ಮುಂಬೈ: ದೇಶದಲ್ಲಿ ಸಕ್ರಿಯವಾಗಿರುವ 43 ಮ್ಯೂಚುವಲ್ ಫಂಡ್ ಸಂಸ್ಥೆಗಳ ಒಟ್ಟು ಆಸ್ತಿ ಮೌಲ್ಯ ಸೆಪ್ಟೆಂಬರ್ ಅಂತ್ಯಕ್ಕೆ ₹20.40 ಲಕ್ಷ ಕೋಟಿಗಳಿಗೆ ತಲುಪಿದೆ.
2016ರ ಸೆಪ್ಟೆಂಬರ್ನಲ್ಲಿ ₹15.8 ಲಕ್ಷ ಕೋಟಿಗಳಷ್ಟಿತ್ತು. ಇದಕ್ಕೆ ಹೋಲಿಸಿದರೆ ಆಸ್ತಿ ಮೌಲ್ಯದಲ್ಲಿ ಶೇ 30 ರಷ್ಟು ಏರಿಕೆಯಾಗಿದೆ ಎಂದು ಮ್ಯೂಚುವಲ್ ಫಂಡ್ ಸಂಸ್ಥೆಗಳ ಒಕ್ಕೂಟ (ಎಎಫ್ಎಫ್ಐ) ಮಾಹಿತಿ ನೀಡಿದೆ.
ತಿಂಗಳಿನಿಂದ ತಿಂಗಳಿಗೆ ಅಂದರೆ ಆಗಸ್ಟ್ನಲ್ಲಿ ₹20.59 ಲಕ್ಷ ಕೋಟಿಗಳಷ್ಟಿತ್ತು. ಅದು ಸೆಪ್ಟೆಂಬರ್ಗೆ ₹20.40 ಲಕ್ಷ ಕೋಟಿಗಳಿಗೆ ಅಲ್ಪ ಇಳಿಕೆ ಕಂಡಿದೆ.
ಸೆಪ್ಟೆಂಬರ್ನಲ್ಲಿ ಮ್ಯೂಚುವಲ್ ಫಂಡ್ ಸಂಸ್ಥೆಗಳಿಂದ ₹16,604 ಕೋಟಿಗಳಷ್ಟು ಬಂಡವಾಳ ಹೊರಹೋಗಿದೆ. ಇದರಿಂದ ಒಟ್ಟಾರೆ ₹50,090 ಕೋಟಿಗಳಷ್ಟು ಬಂಡವಾಳ ಹೊರ ಹೋದಂತಾಗಿದೆ.
ವಿವಿಧ ಮ್ಯೂಚುವಲ್ ಫಂಡ್ ಯೋಜನೆಗಳಿಗೆ ಸೆಪ್ಟೆಂಬರ್ನಲ್ಲಿಯೇ ₹18,936 ಕೋಟಿ ಬಂಡವಾಳ ಹರಿದುಬಂದಿದೆ. ವ್ಯವಸ್ಥಿತಿ ಹೂಡಿಕೆ ಯೋಜನೆ (ಎಸ್ಐಪಿ) ಮೂಲಕ ₹5,516 ಕೋಟಿ ಸಂಗ್ರಹವಾಗಿದೆ ಎಂದು ತಿಳಿಸಿದೆ.