‘ಗಾಂಧಿ, ಜಿನ್ನಾ ಪ್ರಧಾನಿಯಾಗಬೇಕಿತ್ತು’

ಮಂಗಳವಾರ, ಜೂನ್ 18, 2019
23 °C

‘ಗಾಂಧಿ, ಜಿನ್ನಾ ಪ್ರಧಾನಿಯಾಗಬೇಕಿತ್ತು’

Published:
Updated:
‘ಗಾಂಧಿ, ಜಿನ್ನಾ ಪ್ರಧಾನಿಯಾಗಬೇಕಿತ್ತು’

ಮೈಸೂರು: ಸ್ವಾತಂತ್ರ್ಯ ಬಂದ ನಂತರ ಮಹಾತ್ಮ ಗಾಂಧಿ ಪ್ರಧಾನಿ ಆಗಬೇಕಿತ್ತು. ಇಲ್ಲವೆ ಗಾಂಧಿ ತತ್ವ ಅರಗಿಸಿಕೊಂಡಿದ್ದ ಮೊಹಮ್ಮದಾಲಿ ಜಿನ್ನಾ ಪ್ರಧಾನಿ ಆಗಬೇಕಿತ್ತು ಎಂದು 83ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ನಿಯೋಜಿತ ಅಧ್ಯಕ್ಷ ಪ್ರೊ.ಚಂದ್ರಶೇಖರ ಪಾಟೀಲ (ಚಂಪಾ) ಇಲ್ಲಿ ಶನಿವಾರ ಅಭಿಪ್ರಾಯಪಟ್ಟರು.

ತಳುಕಿನ ವೆಂಕಣ್ಣಯ್ಯ ಸ್ಮಾರಕ ಗ್ರಂಥಮಾಲೆ ಹಾಗೂ ಕನ್ನಡ ಸಾಹಿತ್ಯ ಕಲಾಕೂಟ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಸನ್ಮಾನ ಸ್ವೀಕರಿಸಿ ಮಾತನಾಡಿದರು.

1975ರಲ್ಲಿ ಇಂದಿರಾ ಗಾಂಧಿ ತಮ್ಮ ರಾಜಕೀಯ ಅಸ್ತಿತ್ವಕ್ಕಾಗಿ ತುರ್ತು ಪರಿಸ್ಥಿತಿ ಹೇರಿ ಸರ್ವಾಧಿಕಾರಿಯಾಗಿ ಮೆರೆದರು. ಪ್ರಜಾಸತ್ತೆಯ ಹೆಸರಿನಲ್ಲಿ ಆಯ್ಕೆಯಾಗಿರುವ ಪ್ರಧಾನಿ ನರೇಂದ್ರ ಮೋದಿ ಅವರಲ್ಲಿ ಸರ್ವಾಧಿಕಾರಿ ಧೋರಣೆಯನ್ನು ಕಾಣುತ್ತಿದ್ದೇವೆ. ಸದ್ಯ ದೇಶದ ಒಕ್ಕೂಟ ವ್ಯವಸ್ಥೆಗೆ ಧಕ್ಕೆ ಬರುತ್ತಿದೆ ಎಂದು ಆತಂಕ ವ್ಯಕ್ತಪಡಿಸಿದರು.

ಕುವೆಂಪು ಅವರ ನಾಡಗೀತೆ ‘ಭಾರತ ಜನನಿಯ ತನುಜಾತೆ’ ಹಾಗೂ ‘ಸರ್ವಜನಾಂಗದ ಶಾಂತಿಯ ತೋಟ’ ಎನ್ನುವ ಸಾಲುಗಳನ್ನು ಹಾಡುವಾಗ ನಾಲಿಗೆ ತಡವರಿಸುತ್ತಿದೆ. ಏಕೆಂದರೆ, ಬಲಾಢ್ಯ ಮಕ್ಕಳನ್ನು ಪುಸಲಾಯಿಸುವ, ಬಲಾಢ್ಯವಲ್ಲದ ಮಕ್ಕಳನ್ನು ತುಳಿಯುವುದು ನಡೆಯುತ್ತಿದೆ. ಇದಕ್ಕೆ ಮಹದಾಯಿ ಯೋಜನೆ ಉತ್ತಮ ಉದಾಹರಣೆ. ಪ್ರಧಾನಿ ನರೇಂದ್ರ ಮೋದಿ ಅವರು ಮಹದಾಯಿ ವಿವಾದವನ್ನು ಒಂದೇ ದಿನದಲ್ಲಿ ಬಗೆಹರಿಸಬಹುದು. ಆದರೆ ಆ ಪ್ರಯತ್ನ ಮಾಡುತ್ತಿಲ್ಲ ಎಂದು ಆರೋಪಿಸಿದರು.

ಕುವೆಂಪು ಹೇಳಿದ ಸರ್ವಜನಾಂಗದ ಶಾಂತಿಯ ತೋಟದಲ್ಲಿ ಈಗ ರಕ್ತ ಕಾಣುತ್ತಿದೆ. ಸಂಶೋಧಕ ಎಂ.ಎಂ.ಕಲಬುರ್ಗಿ ಹತ್ಯೆಯಾಯಿತು. ಈಚೆಗೆ ಪತ್ರಕರ್ತೆ ಗೌರಿ ಲಂಕೇಶ್‌ ಹತ್ಯೆಯಾಯಿತು. ಶಾಂತಿಯ ತೋಟ ಎಲ್ಲಿದೆ ಎಂದು ಪ್ರಶ್ನಿಸಿದರು.

ಕುವೆಂಪು ಮಾನವತಾವಾದಿಯಾಗಿ ಬೆಳೆದರು. ಆದರೆ, ಬೇಂದ್ರೆ ಅವರು ಜಾತಿ ಹಿಡಿದುಕೊಂಡು ಸಣ್ಣವರಾದರು. ಹೀಗಾಗಿ, ಬೇಂದ್ರೆ ದೊಡ್ಡ ಕವಿಯಾದರೂ ಸಣ್ಣ ಮನುಷ್ಯ ಎಂದು ಟೀಕಿಸಿದರು.

ಸಮ್ಮೇಳನಗಳು ಆಗಬೇಕು: ಸಾಹಿತಿ ದೇವನೂರ ಮಹಾದೇವ ಅವರು ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಭಾಗವಹಿಸುವುದಿಲ್ಲ ಎನ್ನುವುದು ಅವರ ವೈಯಕ್ತಿಕ ಅಭಿಪ್ರಾಯ. ಆದರೆ ಸಾಹಿತ್ಯ ಸಮ್ಮೇಳನಗಳು ನಡೆಯಬೇಕು. ನಾಡು–ನುಡಿ ಸಮಸ್ಯೆ  ಚರ್ಚಿಸಲು ಸಮ್ಮೇಳನಗಳು ನಿರಂತರವಾಗಿ ಆಗಬೇಕು ಎಂದು ಸುದ್ದಿಗಾರರಿಗೆ ತಿಳಿಸಿದರು.

***

ಉಡುಪಿಯ ಪೇಜಾವರ ಸ್ವಾಮೀಜಿ ವಿಕ್ಷಿಪ್ತ, ವಿಚಿತ್ರ ಎಂದು ಚಂಪಾ ಹೇಳಿದರು.

ಪೇಜಾವರ ಸ್ವಾಮೀಜಿ ಪ್ರತಿ ವರ್ಷ ಪತ್ರ ಬರೆಯುತ್ತಾರೆ, ಫೋನ್‌ ಮಾಡುತ್ತಾರೆ. ಆತ್ಮೀಯ ಚಂಪಾ, ನಾರಾಯಣ ಸ್ಮರಣೆ ಎಂದು ಪತ್ರ ಬರೆಯುತ್ತಾರೆ. ಅವರಿಗೆ ನಾನು ಪತ್ರ ಬರೆಯುವಾಗ ಶಂಭೂಕ ಸ್ಮರಣೆಗಳು ಎಂದು ಉಲ್ಲೇಖಿಸುವೆ ಎಂದರು.

ಮಠಗಳಿಂದ ದೂರ ಇರುವ ನಾನು, ನಾಡಿನ ಮೂರು ಮಠಗಳಿಗೆ ಮಾತ್ರ ಹೋಗುತ್ತೇನೆ. ಗದುಗಿನ ತೋಂಟದಾರ್ಯ ಮಠ, ಸುತ್ತೂರು ಮಠ ಹಾಗೂ ಉಡುಪಿಯ ಪೇಜಾವರ ಮಠದೊಂದಿಗೆ ನಂಟಿದೆ ಎಂದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry