ಕೊಲ್ಲಬೇಡಿ ಕೆರೆಗಳನ್ನು...

ಭಾನುವಾರ, ಜೂನ್ 16, 2019
29 °C

ಕೊಲ್ಲಬೇಡಿ ಕೆರೆಗಳನ್ನು...

Published:
Updated:
ಕೊಲ್ಲಬೇಡಿ ಕೆರೆಗಳನ್ನು...

ಕೊಲ್ಲಬೇಡಿ ಕೆರೆಗಳನ್ನ ಕೊಲ್ಲಬೇಡಿರಿ!

ಇಲ್ಲದಂತೆ ಮಾಡುವುದನು ಸುಳ್ಳು ಮಾಡಿರಿ!!

ಸಾವಿರಾರು ವರುಷದಿಂದ

ಜೀವಜಲವ ತುಂಬಿಕೊಂಡು

ಜೀವಜಂತುಗಳಿಗೆ ನೆಲೆಯ ನೀಡುತಿರುವುವು;

ಮುಗಿಲಮಾರಿ ಮುನಿಸಿನಿಂದ

ಹಗಲು ಇರುಳು ಬಿರುಕುಗೊಂಡು

ದುಗುಡದಿಂದ ಮಳೆಗೆ ಎದುರುನೋಡುತಿರುವುವು!

ನಾಡು ಕಟ್ಟಲೆಂದು ನಾವು

ಕಾಡನೆಲ್ಲ ಬಿಡದೆ ಕಡಿದು

ನೋಡುನೋಡುತಿರಲು ಮಳೆಯು ಇಲ್ಲವಾಯಿತು;

ಮಳೆಯು ಇರದೆ ಕೆರೆಯು ಬರಿದು

ಬೆಳೆಯು ಬರದೆ ಇಳೆಯು ಇರದು

ಮಳೆಯು ಬೇಕು ಎಂಬ ಕೂಗು ನಿಲ್ಲದಾಯಿತು!

ಹೊಲದೊಳಿರುವ ಅನ್ನದಾತ

ಛಲವ ಬಿಡದೆ ದುಡಿಯುವಾತ

ಮಳೆಯು ಇಲ್ಲವಾಗುತಿರಲು ಮರುಗುತಿರುವನು ;

ನೆಲದ ದಾಹ ತೀರದಿರಲು

ಹೊಲದ ಮೋಹ ಸೆಳೆಯುತಿರಲು

ನೆಲೆಯು ಕಾಣದಾಯಿತೆಂದು ಕೊರಗುತಿರುವನು!

ಜಲದೊಳಿರುವ ಜೀವಿಗಳಗೆ

ನೆಲೆಯು ಇಲ್ಲದಾಗಿ ಕೊನೆಗೆ

ನಲಿವು ಇರದೆ ನರಳಿ ನರಳಿ ಅಳಿದುಹೋದವು;

ಇಳೆಗೆ ಮಳೆಯು ಇಳಿದು ಬರಲು

ಹಳೆಯ ಸೊಬಗು ಮರಳಿ ಬಂದು

ಜಲವು ತುಂಬಿ ಕೆರೆಗಳೆಲ್ಲ ಜೀವ ಪಡೆವುವು!

ಕನ್ನಡಾಂಬೆ ಮಡಿಲಿನಲ್ಲಿ

ಚಿನ್ನ ಬೆಳೆವ ನಾಡಿನಲ್ಲಿ

ಹೊನ್ನಗುಣದ ಕನ್ನಡಿಗರ ಕರೆಯ ಕೇಳಿರಿ-

ಕೊಲ್ಲಬೇಡಿ ಕೆರೆಗಳನ್ನ ಕೊಲ್ಲಬೇಡಿರಿ

ಇಲ್ಲದಂತೆ ಮಾಡುವುದನು ಸುಳ್ಳು ಮಾಡಿರಿ!

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry