‘ವೋಗ್‌’ ಫ್ಯಾಷನ್‌ ಟೆಕ್ನಾಲಜಿ ಕಾಲೇಜಿನ ವಿದ್ಯಾರ್ಥಿಗಳು, ಕ್ಯಾನ್ಸರ್‌ ಮಕ್ಕಳ ನೆರವಿಗಾಗಿ ತಾವೇ ತಯಾರಿಸಿದ್ದ ಉಡುಪು, ಟೆರಾಕೋಟಾ ಮತ್ತು ಜರ್ಮನ್‌ ಸಿಲ್ವರ್‌ ಆಭರಣಗಳ ಪ್ರದರ್ಶನ ಮತ್ತು ಮಾರಾಟ ಆಯೋಜಿಸಿದ್ದರು.
ಮಹಾತ್ಮ ಗಾಂಧಿ ರಸ್ತೆಯ ರಂಗೋಲಿ ಮೆಟ್ರೊ ಕಲಾ ಕೇಂದ್ರದಲ್ಲಿ ಈ ಕಾರ್ಯಕ್ರಮ ನಡೆಯಿತು. ‘ಕಲಾ ಆವಿಷ್ಕಾರ’ ಎಂಬ ಹೆಸರಿನ ಈ ಪ್ರದರ್ಶನದಿಂದ ಬಂದ ಲಾಭವನ್ನು ಕ್ಯಾನ್ಸರ್‌ ಮಕ್ಕಳಿಗೆ ನೆರವಾಗುವ ‘ಸಮೀಕ್ಷಾ ಫೌಂಡೇಶನ್‌’ಗೆ ದೇಣಿಗೆಯಾಗಿ ನೀಡಲಾಯಿತು.
ಬಗೆಬಗೆಯ ಉಡುಪುಗಳು, ಬಣ್ಣ ಬಣ್ಣದ ಕೃತಕ ಆಭರಣಗಳು, ಕರಕುಶಲ ವಸ್ತುಗಳ ಜೊತೆಗೆ ಪೇಪರಿನಿಂದ ತಯಾರಿಸಿದ ಉಡುಪುಗಳು ಇಲ್ಲಿಯ ಆಕರ್ಷಣೆಯಾಗಿತ್ತು. ಈ ಉತ್ಪನ್ನಗಳ ತಯಾರಿಯ ಹಿಂದೆ ಒಟ್ಟು 700 ವಿದ್ಯಾರ್ಥಿಗಳ ಪರಿಶ್ರಮವಿತ್ತು.
‘ವಿದ್ಯಾರ್ಥಿಗಳು ತಯಾರಿಸಿದ್ದ ವಸ್ತುಗಳನ್ನು ಮಾರಾಟ ಮಾಡಿ ಬಂದ ಲಾಭಾಂಶವನ್ನು ಇಂತಹ ಮಕ್ಕಳ ನಿರ್ವಹಣೆ ಮಾಡುವ ಸಂಸ್ಥೆಗೆ ನೀಡುವುದು ಹೆಮ್ಮಯ ವಿಚಾರ. ಪ್ರತಿವರ್ಷ ಈ ರೀತಿಯ ಕಾರ್ಯಕ್ರಮ ಆಯೋಜಿಸುತ್ತಿರುತ್ತೇವೆ' ಎನ್ನುತ್ತಾರೆ ಕಾಲೇಜಿನ ಜಿಗ್ನಾ ಶಾ.v
