ಬೆಳಗಾವಿ: ಇಲ್ಲಿನ 2ನೇ ರೈಲ್ವೆ ಗೇಟ್‌ನಲ್ಲಿ ರೈಲಿಗೆ ಸಿಗ್ನಲ್‌ ಕೊಡದೆ ಕರ್ತವ್ಯಲೋಪ ಎಸಗಿದ ಆರೋಪದ ಮೇಲೆ ಗೇಟ್‌ಮನ್‌ ಬಸವರಾಜ ಮೋದಗಿ ಅವರನ್ನು ಅಮಾನತು ಮಾಡಲಾಗಿದೆ ಎಂದು ನೈರುತ್ಯ ರೈಲ್ವೆ ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಇ.ವಿಜಯಾ ತಿಳಿಸಿದ್ದಾರೆ.
ಕರ್ತವ್ಯದಲ್ಲಿದ್ದಾಗ ನಿದ್ದೆ ಮಾಡಿದ್ದರಿಂದ ನಿಜಾಮುದ್ದೀನ್‌ ರೈಲು ಶನಿವಾರ ತಡರಾತ್ರಿ 10 ನಿಮಿಷಕ್ಕೂ ಹೆಚ್ಚು ಕಾಲ ನಿಂತಿತ್ತು. ಇದು ಸಾಮಾಜಿಕ ಜಾಲ ತಾಣದಲ್ಲಿ ವೈರಲ್‌ ಆಗಿದ್ದರಿಂದ ಈ ಕ್ರಮ ತೆಗೆದುಕೊಳ್ಳಲಾಗಿದೆ ಎಂದು ಅವರು ‘ಪ್ರಜಾವಾಣಿ’ಗೆ ತಿಳಿಸಿದರು.
‘ನಿದ್ದೆ ಮಾಡಿದ್ದು ಗೇಟ್‌ಮನ್‌. ರೈಲ್ವೆ ಗಾರ್ಡ್‌ ಅಲ್ಲ’ ಎಂದೂ ಅವರು ಸ್ಪಷ್ಟಪಡಿಸಿದ್ದಾರೆ.
