ಹೂವು ಕೊಯ್ಯುವ ಹಬ್ಬದ ಸಂಭ್ರಮ

ಮಂಗಳವಾರ, ಜೂನ್ 18, 2019
24 °C

ಹೂವು ಕೊಯ್ಯುವ ಹಬ್ಬದ ಸಂಭ್ರಮ

Published:
Updated:

ಸಾಸ್ವೆಹಳ್ಳಿ: ಇಲ್ಲಿನ ಲಂಬಾಣಿ ಬುಡಕಟ್ಟು ಸಮುದಾಯದ ಯುವತಿಯರು ಶುಕ್ರವಾರ ಶ್ರದ್ಧಾಭಕ್ತಿಯಿಂದ ಸುಗ್ಗಿ ಹಬ್ಬದಂತೆ ದೀಪಾವಳಿಯನ್ನು ಆಚರಿಸಿದರು.

ಹೋಬಳಿಯ ಚನ್ನೇನಹಳ್ಳಿ, ಚೀಲಾಪುರ, ಚಿಕ್ಕಬಾಸೂರು, ತ್ಯಾಗದಕಟ್ಟೆ, ಮಾವಿನಕೋಟೆ, ಅರಸನಘಟ ಸೇರಿ ವಿವಿಧ ಬಂಜಾರ ತಾಂಡಾಗಳಲ್ಲಿ ದೀಪಾವಳಿ ಹಬ್ಬದಲ್ಲಿ ವರಸೆ, ದಾಡು, ಕೋರದವಾಳಿ, ಸೇವಾಲಾಲ್ ಮರಿಯಮ್ಮ, ಬಾಪು, ತೋನೆ, ಮೇರ, ದೇವರುಗಳನ್ನು ಪ್ರಾರ್ಥಿಸಿದರು.

ಹಟ್ಟಿ ನಾಯಕರ ಹೆಣ್ಣು ಮಕ್ಕಳ ನೇತೃತ್ವದಲ್ಲಿ ಗ್ರಾಮದ ಯುವತಿಯರು ಉಪವಾಸ ವ್ರತಗೈದು ಪೂಜೆ ಸಲ್ಲಿಸಿದರು. ನಂತರ ಸಾಂಪ್ರದಾಯಿಕ ಉಡುಪುಗಳನ್ನು ತೊಟ್ಟು ತೆಲೆಯ ಮೇಲೆ ಹೂವು ತರುವ ಪುಟ್ಟಿ ಇಟ್ಟುಕೊಂಡು ತಮ್ಮ ಸಂಸ್ಕೃತಿ ಬಿಂಬಿಸುವ ಗೀತೆಗಳನ್ನು ರಾಗಬದ್ಧವಾಗಿ ಹಾಡುತ್ತ ಊರಾಚೆಯ ಬೆಟ್ಟದ ತಪ್ಪಲಿಗೆ ಹೋಗಿ ಒಣರಕೆ ಗಿಡಿದ ಹೂವುಗಳನ್ನು ಕೊಯ್ದು ತಂದರು.

ನಂತರ ಹಟ್ಟಿ ನಾಯಕರ ಮನೆಗೆ ಹೋಗಿ ಸಗಣಿ ಬೆನಕನನ್ನು ಇಟ್ಟು ವಲ್ಲೇಣಾ ಹೂವುಗಳಿಂದ ಅಲಂಕರಿಸಿ (ಹಟ್ಟಿ) ಗೋದ್ನಾ ತಯಾರಿಸಿದರು. ಮನೆ ಬಾಗಿಲ ಬಳಿ ಇಟ್ಟು, ಮನೆಯಲ್ಲಿ ಸದಾ ಶಾಂತಿ, ಸುಖ ನೆಲೆಸಿರಲಿ ಎಂದು ಪ್ರಾರ್ಥಿಸಿ ದೀಪ ಹಚ್ಚಿದರು. ಬಳಿಕ ಮನೆಯ ಎಲ್ಲಾ ಹಿರಿಯ ಸದಸ್ಯರನ್ನು ಸ್ಮರಿಸುವ ಪೂಜೆ ಸಲ್ಲಿಸಿದರು.

ಅಮವಾಸ್ಯೆಯ ರಾತ್ರಿ ಎಲ್ಲರ ಮನೆಯಲ್ಲಿ ಹಣತೆ ಹಚ್ಚಿ ಗೋವುಗಳನ್ನು ಪೂಜಿಸಲಾಯಿತು. ಗ್ರಾಮದ ಸೇವಾಲಾಲ್ ದೇವಸ್ಥಾನದ ಬಳಿ ಹಟ್ಟಿನಾಯ್ಕ ಕಾರುಬಾರಿ, ಡಾವು ಹಾಗೂ ಗ್ರಾಮದ ಹಿರಿಯರು ಸೇರಿ ಹೋಮ, ಹವನ, ಮಾಡಿ, ನಗಾರಿ ಬಾರಿಸುತ್ತ ಲಚ್ಚಿ ರಾಂಡಾಬಾ ದೇವರ ಸ್ಮರಣೆ ಮಾಡಿ ಪ್ರಾರ್ಥಿಸಿದರು. ಈ ಪದ್ಧತಿಯನ್ನು ನಾಲ್ಕೈದು ತಲೆಮಾರುಗಳಿಂದ ಆಚರಿಸಿಕೊಂಡು ಬರುತ್ತಿದ್ದೇವೆ ಎಂದು ಚೀಲಪುರ ಗ್ರಾಮದ ಹಟ್ಟಿನಾಯ್ಕ ಬಡಗಿ, ಲಕ್ಷ್ಮಣನಾಯ್ಕ ತಿಳಿಸಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry