ಪ್ರೊ ಕಬಡ್ಡಿ: ಗುಜರಾತ್‌–ಪಲ್ಟನ್ ಹಣಾಹಣಿ

ಭಾನುವಾರ, ಜೂನ್ 16, 2019
22 °C

ಪ್ರೊ ಕಬಡ್ಡಿ: ಗುಜರಾತ್‌–ಪಲ್ಟನ್ ಹಣಾಹಣಿ

Published:
Updated:
ಪ್ರೊ ಕಬಡ್ಡಿ:  ಗುಜರಾತ್‌–ಪಲ್ಟನ್ ಹಣಾಹಣಿ

ಪುಣೆ (ಪಿಟಿಐ): ಪ್ರೊ ಕಬಡ್ಡಿ ಐದನೇ ಆವೃತ್ತಿಯ ಲೀಗ್ ಪಂದ್ಯಗಳ ಕೊನೆಯ ದಿನದ  ಎರಡು ಪಂದ್ಯಗಳು ಶುಕ್ರವಾರ ನಡೆಯಲಿವೆ.

ಆತಿಥೇಯ ಪುಣೇರಿ ಪಲ್ಟನ್ಸ್‌ ತಂಡವು ಗುಜರಾತ್ ಫಾರ್ಚೂನ್‌ ಜೈಂಟ್ಸ್‌ ತಂಡವನ್ನು ಎದುರಿಸಲಿದೆ. ಇನ್ನೊಂದು ಪಂದ್ಯದಲ್ಲಿ ತೆಲುಗು ಟೈಟನ್ಸ್‌  ತಂಡವು ಬೆಂಗಾಲ್ ವಾರಿಯರ್ಸ್‌ ವಿರುದ್ಧ ಕಣಕ್ಕಿಳಿ

ಯಲಿದೆ.

ಎ ಗುಂಪಿನಲ್ಲಿ  ಫಾರ್ಚೂನ್‌ಜೈಂಟ್ಸ್‌ ತಂಡವು 21 ಪ‍ಂದ್ಯಗಳಿಂದ 82 ಅಂಕಗಳನ್ನು ಗಳಿಸಿ ಅಗ್ರಸ್ಥಾನದಲ್ಲಿದೆ. ಪುಣೇರಿ ತಂಡದ ವಿರುದ್ಧ ಜಯಿಸಿ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಳ್ಳುವ ಛಲದಲ್ಲಿದೆ. ಇದೇ ಮೊದಲ ಬಾರಿಗೆ ಟೂರ್ನಿಯಲ್ಲಿ ಆಡುತ್ತಿರುವ ತಂಡವು ಪ್ಲೇಆಫ್‌ ಹಂತ ಪ್ರವೇಶಿಸುವುದು ಬಹುತೇಕ ಖಚಿತವಾಗಿದೆ. 79 ಅಂಕಗಳನ್ನು ಗಳಿಸಿರುವ ಪುಣೇರಿ ತಂಡವು ಎರಡನೇ ಸ್ಥಾನದಲ್ಲಿದೆ. ತವರಿನ ಅಭಿಮಾನಿಗಳ ಎದುರು ಗೆದ್ದು ಗುಜರಾತ್ ತಂಡವನ್ನು ಹಿಂದಿಕ್ಕುವತ್ತ ಗುರಿ ನೆಟ್ಟಿದೆ.

ಎ ವಿಭಾಗದಲ್ಲಿ ಮೊದಲ ಮೂರು ಸ್ಥಾನ ಗಳಿಸುವ ತಂಡಗಳು ಪ್ಲೇ ಆಫ್‌ ಹಂತ ಪ್ರವೇಶಿಸಲಿವೆ. ಮೊದಲ ಸ್ಥಾನದ, ಬೆಂಗಾಲ್ ವಾರಿಯರ್ಸ್ ತಂಡವನ್ನು; ಎರಡನೇ ಸ್ಥಾನ ಪಡೆಯುವ ತಂಡವು. ಯು.ಪಿ ಯೋಧಾ ತಂಡವನ್ನು ಹಾಗೂ ಮೂರನೇ ಸ್ಥಾನ ಪಡೆಯುವ ತಂಡವು ಪಟ್ನಾ ಪೈರೆಟ್ಸ್‌ ತಂಡವನ್ನು ಎದುರಿಸಲಿವೆ. ಅ. 23 ಮತ್ತು 24ರಂದು ಪ್ಲೇ ಆಫ್ ಪಂದ್ಯಗಳು ಮುಂಬೈನಲ್ಲಿ ನಡೆಯಲಿವೆ.

ಪಂದ್ಯ ಆರಂಭ: ರಾತ್ರಿ 8ರಿಂದ

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry