ಪುಣೆ (ಪಿಟಿಐ): ಭಾರಿ ಮಳೆಯಿಂದ ಮುಂದೂಡಿದ ಮತ್ತು ಸ್ಥಳಾಂತರಗೊಂಡ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ತಂಡದವರು ಪಾಯಿಂಟ್ಗಳ ಮಳೆ ಸುರಿಸಿದರು.
31 ರೈಡ್ಗಳಲ್ಲಿ 30 ಪಾಯಿಂಟ್ ಹೆಕ್ಕಿ ತಂದ ನಾಯಕ ರೋಹಿತ್ ಕುಮಾರ್ ಅವರ ದಾಖಲೆ ಆಟದ ಬಲದಿಂದ ಈ ತಂಡ ಯು.ಪಿ.ಯೋಧಾವನ್ನು 40 (64–24) ಪಾಯಿಂಟ್ಗಳ ಅಂತರದಿಂದ ಮಣಿಸಿತು. ಪ್ರೊ ಕಬಡ್ಡಿ ಟೂರ್ನಿಯ ಪಂದ್ಯವೊಂದರಲ್ಲಿ ಅತಿ ಹೆಚ್ಚು ಪಾಯಿಂಟ್ ಗಳಿಸಿದ ಹೆಗ್ಗಳಿಕೆ ರೋಹಿತ್ ಅವರದಾಯಿತು.
ಆರಂಭದಿಂದಲೇ ಭರ್ಜರಿ ಆಟವಾಡಿದ ಬುಲ್ಸ್ ಮಧ್ಯಂತರ ಅವಧಿಯಲ್ಲಿ 17 ಪಾಯಿಂಟ್ಗಳ ಮುನ್ನಡೆ ಸಾಧಿಸಿತ್ತು. ದ್ವಿತೀಯಾರ್ಧದಲ್ಲೂ ಯೋಧಾ ಆಟ ನಡೆಯಲಿಲ್ಲ.ಮತ್ತೊಂದು ಪಂದ್ಯದಲ್ಲಿ ಹರಿಯಾಣ ಸ್ಟೀಲರ್ಸ್ ತಂಡದ ಪುಣೇರಿ ಪಲ್ಟನ್ ವಿರುದ್ಧ 31–27ರಿಂದ ಗೆದ್ದಿತು.