ಮುದ್ದುಮರಿಗಳ ಕ್ಯಾಟ್‌ವಾಕ್

ಬೀದಿನಾಯಿಗಳ ಸಂರಕ್ಷಣೆಗಾಗಿ ದುಡಿಯುತ್ತಿರುವ ‘ಕ್ಯೂಪಾ’ ಸಂಸ್ಥೆಯು ಭಾನುವಾರ ಹೋಟೆಲ್ ಲಲಿತ್ ಅಶೋಕದಲ್ಲಿ ಆಯೋಜಿಸಿದ್ದ ಫ್ಯಾಷನ್‌ ಶೋಗೆ ಪ್ರಸಾದ್ ಬಿದಪ್ಪ ಅವರ ಪ್ರತಿಭೆಯ ಸ್ಪರ್ಶ ಸಿಕ್ಕಿತ್ತು. ಮಾತುಬಾರದ ಮೂಕಪ್ರಾಣಿಗಳಿಗೆ ಪ್ರೀತಿ- ಸಹಾನುಭೂತಿ ತೋರಲು ಫ್ಯಾಷನ್ ಶೋ ಸಹ ಒಂದು ಸಾಧನವಾಗಿ ಒದಗಿಬಂದಿತ್ತು.

ಮಾತು, ಸಂಗೀತ, ಸುಂದರಿಯರ ಬೆಡಗು, ಚಿಕ್ಕಮಕ್ಕಳ ಚಿಣ್ಣಾಟದಲ್ಲಿ ನಾಯಿಗಳೂ ನಲಿದವು. ರಾಕ್‌ಸ್ಟಾರ್ ಆಗುವ ಕನಸು ನನಸು ಮಾಡಿಕೊಳ್ಳಲೆಂದು ಆಗಸದಲ್ಲಿ ಸದಾ ಹಾರುವ ಅವಕಾಶ ಬಿಟ್ಟುಕೊಟ್ಟ ಬೆಹ್ರಾಮ್ ಸಿಗಾನ್‌ಪೋರಿಯಾ ಅವರ ರಾಕ್‌ ಸಂಗೀತ ನೆರೆದವರನ್ನು ರಂಜಿಸಿತು. ಈ ಕಾರ್ಯಕ್ರಮದಲ್ಲಿ ಸಂಗ್ರಹವಾದ ನಿಧಿಯನ್ನು ಕ್ಯೂಪಾದ ನೂತನ ಪ್ರಾಣಿ ಸ್ವೀಕಾರ ಕೇಂದ್ರ ನಿರ್ಮಾಣಕ್ಕೆ ಬಳಕೆಯಾಗಲಿದೆ.