ಭ್ರೂಣದ ಲಿಂಗ ಪತ್ತೆ ಪರೀಕ್ಷೆ ಮಾಡಿದ ವೈದ್ಯ ದಂಪತಿ ಬಂಧನಕ್ಕೆ ಬಿಜೆಪಿ ಶಾಸಕರಿಂದ ತಡೆ

ಬುಧವಾರ, ಜೂನ್ 19, 2019
22 °C

ಭ್ರೂಣದ ಲಿಂಗ ಪತ್ತೆ ಪರೀಕ್ಷೆ ಮಾಡಿದ ವೈದ್ಯ ದಂಪತಿ ಬಂಧನಕ್ಕೆ ಬಿಜೆಪಿ ಶಾಸಕರಿಂದ ತಡೆ

Published:
Updated:
ಭ್ರೂಣದ ಲಿಂಗ ಪತ್ತೆ ಪರೀಕ್ಷೆ ಮಾಡಿದ ವೈದ್ಯ ದಂಪತಿ ಬಂಧನಕ್ಕೆ ಬಿಜೆಪಿ ಶಾಸಕರಿಂದ ತಡೆ

ಅಲೀಗಡ: ಭ್ರೂಣದ ಲಿಂಗ ಪತ್ತೆ ಪರೀಕ್ಷೆ ನಡೆಸಿದ ವೈದ್ಯ ದಂಪತಿಯನ್ನು ಬಂಧಿಸಲು ಯತ್ನಿಸಿದ ಪೊಲೀಸರನ್ನು ಬಿಜೆಪಿ ಶಾಸಕರಿಬ್ಬರು ತಡೆದ ಪ್ರಕರಣ ಇಲ್ಲಿ ನಡೆದಿದೆ.

ಬಿಜೆಪಿ ಶಾಸಕರಾದ ಸಂಜೀವ್ ರಾಜಾ ಮತ್ತು ಅನಿಲ್ ಪರಾಷರ್ ಎಂಬುವವರು ವೈದ್ಯ ದಂಪತಿಯ ಬಂಧನಕ್ಕೆ ತಡೆಯೊಡ್ಡಿದ ಆರೋಪ ಎದುರಿಸುತ್ತಿದ್ದಾರೆ ಎಂದು ಇಂಡಿಯನ್ ಎಕ್ಸ್‌ಪ್ರೆಸ್ ವರದಿ ಮಾಡಿದೆ.

ಲಿಂಗ ಪತ್ತೆಗೆ ಬಳಸಿದ ಅಲ್ಟ್ರಾಸೌಂಡ್ ಮಷಿನ್‌ ಅನ್ನು ಮುಟ್ಟುಗೋಲು ಹಾಕಲೂ ಶಾಸಕರು ಬಿಡಲಿಲ್ಲ ಎಂದು ಅಧಿಕಾರಿಗಳು ದೂರಿದ್ದಾರೆ.

‘ವೈದ್ಯ ದಂಪತಿಯ ಬಂಧನಕ್ಕೆ ಅನುವು ಮಾಡಿಕೊಡುವಂತೆ ಅಲೀಗಡದ ಜಿಲ್ಲಾಧಿಕಾರಿಯವರು ಶಾಸಕರ ಬಳಿ ಪರಿಪರಿಯಾಗಿ ಮನವಿ ಮಾಡಿದರು. ಆದರೂ ಶಾಸಕರು ಬಿಡಲಿಲ್ಲ’ ಎಂದು ಅಧಿಕಾರಿಗಳು ಆರೋಪಿಸಿದ್ದಾರೆ.

ಅಲೀಗಡದ ಜೀವನ್‌ ನರ್ಸಿಂಗ್‌ ಹೋಮ್‌ನ ಡಾ. ಜಯಂತ್‌ ಶರ್ಮಾ ಹಾಗೂ ಅವರ ಪತ್ನಿ ಸೋಮವಾರ ಸಂಜೆ ಭ್ರೂಣದ ಲಿಂಗ ಪತ್ತೆ ಪರೀಕ್ಷೆ ನಡೆಸಿದ ಬಗ್ಗೆ ಅಧಿಕಾರಿಗಳಿಗೆ ಮಾಹಿತಿ ದೊರೆತಿತ್ತು. ಈ ಹಿನ್ನೆಲೆಯಲ್ಲಿ ಆಸ್ಪತ್ರೆಗೆ ತೆರಳಿದ ಸ್ಥಳೀಯ ಪೊಲೀಸರು, ಭ್ರೂಣದ ಲಿಂಗ ಪತ್ತೆ ಪರೀಕ್ಷೆ ನಡೆಸಿದ ಅಲ್ಟ್ರಾಸೌಂಡ್ ಮಷಿನ್‌ ಜತೆಗೆ ವೈದ್ಯ ದಂಪತಿಯನ್ನು ಠಾಣೆಗೆ ಕರೆದುಕೊಂಡು ಬಂದಿದ್ದರು. ತಕ್ಷಣವೇ ಠಾಣೆಗೆ ಬಂದ ಶಾಸಕರು ತಡರಾತ್ರಿ ಎರಡು ಗಂಟೆವರೆಗೂ ಠಾಣೆಯಲ್ಲೇ ಇದ್ದು ವೈದ್ಯರನ್ನು ಅಲ್ಲಿಂದ ಕಳುಹಿಸಿದ ನಂತರ ತೆರಳಿದ್ದಾರೆ. ಈ ಮಧ್ಯೆ, ಭ್ರೂಣದ ಲಿಂಗ ಪತ್ತೆ ಪರೀಕ್ಷೆ ಮಾಡಿಸಿಕೊಂಡ ಮಹಿಳೆ ತಲೆಮರೆಸಿಕೊಂಡಿದ್ದಾರೆ.

‘ಸ್ಥಳೀಯ ಶಾಸಕರು ಪ್ರಕರಣದಲ್ಲಿ ಹಸ್ತಕ್ಷೇಪ ಮಾಡುವ ಬಗ್ಗೆ ನಾವು ಹಿರಿಯ ಅಧಿಕಾರಿಗಳಿಗೆ ಮನವರಿಕೆ ಮಾಡಿಕೊಟ್ಟೆವು. ಕಾನೂನು ಪ್ರಕ್ರಿಯೆ ಮಾಡಲು ಅಧಿಕಾರಿಗಳಿಗೆ ಅನುವು ಮಾಡಿಕೊಡಬೇಕೆಂದು ಶಾಸಕರಲ್ಲಿ ಪರಿಪರಿಯಾಗಿ ಮನವಿ ಮಾಡಿದೆವು. ಆದರೂ ಅವರು ಕೇಳಲಿಲ್ಲ’ ಎಂದು ಅಲೀಗಡದ ಜಿಲ್ಲಾಧಿಕಾರಿ ರಿಷೀಕೇಶ್ ಭಾಸ್ಕರ್ ಅವರು ಹೇಳಿದ್ದನ್ನು ಇಂಡಿಯನ್‌ ಎಕ್ಸ್‌ಪ್ರೆಸ್ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಭ್ರೂಣದ ಲಿಂಗ ಪತ್ತೆ ಪರೀಕ್ಷೆ ಮಾಡುವುದಕ್ಕೆ ಕಾನೂನಿನಲ್ಲಿ ನಿಷೇಧವಿದೆ. ಭ್ರೂಣದ ಲಿಂಗ ಪತ್ತೆ ಪರೀಕ್ಷೆ ಗಂಭೀರ ಅಪರಾಧವಾಗಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry