ಘಾನಾಗೆ ಮಾಲಿ ಸವಾಲು

ಮಂಗಳವಾರ, ಜೂನ್ 18, 2019
23 °C
ಫಿಫಾ 17 ವರ್ಷದೊಳಗಿನವರ ವಿಶ್ವಕಪ್‌: ಇಂದಿನಿಂದ ಕ್ವಾರ್ಟರ್‌ ಫೈನಲ್‌ ಹಣಾಹಣಿ

ಘಾನಾಗೆ ಮಾಲಿ ಸವಾಲು

Published:
Updated:
ಘಾನಾಗೆ ಮಾಲಿ ಸವಾಲು

ಗುವಾಹಟಿ (ಎಎಫ್‌ಪಿ): ಫಿಫಾ 17 ವರ್ಷದೊಳಗಿವನರ ವಿಶ್ವಕಪ್‌ ಟೂರ್ನಿಯ ಕ್ವಾರ್ಟರ್ ಫೈನಲ್‌ ಹಣಾಹಣಿ ಇಂದಿನಿಂದ ನಡೆಯಲಿದ್ದು ಮೊದಲ ಪಂದ್ಯದಲ್ಲಿ ಘಾನಾ ಮತ್ತು ಮಾಲಿ ತಂಡಗಳು ಸೆಣಸಲಿವೆ. ಎರಡನೇ ಪಂದ್ಯದಲ್ಲಿ ಅಮೆರಿಕಗೆ ಇಂಗ್ಲೆಂಡ್‌ ಸವಾಲೆಸೆಯಲಿದೆ.

ಬುಧವಾರ ನಡೆದ ಕೊನೆಯ ಪ್ರಿ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಘಾನಾ ತಂಡದವರು ನೈಗರ್‌ ಎದುರು ಗೆದ್ದು ಎಂಟರ ಘಟ್ಟಕ್ಕೆ ಪ್ರವೇಶಿಸಿತ್ತು.

ಇರಾಕ್ ವಿರುದ್ಧ 5–1ರ ಜಯ ಸಾಧಿಸಿದ ಮಾಲಿ ವಿಶ್ವಾಸದ ಅಲೆಯಲ್ಲಿ ತೇಲುತ್ತಿದೆ. ಶನಿವಾರದ ಪಂದ್ಯದಲ್ಲಿ ಗೆದ್ದರೆ 17 ವರ್ಷದೊಳಗಿನವರ ಆಫ್ರಿಕನ್ ಚಾಂಪಿಯನ್‌ಷಿಪ್‌ನ ಪಂದ್ಯದಲ್ಲಿ ಅನುಭವಿಸಿದ ಸೋಲಿಗೆ ಪ್ರತೀಕಾರ ತೀರಿಸಿದ ತೃಪ್ತಿಯೂ ಮಾಲಿ ತಂಡಕ್ಕೆ ಸಿಗಲಿದೆ. ‌

ಅಜೇಯರಿಗೆ ಬಲಿಷ್ಠರ ಸವಾಲು

ಟೂರ್ನಿಯಲ್ಲಿ ಇಲ್ಲಿಯವರೆಗೆ ಸೋಲು ಕಾಣದಿರುವ ಇಂಗ್ಲೆಂಡ್ ಗೋವಾದಲ್ಲಿ ನಡೆಯಲಿರುವ ಪಂದ್ಯದಲ್ಲಿ ಅಮೆರಿಕವನ್ನು ಎದುರಿಸಲಿದೆ. ಉಭಯ ತಂಡಗಳು ಕೂಡ ಪಂದ್ಯದಲ್ಲಿ ಜಯಿಸುವ ಭರವಸೆಯಲ್ಲಿವೆ. ಎರಡೂ ತಂಡಗಳ ಕೋಚ್‌ಗಳು ಶುಕ್ರವಾರ ಭರವಸೆಯಿಂದಲೇ ಮಾಧ್ಯಮ ಪ್ರತಿನಿಧಿಗಳ ಜೊತೆ ಮಾತನಾಡಿದರು.

‘ನಾಕೌಟ್ ಹಂತ ಬಹಳ ಕಠಿಣ. ಆದರೂ ನಮ್ಮ ತಂಡಕ್ಕೆ ಆತಂಕವಿಲ್ಲ. ಪ್ರಿ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಜಪಾನ್‌ನ ರಕ್ಷಣಾ ಕೋಟೆಯನ್ನು ಭೇದಿಸಲು ಪ್ರಯಾಸಪಟ್ಟ ತಂಡ ಪೆನಾಲ್ಟಿ ಶೂಟೌಟ್‌ನಲ್ಲಿ ಗೆದ್ದು ಈ ಹಂತಕ್ಕೆ ಪ್ರವೇಶಿಸಿದೆ. ಶನಿವಾರದ ಪಂದ್ಯದಲ್ಲೂ ತಂಡ ಬಲಿಷ್ಠ ಎದುರಾಳಿಯ ವಿರುದ್ಧ ಸೆಣಸಬೇಕಾಗಿದೆ. ಆದರೂ ಪಂದ್ಯದಲ್ಲಿ ಜಯ ಸಾಧಿಸುವ ಭರವಸೆ ಇದೆ’ ಎಂದು ಇಂಗ್ಲೆಂಡ್ ಕೋಚ್‌ ಕೂಪರ್ ಹೇಳಿದರು.

‘ಇಂಗ್ಲೆಂಡ್‌ ತುಂಬ ಬಲಿಷ್ಠವಾಗಿದೆ. ಇಂಥ ತಂಡವನ್ನು ಎಚ್ಚರಿಕೆಯಿಂದ ಎದುರಿಸಲು ನಮ್ಮ ತಂಡ ಸನ್ನದ್ಧರಾಗಿದೆ. ಆ ತಂಡದ ಅಜೇಯ ಓಟಕ್ಕೆ ಬ್ರೇಕ್ ಹಾಕಿ ಮುಂದೆ ಸಾಗುವುದು ನಮ್ಮ ಉದ್ದೇಶ’ ಎಂದು ಅಮೆರಿಕ ಕೋಚ್ ಜಾನ್‌ ಹಾಕ್ವರ್ಥ್ ಹೇಳಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry