‘ಅಭಿವೃದ್ಧಿ–ವಂಶಾಭಿವೃದ್ಧಿ ನಡುವಣ ಹೋರಾಟ’

ಬುಧವಾರ, ಜೂನ್ 19, 2019
28 °C

‘ಅಭಿವೃದ್ಧಿ–ವಂಶಾಭಿವೃದ್ಧಿ ನಡುವಣ ಹೋರಾಟ’

Published:
Updated:
‘ಅಭಿವೃದ್ಧಿ–ವಂಶಾಭಿವೃದ್ಧಿ ನಡುವಣ ಹೋರಾಟ’

ಅಹಮದಾಬಾದ್‌: ಕಾಂಗ್ರೆಸ್‌ ವಿರುದ್ಧ ವಾಗ್ದಾಳಿ ನಡೆಸಿರುವ ಪ್ರಧಾನಿ ನರೇಂದ್ರ ಮೋದಿ, ಗುಜರಾತ್‌ ಚುನಾವಣೆಯು ಅಭಿವೃದ್ಧಿ ಮತ್ತು ವಂಶಾಭಿವೃದ್ಧಿ ನಡುವಣ ಹೋರಾಟ ಎಂದು ಬಣ್ಣಿಸಿದರು.

ಕಾಂಗ್ರೆಸ್‌ ಅನ್ನು ‘ಗುಜರಾತ್‌ –ವಿರೋಧಿ’ ಎಂದು ಕರೆದಿರುವ ಅವರು, ಅಭಿವೃದ್ಧಿಯ ವಿಷಯವನ್ನು ಇಟ್ಟುಕೊಂಡು ಚುನಾವಣೆ ಎದುರಿಸುವಂತೆ ಆ ಪಕ್ಷದ ಮುಖಂಡರಿಗೆ ಸವಾಲು ಹಾಕಿದರು.

ಗಾಂಧಿನಗರದಲ್ಲಿ ಪಕ್ಷ ಆಯೋಜಿಸಿದ್ದ ಗುಜರಾತ್‌ ಗೌರವ ಯಾತ್ರೆಯ ಸಮಾರೋಪ ಸಮಾರಂಭದಲ್ಲಿ ಮಾತನಾಡಿದ ಮೋದಿ, ‘ಅವರು (ಕಾಂಗ್ರೆಸ್ಸಿಗರು) ದೇಶವನ್ನು ಲೂಟಿ ಮಾಡಿದ್ದಾರೆ. ನನಗೆ ಪಕ್ಷಕ್ಕಿಂತ ದೇಶ ದೊಡ್ಡದು. ನನಗೆ ದೇಶದ ಭವಿಷ್ಯವೇ ಮುಖ್ಯ... ನಮಗೆ ಈ ಚುನಾವಣೆಯು ಅಭಿವೃದ್ಧಿಗಾಗಿ ಆದರೆ, ಅವರಿಗೆ ಇದು ವಂಶಾಡಳಿತವನ್ನು ಮುಂದುವರೆಸುವುದಕ್ಕಾಗಿ’ ಎಂದು ವಾಗ್ದಾಳಿ ನಡೆಸಿದರು.

‘ಅಭಿವೃದ್ಧಿ ವಿಚಾರದಲ್ಲಿ ಕಾಂಗ್ರೆಸ್‌ ಬೊಗಳುತ್ತಾ ಇರುತ್ತದೆ. ಕಾಂಗ್ರೆಸ್‌ ಪಕ್ಷವು ಒಂದಲ್ಲ ಒಂದು ದಿನ ಅಭಿವೃದ್ಧಿ ವಿಷಯವನ್ನು ಆಧರಿಸಿ ಚುನಾವಣೆ ಎದುರಿಸುತ್ತದೆ ಎಂಬ ಆಶಯ ನನಗೆ ಇತ್ತು. ಆದರೆ, ಅದು ಯಾವತ್ತೂ ಕೋಮುವಾದ, ಜಾತೀಯತೆ ಅಥವಾ ಜನರನ್ನು ತಪ್ಪು ದಾರಿಗೆ ಎಳೆಯುದಕ್ಕೇ ಗಮನ ನೀಡುತ್ತಾ ಬಂದಿದೆ. ಅಭಿವೃದ್ಧಿಯ ಕಾರ್ಯಸೂಚಿಯಲ್ಲಿ ಚುನಾವಣೆ ಎದುರಿಸೋಣ ಎಂದು ನಾನು ಅವರಿಗೆ ಸವಾಲು ಹಾಕುತ್ತೇನೆ’ ಎಂದು ಅವರು ಹೇಳಿದರು.

ಬಿಜೆಪಿಯು ದಲಿತರ, ಇತರ ಹಿಂದುಳಿದ ವರ್ಗಗಳ, ಆದಿವಾಸಿಗಳ ವಿರೋಧಿ ಮತ್ತು ಅದೊಂದು ನಗರ ಕೇಂದ್ರಿತ ಪಕ್ಷ ಎಂಬ ಆರೋಪ ಇದ್ದರೂ ಅತೀ ಹೆಚ್ಚಿನ ಸಂಖ್ಯೆಯ ದಲಿತ, ಇತರೆ ಹಿಂದುಳಿದ ವರ್ಗಗಳ, ಆದಿವಾಸಿ ಮತ್ತು ಕೃಷಿ ಸಮುದಾಯಕ್ಕೆ ಸೇರಿದ ಸಂಸದರು ಬಿಜೆಪಿಯಲ್ಲಿದ್ದಾರೆ ಅವರು ಹೇಳಿದರು.

‘ಗುಜರಾತ್‌ ಎಂದರೆ ಆ ಪಕ್ಷಕ್ಕೆ ಯಾವತ್ತೂ ಆಗಿ ಬರುವುದಿಲ್ಲ. ಇತಿಹಾಸವೇ ಅದಕ್ಕೆ ಸಾಕ್ಷಿ. ಸರ್ದಾರ್‌ ಪಟೇಲ್‌, ಅವರ ಮಗಳು ಮನಿಬೆನ್‌ ಪಟೇಲ್‌, ಮೊರಾರ್ಜಿ ದೇಸಾಜಿ, ಬಾಬುಭಾಯಿ ಜಶ್‌ಬಾಯಿ ಪಟೇಲ್ ಅವರನ್ನು ಅದು ನಡೆಸಿಕೊಂಡ ರೀತಿಯನ್ನು ನೋಡಿದರೆ ಗೊತ್ತಾಗುತ್ತದೆ. ರಾಜ್ಯದಲ್ಲಿ 149 ಸ್ಥಾನಗಳನ್ನು ಗೆದ್ದಿದ್ದ ಮಾಧವ್‌ಸಿನ್ಹ ಸೋಲಂಕಿಯವರನ್ನೂ ಅದು ಕೆಟ್ಟದಾಗಿ ನಡೆಸಿಕೊಂಡಿತ್ತು’ ಎಂದು ಅವರು ಕಾಂಗ್ರೆಸ್‌ ಅನ್ನು ಟೀಕಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry