ಶ್ರೀರಂಗಪಟ್ಟಣ; ಮತ್ತೆ ಕುಸಿದ ಕೋಟೆ

ಸೋಮವಾರ, ಜೂನ್ 17, 2019
31 °C

ಶ್ರೀರಂಗಪಟ್ಟಣ; ಮತ್ತೆ ಕುಸಿದ ಕೋಟೆ

Published:
Updated:

ಶ್ರೀರಂಗಪಟ್ಟಣ: ನಿರಂತರವಾಗಿ ಸುರಿಯುತ್ತಿರುವ ಮಳೆಯ ಕಾರಣದಿಂದಾಗಿ ಇಲ್ಲಿನ ಕೋಟೆ ಆಂಜನೇಸ್ವಾಮಿ ದೇವಾಲಯ ಬಳಿ, ರಾಂಪಾಲ್‌ ರಸ್ತೆಯ ಸಮೀಪ ಶನಿವಾರ ಮತ್ತೆ ಕೋಟೆ ಕುಸಿದಿದೆ. ಸುಮಾರು 10 ಮೀಟರ್‌ ಉದ್ದದಷ್ಟು ಕೋಟೆಯ ಗೋಡೆ ನೆಲ ಕಚ್ಚಿದ್ದು, ಶತಮಾನಗಳ ಹಿಂದೆ ನಿರ್ಮಿಸಿರುವ ಕೋಟೆಯ ದಪ್ಪ ಕಲ್ಲುಗಳು ನೆಲಕ್ಕೆ ಉರುಳಿವೆ. ಕೋಟೆಯ ಅವಶೇಷಗಳು ಕಂದಕ್ಕೆ ಬಿದ್ದಿವೆ

ಸತತ ಮಳೆಯ ಕಾರಣದಿಂದ ಪಟ್ಟಣದಲ್ಲಿ 5ನೇ ಬಾರಿ ಕೋಟೆ ಕುಸಿದಂತಾಗಿದೆ. ಈ ಮೊದಲು ಪುರಸಭೆ ಕಚೇರಿ ಬಳಿಯ ಪೂರ್ವ ಕೋಟೆ, ನಂತರ ಸೆಂದಲ್‌ ಕೋಟೆ, ಜಿಬಿ ಹೊಳೆ ಕೋಟೆ, ಶಂಭುಲಿಂಗಯ್ಯನ ಕಟ್ಟೆ ಬಳಿ ಪಶ್ಚಿಮ ಕೋಟೆಯ ಭಾಗಗಳು ಕುಸಿದಿದ್ದವು.

‘ಮಳೆ ನಿಲ್ಲುವವರೆಗೆ ಕೋಟೆಯ ದುರಸ್ತಿ ಕಾರ್ಯ ಕೈಗೊಳ್ಳುವುದಿಲ್ಲ’ ಎಂದು ರಾಜ್ಯ ಪ್ರಾಚ್ಯವಸ್ತು ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಶನಿವಾರ ಕುಸಿದಿರುವ ಕೋಟೆಗೆ ಹೊಂದಿಕೊಂಡ ಸ್ಥಳದಲ್ಲಿ ಕೆಲವೇ ದಿನಗಳ ಹಿಂದಷ್ಟೇ ದುರಸ್ತಿ ಕಾರ್ಯ ನಡೆದಿತ್ತು.

ಮನೆಗೋಡೆ ಕುಸಿತ

ಕೊಪ್ಪ: ಹೋಬಳಿಯ ಕೆಲವು ಗ್ರಾಮ ಗಳಲ್ಲಿ ಶನಿವಾರ ರಾತ್ರಿ ಧಾರಾಕಾರ ಮಳೆಯಾಗಿದೆ. ಮನೆಯ ಗೋಡೆ ಕುಸಿದಿದ್ದು, ಅಕ್ಕಪಕ್ಕದ ಮನೆಗಳೂ ಕುಸಿಯುವ ಭೀತಿಯಲ್ಲಿವೆ. ಕೆಲವೆಡೆ ಮರಗಳು ರಸ್ತೆಗೆ ಉರುಳಿ ಕೆಲಕಾಲ ವಾಹನ ಸಂಚಾರಕ್ಕೆ ತೊಂದರೆ ಉಂಟಾಯಿತು.

ಬೆಸಗರಹಳ್ಳಿ ಗ್ರಾಮದ 2ನೇ ವಾರ್ಡ್‌ನ ಮನೆಗಳು ಒಂದಾದ ಮೇಲೋಂದು ಕುಸಿದು ಬಿಳುತ್ತಿದ್ದು ನಾಗರಿಕರು ಆತಂಕಕ್ಕೆ ಒಳಾಗಿದ್ದಾರೆ. ಕೆಲವು ಮನೆಗಳಲ್ಲಿ ವಾಸ ಮಾಡುವುದಕ್ಕೂ ತೊಂದರೆ ಆಗಿದೆ.

ಬೆಸಗರಹಳ್ಳಿಯ ಮೇರಿಯಮ್ಮ ಅವರ ಮನೆಯ ಗೋಡೆ ಕುಸಿದು ₹ 10 ಸಾವಿರಕ್ಕೂ ಹೆಚ್ಚು ನಷ್ಟವಾಗಿದೆ. ಕೋಡಗಹಳ್ಳಿ ಮಹಾದೇವ, ರಂಗಮ್ಮ, ಆರೋಗ್ಯ ಮೇರಿ ಅವರ ಮನೆಗಳು ಕುಸಿಯುವ ಹಂತ ತಲುಪಿವೆ.

65 ವರ್ಷಗಳಿಂದ ವಾಸಿ ಸುತ್ತಿದ್ದರೂ ಹಕ್ಕುಪತ್ರ ನೀಡಿಲ್ಲ. ಮನೆ ಕಟ್ಟಲು ಸಾಧ್ಯವಾಗದೆ ತೊಂದರೆ ಆಗಿದೆ ಎಂದು ಮೇರಿಯಮ್ಮ ಅಳಲು ತೋಡಿಕೊಂಡರು. ಕೌಡ್ಲೆ, ಹಳೇಹಳ್ಳಿ, ಬೆಕ್ಕಳಲೆಗೆ ಸಂಪರ್ಕ ಕಲ್ಪಿಸುವ ರಸ್ತೆಗಳಿಗೆ ಶನಿವಾರ ರಾತ್ರಿ ಮರಗಳು ಉರುಳಿಬಿದ್ದು ಸಂಚಾರಕ್ಕೆ ತೊಂದರೆಯಾಗಿತ್ತು.

ಕುಸಿದ ಮನೆ

ಕಿಕ್ಕೇರಿ: ನಿರಂತರ ಮಳೆಯಿಂದಾಗಿ ಇಲ್ಲಿನ ಜನತಾ ಕಾಲನಿಯಲ್ಲಿರುವ ಗೌರೀಶ್ ಅವರ ಮನೆಯ ಮಣ್ಣಿನ ಗೋಡೆ ಭಾನುವಾರ ಕುಸಿದಿದೆ. ಯಾವುದೇ ಪ್ರಾಣಾಪಾಯವಾಗಿಲ್ಲ.

ಪಟ್ಟಣದ ಪ್ರಮುಖಬೀದಿಯಾದ ಅಂಗಡಿಬೀದಿ ರಸ್ತೆ ಕೊಚ್ಚೆಗುಂಡಿ ಯಾಗಿದೆ. ತರಕಾರಿ ಮತ್ತಿತರ ವಸ್ತು ಗಳು ರಸ್ತೆಯಲ್ಲಿ ಬಿದ್ದಿದ್ದು, ಗಬ್ಬು ವಾಸನೆ ಹರಡಿದೆ. ಮಂದಗೆರೆಯಲ್ಲಿ ಹೇಮಾವತಿ ನದಿಯ ಸೇತುವೆಯ ಗುಂಡಿಮಯವಾಗಿದ್ದು, ಮಳೆಯ ನೀರು ನಿಂತಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry