜು, ಗೋಪಾಲಯ್ಯ, ಬಿ.ರಾಜಪ್ಪ, ಜಯರಾಮ್, ಸಂಪತ್‌ ನಾಯಕ್, ರವಿಕುಮಾರ್‌ಗೌಡ, ಶೇಖರ್, ಎನ್‌.ಮುನಿರಾಜು, ಮುನಿಕೃಷ್ಣ, ಮುನಿರಾಜು, ಶ್ರೀರಾಮ್, ಸೋಮಶೇಖರ್‌, ಎನ್.ನರಸಿಂಹ, ಯತೀಶ್, ಹಾಲು ಉತ್ಪಾದಕರ ಸಹಕಾರ ಸಂಘದ ಕಾರ್ಯನಿರ್ವಾಹಕ ವೆಂಕಟೇಶ್, ನಿರ್ದೇಶಕರಾದ ಎಂ.ವಿ.ಸತೀಶ್, ಲಕ್ಷ್ಮಮ್ಮ ಹಾಜರಿದ್ದರು. ಮಹಿಳೆಯರು ದೀಪಾರತಿಗಳನ್ನು ಹೊತ್ತು ಕೆರೆಯ ಬಳಿಗೆ ಬಂದು ಪೂಜೆ ಸಲ್ಲಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry