9ರ ಬಾಲಕಿಯ ಮೇಲೆ ಕುಳಿತ 145ಕೆ.ಜಿ. ತೂಕದ ಮಹಿಳೆ: ಶಿಸ್ತು ಕಲಿಸಲು ಬಂದವಳು ಪ್ರಾಣ ತೆಗೆದಳು!

ಗುರುವಾರ , ಮೇ 23, 2019
30 °C

ಫಲಿತಾಂಶ (ಮುನ್ನಡೆ+ಗೆಲುವು) 0/542LIVE

9ರ ಬಾಲಕಿಯ ಮೇಲೆ ಕುಳಿತ 145ಕೆ.ಜಿ. ತೂಕದ ಮಹಿಳೆ: ಶಿಸ್ತು ಕಲಿಸಲು ಬಂದವಳು ಪ್ರಾಣ ತೆಗೆದಳು!

Published:
Updated:
9ರ ಬಾಲಕಿಯ ಮೇಲೆ ಕುಳಿತ 145ಕೆ.ಜಿ. ತೂಕದ ಮಹಿಳೆ: ಶಿಸ್ತು ಕಲಿಸಲು ಬಂದವಳು ಪ್ರಾಣ ತೆಗೆದಳು!

ನ್ಯೂಯಾರ್ಕ್‌: ತುಂಟತನದಿಂದ ವರ್ತಿಸುತ್ತಿದ್ದ 9 ವಯಸ್ಸಿನ ಬಾಲಕಿಯ ಮೇಲೆ 145ಕೆ.ಜಿ ತೂಕದ ಮಹಿಳೆ ಕುಳಿತು ಶಿಕ್ಷಿಸಿದ ಪರಿಣಾಮ, ಉಸಿರಾಟದ ಸಮಸ್ಯೆಗೊಳಗಾದ ಬಾಲಕಿ ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ.

ಘಟನೆ ಫ್ಲೋರಿಡಾದಲ್ಲಿರುವ ಬಾಲಕಿಯ ಮನೆಯಲ್ಲೇ ನಡೆದಿದೆ. ಮಹಿಳೆಯ ಭಾರೀ ತೂಕ ತಾಳಲಾರದೆ ಬಾಲಕಿಗೆ ಉಸಿರಾಟದ ಸಮಸ್ಯೆ ಕಾಣಿಸಿಕೊಂಡಿದೆ. ಬಳಿಕ ತೀವ್ರ ಹೃದಯಾಘಾತವಾಗಿದ್ದು ಈ ದುರಂತ ನಡೆದಿದೆ.

ಈ ಸಂಬಂಧ ಬಾಲಕಿಯ ಸೋದರ ಸಂಬಂಧಿ 64 ವರ್ಷದ ಆರೋಪಿ ವೆರೋನಿಕಾ ಪೋಸ್ಸಿಯನ್ನು ಕೊಲೆ ಪ್ರಕರಣದ ಆರೋಪದಲ್ಲಿ ಬಂಧಿಸಲಾಗಿದೆ.

‘ಸೋದರ ಸಂಬಂಧಿ ಡೆರಿಕ್‌ ಲಿಂಡ್ಸೆ ತನ್ನೊಡನೆ ಅಸಭ್ಯವಾಗಿ ವರ್ತಿಸಿದಳು. ಹಾಗಾಗಿ ಅವಳನ್ನು ಶಿಕ್ಷಿಸಲು ಆಕೆಯ ಮೇಲೆ ಕುಳಿತೆ. ಕೆಲ ನಿಮಿಷದಲ್ಲೇ ಉಸಿರಾಡಲು ಕಷ್ಟವಾಗುತ್ತಿರವುದಾಗಿ ಚೀರಿಕೊಂಡಳು. ನಾನು ಮೇಲೇಳುವುದರೊಳಗೆ ಪ್ರಜ್ಞೆ ತಪ್ಪಿದಳು’ ಎಂದು ಪೋಸ್ಸಿ ತನಿಖಾಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾಳೆ.

‘ಲಿಂಡ್ಸೆ ತುಂಟಿಯಾಗಿದ್ದಳು ಹಾಗಾಗಿ ಅವಳನ್ನು ನಿಭಾಯಿಸುವುದು ನನಗೆ ಕಷ್ಟವಾಗುತ್ತಿತ್ತು. ಲಿಂಡ್ಸೆಗೆ ಶಿಸ್ತು ಕಲಿಸುವ ಸಲುವಾಗಿ ತನ್ನ ಸಂಬಂಧಿಯಾದ ಪೊಸ್ಸಿಯನ್ನು ಸಹಾಯಕ್ಕಾಗಿ ಕರೆಸಿಕೊಂಡಿದ್ದೆ’ ಎಂದು ಬಾಲಕಿಯ ತಾಯಿ ಗ್ರೇಸ್‌ ಸ್ಮಿತ್‌(69) ತನಿಖಾಧಿಕಾರಿಗಳಿಗೆ ತಿಳಿಸಿದ್ದಾಳೆ.

ಮೃತ ಲಿಂಡ್ಸೆ ಕೇವಲ 3 ಅಡಿ ಎತ್ತರ ಹಾಗೂ 33ಕೆ.ಜಿ ತೂಕವಿದ್ದಳು. ಇದು ಪೊಸ್ಸಿ ದೇಹದ ತೂಕದ ನಾಲ್ಕನೇ ಒಂದರಷ್ಟಾಗುತ್ತದೆ. ತನಿಖೆ ಪ್ರಗತಿಯಲ್ಲಿದ್ದು, ಪೊಸ್ಸಿ ಬಾಲಕಿಯ ಮೇಲೆ ಎಷ್ಟು ಸಮಯದವರೆಗೆ ಕುಳಿತಿದ್ದಳು ಎನ್ನುವುದು ತಿಳಿದು ಬಂದಿಲ್ಲ.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry