ಹ್ಯೂಸ್ಟನ್‌ (ಪಿಟಿಐ): ಅಮೆರಿಕದ ಟೆಕ್ಸಾಸ್‌ನ ರಿಚರ್ಡ್‌ಸನ್‌ ನಗರದ ಮನೆಯೊಂದರಿಂದ ಇತ್ತೀಚೆಗೆ ಕಣ್ಮರೆಯಾಗಿರುವ ಭಾರತ ಸಂಜಾತ ಮೂರು ವರ್ಷದ ಬಾಲಕಿಯ ಪ್ರಕರಣ ಇನ್ನೂ ನಿಗೂಢವಾಗಿಯೇ ಉಳಿದಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಾರ್ವಜನಿಕರು ನೀಡಿರುವ ಮಾಹಿತಿಯಿಂದಲೂ ತನಿಖಾ ತಂಡಕ್ಕೆ ಯಾವುದೇ ಬಗೆಯ ಸುಳಿವು ಲಭ್ಯವಾಗಿಲ್ಲ.
ಆಕೆಯ ದತ್ತು ಪೋಷಕರ ಮನೆಯಿಂದ ಕೂದಲಿನ ಮಾದರಿಯ ದಾರ, ಸೆಲ್‌ಫೋನ್‌, ಲ್ಯಾಪ್‌ಟ್ಯಾಪ್‌, ವಾಷರ್‌, ಡ್ರೈಯರ್‌ನಂತಹ ವಸ್ತುಗಳನ್ನು ಎಫ್‌ಬಿಐ (ಫೆಡರಲ್‌ ಬ್ಯೂರೊ ಆಫ್‌ ಇನ್‌ವೆಸ್ಟಿಗೇಶನ್‌) ವಶಕ್ಕೆ ಪಡೆದುಕೊಂಡಿದೆ.
