ಬಲಿಪಾಡ್ಯಮಿ: ಗೋವುಗಳಿಗೆ ವಿಶೇಷ ಪೂಜೆ

ಮಂಗಳವಾರ, ಜೂನ್ 25, 2019
30 °C

ಬಲಿಪಾಡ್ಯಮಿ: ಗೋವುಗಳಿಗೆ ವಿಶೇಷ ಪೂಜೆ

Published:
Updated:
ಬಲಿಪಾಡ್ಯಮಿ: ಗೋವುಗಳಿಗೆ ವಿಶೇಷ ಪೂಜೆ

ಕಾರವಾರ: ಬಲಿಪಾಡ್ಯಮಿ ನಿಮಿತ್ತ ಶುಕ್ರವಾರ ಗೌಳಿಗರು, ಹಾಲಕ್ಕಿಗಳು ಹಾಗೂ ರೈತರು ಶ್ರದ್ಧಾಭಕ್ತಿಯಿಂದ ಗೋವುಗಳಿಗೆ ವಿಶೇಷ ಪೂಜೆ ಸಲ್ಲಿಸಿದರು.ಪೂಜೆಯ ಜೊತೆಗೆ ಗೋವುಗಳಿಗೆ ವಿಶೇಷ ಖಾದ್ಯ ಸಮರ್ಪಿಸಿ ಧನ್ಯತೆ ಮೆರೆದರು. ಹಲವೆಡೆ ಗುರುವಾರವೇ ಕೊಟ್ಟಿಗೆಯನ್ನು ಸ್ವಚ್ಛಗೊಳಿಸಿ, ತಳಿರು ತೋರಣಗಳಿಂದ ಅಲಂಕರಿಸಲಾಗಿತ್ತು.

ಗೋವುಗಳನ್ನು ತೊಳೆದು ಕೋಡುಗಳಿಗೆ ಬಣ್ಣ ಬಳಿಯಲಾಗಿತ್ತು. ಹೂವು, ಕಂಕಣ, ರಿಬ್ಬನ್ ಕಟ್ಟಿ ಶೃಂಗರಿಸಲಾಗಿತ್ತು. ಜೇಡಿಮಣ್ಣಿನ ವೃತ್ತಾಕಾರದ ಹಚ್ಚೆ ಹಾಕಿ ಗೋವುಗಳ ಕೊರಳಿಗೆ ಕಂಕಣವನ್ನು ಸುತ್ತಲಾಗಿತ್ತು. ಕೆಂಪು, ಹಳದಿ ವಸ್ತ್ರದ ಕಂಕಣದಲ್ಲಿ ತೆಂಗಿನ ಕಾಯಿ, ಬೆಲ್ಲ, ದುಡ್ಡು ಇಡಲಾಗಿತ್ತು.

ನಂತರ ನಡೆದ ಪೂಜೆಯಲ್ಲಿ ಕುಂಕುಮ ಹಚ್ಚಿ ಆರತಿ ಬೆಳಗಲಾಯಿತು. ಅಲ್ಲದೇ ಕೊಟ್ಟಿಗೆಯಲ್ಲಿ ಗೋಪಾಲಕ ಶ್ರೀಕೃಷ್ಣನ ಮಣ್ಣಿನ ಮೂರ್ತಿಯನ್ನು ಪೂಜಿಸಿ ಪ್ರಸಾದ ವಿತರಿಸಲಾಯಿತು.

ಗ್ರಾಮೀಣ ಭಾಗದಲ್ಲಿ ಗೋವುಗಳನ್ನು ಪೂಜಿಸಿದ ಬಳಿಕ ಸಮೀಪದ ಗದ್ದೆಗಳಿಗೆ ಮೇಯಲು ಬಿಡಲಾಯಿತು. ಗದ್ದೆಯಲ್ಲಿ ಗೋವುಗಳ ಕೊರಳಿಗೆ ಕಟ್ಟಿದ ಕಂಕಣ ಕೀಳುವ ಸ್ಪರ್ಧೆ ತಾಲ್ಲೂಕಿನ ವಿವಿಧೆಡೆ ನಡೆಯಿತು.

ಯಾರು ಗೋವನ್ನು ತಡೆದು ಮೊದಲಿಗೆ ಕಂಕಣವನ್ನು ಕಿತ್ತುಕೊಳ್ಳುತ್ತಾರೋ ಅವರಿಗೆ ಒಳಿತಾಗುತ್ತದೆ ಎಂಬ ನಂಬಿಕೆ ಗ್ರಾಮೀಣ ಜನರಲ್ಲಿದೆ. ಹೀಗಾಗಿ ಗೋವುಗಳ ಕೊರಳಲ್ಲಿರುವ ಕಂಕಣ ಕೀಳಲು ಯುವಕರಾದಿಯಾಗಿ ಹಲವರು ಮುಗಿಬಿದ್ದರು.

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry