ಗ್ರಾಮ ದೇವತೆ ವಳಗೇರಮ್ಮ ದೇವಿಯ ರಥೋತ್ಸವ

ಭಾನುವಾರ, ಜೂನ್ 16, 2019
28 °C

ಗ್ರಾಮ ದೇವತೆ ವಳಗೇರಮ್ಮ ದೇವಿಯ ರಥೋತ್ಸವ

Published:
Updated:

ಚನ್ನರಾಯಪಟ್ಟಣ: ಗ್ರಾಮ ದೇವತೆ ವಳಗೇರಮ್ಮ ದೇವಿಯ ರಥೋತ್ಸವ ಮತ್ತು ಬಂಡಿ ಉತ್ಸವ ಸಾವಿರಾರು ಭಕ್ತರ ಸಮ್ಮುಖದಲ್ಲಿ ಬುಧವಾರ ವಿಜೃಂಭಣೆಯಿಂದ ಜರುಗಿತು.

ಪಟ್ಟಣದಲ್ಲಿ ದೇವಿಗೆ ಪೂಜೆ ಸಲ್ಲಿಸಿದ ಬಳಿಕ ಅಲಂಕೃತ ರಥದಲ್ಲಿ ದೇವಿಯನ್ನು ಪ್ರತಿಷ್ಠಾಪಿಸಿ ಬಾಳೆ ಮರ ಕಡಿದ ನಂತರ ರಥೋತ್ಸವವಕ್ಕೆ ಚಾಲನೆ ನೀಡಲಾಯಿತು.

ಮಂಗಳ ವಾದ್ಯದೊಂದಿಗೆ ರಥೋತ್ಸವ ಸಾಗಿತು. ತಮಟೆ ವಾದ್ಯಕ್ಕೆ ಸೋಮನಕುಣಿತದ ಕಲಾವಿದರು ಗಮನಸೆಳೆದರು.

ರಥ ದೇವಸ್ಥಾನದ ಬಳಿ ಬಂದಿತು. ದೇವರನ್ನು ರಥದಿಂದ ಇಳಿಸಿ, ಭಕ್ತರ ಉದ್ಘೋಷದೊಂದಿಗೆ ಕೆಂಡೋತ್ಸವ ನಡೆಸಲಾಯಿತು. ದೇವಿಯ ಉಯ್ಯಲೋತ್ಸವ, ನಂತರ ಸಿಡಿ ಉತ್ಸವ ನಡೆದವು. ಹರಕೆ ಹೊತ್ತ ಮಹಿಳೆಯರು ಬಾಯಿ ಬೀಗ ಧರಿಸಿ ದೇವಸ್ಥಾನದ ಸುತ್ತ ಪ್ರದಕ್ಷಿಣೆ ಹಾಕಿ ಪೂಜೆ ಸಲ್ಲಿಸಿದರು.

ಗಮನಸೆಳೆದ ಬಂಡಿ ಉತ್ಸವ: ಗೂರನಹಳ್ಳಿ, ಬಂಡಿಹಳ್ಳಿ, ಕೆರೆಚಿಕ್ಕೇನಹಳ್ಳಿ, ಜನಿವಾರ, ಗುಂಡಶೆಟ್ಟಿಹಳ್ಳಿ, ತಗ್ಯಮ್ಮನ ಬಡಾವಣೆ, ಡಿ.ಕಾಳೇನಹಳ್ಳಿಯಿಂದ ಬಂಡಿಗಳು ಬಂದಿದ್ದವು. ರೈತರು ಬೆಳೆದ ಕಬ್ಬು, ರಾಗಿ, ಜೋಳದ ಫಸಲಿನಿಂದ ಎತ್ತಿನ ಗಾಡಿ, ಎತ್ತುಗಳನ್ನು ಸಿಂಗರಿಸಿ ರಥೋತ್ಸವದಲ್ಲಿ ಪಾಲ್ಗೊಳ್ಳುವುದು ಈ ಉತ್ಸವದ ವಿಶೇಷ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry