ಸುಕನ್ಯಾ, ಶಾರದಾಗೆ ‘ಕರ್ನಾಟಕ ಕಲಾಶ್ರೀ’ ಪ್ರಶಸ್ತಿ

ಭಾನುವಾರ, ಜೂನ್ 16, 2019
22 °C

ಸುಕನ್ಯಾ, ಶಾರದಾಗೆ ‘ಕರ್ನಾಟಕ ಕಲಾಶ್ರೀ’ ಪ್ರಶಸ್ತಿ

Published:
Updated:

ಬೆಂಗಳೂರು: ಕರ್ನಾಟಕ ಸಂಗೀತ ನೃತ್ಯ ಅಕಾಡೆಮಿಯು 2017–18ನೇ ಸಾಲಿನ ‘ಕರ್ನಾಟಕ ಕಲಾಶ್ರೀ’ ಪ್ರಶಸ್ತಿ ಪ್ರಕಟಿಸಿದೆ. ಮೈಸೂರಿನ ಗಾಯಕಿ ಸುಕನ್ಯಾ ಪ್ರಭಾಕರ ಮತ್ತು ಮಂಗಳೂರಿನ ನೃತ್ಯಗಾರ್ತಿ ಶಾರದಾ ಮಣಿ ಶೇಖರ್ ಗೌರವ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.

ವಾರ್ಷಿಕ ಪ್ರಶಸ್ತಿ ವಿವರ ಇಂತಿದೆ:

ಕರ್ನಾಟಕ ಸಂಗೀತ: ಹಾಡುಗಾರಿಕೆಯಲ್ಲಿ ಕೋಲಾರದ ರಾಮಪ್ಪ ನಾಯ್ಡು, ವೀಣೆಯಲ್ಲಿ ಮೈಸೂರಿನ ಬಿ.ಎಸ್. ವಿಜಯರಾಘವನ್, ನಾದಸ್ವರದಲ್ಲಿ ಭದ್ರಾವತಿಯ ಕೆ.ಎಸ್. ಮೋಹನಕುಮಾರ್.

ಹಿಂದೂಸ್ತಾನಿ ಸಂಗೀತ: ಬಾನ್ಸುರಿಯಲ್ಲಿ ಹೊನ್ನಾವರದ ಶಂಭುಭಟ್ ಕಡತೊಕ, ಗಾಯನದಲ್ಲಿ ಕುಂದಗೋಳದ ಹುಸೇನಸಾಬ್ ನದಾಫ್ ಹಾಗೂ ರಾಯಚೂರಿನ ರಾಮಾಚಾರ್ಯ ಕಾಖಂಡಕಿ, ಶಹನಾಯಿಯಲ್ಲಿ ಅಮರಾವತಿಯ ಬಸಪ್ಪ ಎಚ್‌. ಭಜಂತ್ರಿ.

ನೃತ್ಯ: ಬೆಂಗಳೂರಿನ ಸುಪರ್ಣಾ ವೆಂಕಟೇಶ್, ಎಸ್. ನಾಗಭೂಷಣ್, ಶಿವಮೊಗ್ಗದ ಎಸ್. ಕೇಶವಕುಮಾರ.

ಸುಗಮ ಸಂಗೀತ: ಬೆಂಗಳೂರಿನ ಕೆ.ಎಂ. ಕುಸುಮಾ, ದಾವಣಗೆರೆಯ ಟಿ. ರಾಜಾರಾಂ.

ಕಥಾ ಕೀರ್ತನ:‌ ಗದಗ್‌ನ ಕಲ್ಲಿನಾಥ್ ಶಾಸ್ತ್ರಿ ಹಾಗೂ ತುರುವೇಕೆರೆಯ ಹುಲಿಕಲ್ ನಾಗರಾಜ್.

ಗಮಕ: ಬೆಂಗಳೂರಿನ ಸತ್ಯವತಿ ರಾಮನಾಥ್.

ಸಂಘ ಸಂಸ್ಥೆ: ಧಾರವಾಡದ ಭಾರತೀಯ ಸಂಗೀತ ವಿದ್ಯಾಲಯದ ಸಿತಾರ ರತ್ನ ರೆಹಮತ್ ಖಾನ್.

ಗೌರವ ಪ್ರಶಸ್ತಿ ತಲಾ ₹ 50,000 ನಗದು ಪುರಸ್ಕಾರ ಒಳಗೊಂಡಿದ್ದು,  ವಾರ್ಷಿಕ ಪ್ರಶಸ್ತಿ ತಲಾ ₹ 25,000 ನಗದು ಒಳಗೊಂಡಿದೆ. ನ.27ರಂದು ನಗರದ ರವೀಂದ್ರ ಕಲಾಕ್ಷೇತ್ರದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ಅಕಾಡೆಮಿ ತಿಳಿಸಿದೆ.



ಲಲಿತಕಲಾ ಅಕಾಡೆಮಿ ಅಧ್ಯಕ್ಷರಾಗಿ ಎಂ.ಜಿ. ಕಮಲಾಕ್ಷಿ

ಬೆಂಗಳೂರು: ಲಲಿತಕಲಾ ಅಕಾಡೆಮಿ ಅಧ್ಯಕ್ಷರಾಗಿ ಎಂ.ಜಿ. ಕಮಲಾಕ್ಷಿ ಅವರನ್ನು ನೇಮಿಸಿ ಸರ್ಕಾರ ಆದೇಶ ಹೊರಡಿಸಿದೆ.

ಈ ಹಿಂದೆ ಅಧ್ಯಕ್ಷರಾಗಿದ್ದ ಎಂ.ಎಸ್. ಮೂರ್ತಿ ಅವರ ಅವಧಿ ಜುಲೈನಲ್ಲಿ ಮುಕ್ತಾಯಗೊಂಡಿತ್ತು. ಖಾಲಿ ಇದ್ದ ಹುದ್ದೆಗೆ ಹಿರಿಯ ಕಲಾವಿದೆ ಕಮಲಾಕ್ಷಿ ಅವರನ್ನು ನೇಮಕ ಮಾಡಲಾಗಿದೆ ಎಂದು ಸಂಸ್ಕೃತಿ ಸಚಿವೆ ಉಮಾಶ್ರೀ ತಿಳಿಸಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry