ದೀಪಾವಳಿಗೆ ಬಾಳೆ ರೂಪದಲ್ಲಿ ಬಂದ ಧನಲಕ್ಷ್ಮಿ!

ಬುಧವಾರ, ಜೂನ್ 19, 2019
29 °C

ದೀಪಾವಳಿಗೆ ಬಾಳೆ ರೂಪದಲ್ಲಿ ಬಂದ ಧನಲಕ್ಷ್ಮಿ!

Published:
Updated:
ದೀಪಾವಳಿಗೆ ಬಾಳೆ ರೂಪದಲ್ಲಿ ಬಂದ ಧನಲಕ್ಷ್ಮಿ!

ಬಸವಾಪಟ್ಟಣ: ಇಲ್ಲಿನ ಪ್ರಗತಿಪರ ರೈತ ಎಸ್‌.ಜಿ.ಸಣ್ಣಚನ್ನಪ್ಪ ತಮ್ಮ ಮೂರು ಎಕರೆ ಹೊಲದಲ್ಲಿ ಬೆಳೆದಿರುವ ಏಲಕ್ಕಿ ಬಾಳೆ ಈ ಬಾರಿ ಬಂಪರ್ ಬೆಳೆ ನೀಡಿದೆ. ಎರಡು ವರ್ಷ ಮಳೆಯಿಲ್ಲದೇ ಅಂತರ್ಜಲ ಕಡಿಮೆಯಾಗಿ, ರೈತರೆಲ್ಲರೂ ಮುಗಿಲ ಕಡೆಗೆ ನೋಡುತ್ತಿದ್ದ ಪರಿಸ್ಥಿತಿ ಇತ್ತು. ಅಂತಹ ಸಂದರ್ಭದಲ್ಲಿ ಧೃತಿಗೆಡದೆ ತೋಟಕ್ಕೆ ಹನಿ ನೀರಾವರಿ ವ್ಯವಸ್ಥೆ ಮಾಡಿಕೊಂಡ ಅವರು ಗಿಡಗಳನ್ನು ಬದುಕಿಸಿಕೊಂಡರು.

‘ತೋಟಕ್ಕೆ ನೂರಾರು ಟ್ರ್ಯಾಕ್ಟರ್‌ ಲೋಡು ಫಲವತ್ತಾದ ಕೆರೆ ಮಣ್ಣು ಹಾಗೂ ಸಾವಯವ ಗೊಬ್ಬರ ಹಾಕಿದ್ದೇವೆ. ಅದರ ಜತೆ ಅಲ್ಪ ಪ್ರಮಾಣದಲ್ಲಿ ರಸಗೊಬ್ಬರದ ಬಳಕೆ ಮಾಡಿದ್ದೇವೆ. ಎಕರೆಗೆ 425 ಗಿಡಗಳಂತೆ ಮೂರು ಎಕರೆಗಳಲ್ಲಿ 1,200 ಗಿಡಗಳನ್ನು ಬೆಳೆಸಿದ್ದೇವೆ’ ಎಂದು ತಮ್ಮ ಯಶಸ್ಸಿನ ಗುಟ್ಟು ಬಿಚ್ಚಿಟ್ಟರು.

‘ಬಾಳೆ ಕೃಷಿಗೆ ದಾವಣಗೆರೆಯ ತರಳಬಾಳು ಕೃಷಿ ಕೇಂದ್ರದ ವಿಜ್ಞಾನಿ ಡಾ.ಎಂ.ಜಿ.ಬಸವನಗೌಡ ಮತ್ತು ದಾಗಿನಕಟ್ಟೆಯ ಪ್ರಗತಿಪರ ರೈತ ಓ.ಜಿ.ಕಿರಣ್‌ ಮಾರ್ಗದರ್ಶನ ಮಾಡಿದರು’ ಎಂದೂ ಅವರು ಸ್ಮರಿಸಿದರು.

‘ಮೂರು ಎಕರೆಗೆ ನಾವು ಒಂದು ₹ 1 ಲಕ್ಷ ಖರ್ಚು ಮಾಡಿದ್ದೇವೆ. ಈಗ ಪ್ರತಿ ಕೆ.ಜಿ ಬಾಳೆಕಾಯಿಗೆ ₹ 40ರಿಂದ ₹ 45 ಸಿಗುತ್ತಿದೆ. ಇದರಿಂದ ಬೆಳೆದದ್ದು ಸಾರ್ಥಕವಾಗಿದೆ’ ಎನ್ನುತ್ತಾರೆ ಅವರ ಪುತ್ರ ಜಿ.ಸಿ.ಕುಮಾರ್‌.

‘ಬಾಳೆಗೆ ಈ ಬಾರಿ ಹೆಚ್ಚಿನ ರೋಗ ಕಂಡು ಬಂದಿಲ್ಲ. ಇತ್ತೀಚೆಗೆ ಒಂದು ತಿಂಗಳಿನಿಂದ ಬಿದ್ದ ಮಳೆಗೆ ಫಸಲು ಚೇತರಿಸಿಕೊಂಡಿದ್ದು, ಪ್ರತಿ ಗಿಡದಲ್ಲಿಯೂ ಭಾರಿ ಪ್ರಮಾಣದ ಗೊನೆಗಳು ಬಿಟ್ಟಿವೆ. ಸಾಮಾನ್ಯವಾಗಿ ಏಲಕ್ಕಿ ಬಾಳೆ ಗೊನೆಗಳು ಎಂಟರಿಂದ 10 ಕೆ.ಜಿ. ತೂಗುತ್ತವೆ. ಆದರೆ, ನಮ್ಮ ತೋಟದಲ್ಲಿ 20ರಿಂದ 25 ಕೆ.ಜಿ ತೂಗುತ್ತಿವೆ’ ಎಂದು ಸಂತಸ ವ್ಯಕ್ತಪಡಿಸಿದರು.

ಬಾಳೆ ಬೆಳೆಯಲು ಈ ಭಾಗದ ಮಣ್ಣು ಉತ್ತಮವಾಗಿದೆ. ಅಡಿಕೆ ಮತ್ತು ತೆಂಗಿನ ಮರಗಳ ಮಧ್ಯದಲ್ಲಿ ಉಪ ಬೆಳೆಯಾಗಿ ಬೆಳೆಯಲಾಗುತ್ತಿದೆ. ಫಸಲು ಸಂಪೂರ್ಣವಾಗಿ ಕಟಾವು ಆಗುವ ವೇಳೆಗೆ ಇದೇ ದರ ಮುಂದುವರಿದರೆ ರೈತರಿಗೆ ₹ 7ರಿಂದ ₹ 8 ಲಕ್ಷ ಲಾಭ ಬರಬಹುದು ಎನ್ನುತ್ತಾರೆ ಇಲ್ಲಿನ ಹಣ್ಣು ತರಕಾರಿಗಳ ಸಗಟು ವ್ಯಾಪಾರಿ ಸೈಯದ್‌ ಹಿದಾಯತ್‌.

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry