ರಾಯಭಾರಿಗೆ ಭದ್ರತೆ: ಚೀನಾ ಮನವಿ

ಮಂಗಳವಾರ, ಜೂನ್ 18, 2019
31 °C

ರಾಯಭಾರಿಗೆ ಭದ್ರತೆ: ಚೀನಾ ಮನವಿ

Published:
Updated:
ರಾಯಭಾರಿಗೆ ಭದ್ರತೆ: ಚೀನಾ ಮನವಿ

ಇಸ್ಲಾಮಾಬಾದ್‌: ಮಾಧ್ಯಮ ವರದಿಗಳ ಪ್ರಕಾರ ಪಾಕಿಸ್ತಾನದಲ್ಲಿನ ತನ್ನ ರಾಯಭಾರಿ ಯಾವೊ ಜಿಂಗ್‌ ಅವರಿಗೆ ಉಗ್ರ ಸಂಘಟನೆಯಿಂದ ಜೀವ ಬೆದರಿಕೆ ಇರುವ ಕಾರಣ ಅವರಿಗೆ ಹೆಚ್ಚಿನ ಭದ್ರತೆ ಕಲ್ಪಿಸಬೇಕು ಎಂದು ಪಾಕಿಸ್ತಾನ ಸರ್ಕಾರಕ್ಕೆ ಚೀನಾ ಮನವಿ ಮಾಡಿದೆ.

ಈ ಮನವಿ ಕೋರಿ ಚೀನಾ ರಾಯಭಾರಿ ಕಚೇರಿಯು ಪಾಕಿಸ್ತಾನದ ಆಂತರಿಕ ಸಚಿವಾಲಯಕ್ಕೆ  ಇದೇ 19 ರಂದು ಪತ್ರ ಬರೆದಿದೆ. ತನ್ನ ರಾಯಭಾರಿಯನ್ನು ಹತ್ಯೆ ಮಾಡಲು ನಿಷೇಧಿತ ಉಗ್ರ ಸಂಘಟನೆ ‘ಈಸ್ಟ್‌ ಟರ್ಕಿಸ್ತಾನ ಇಸ್ಲಾಮಿಕ್‌ ಮೂವ್‌ಮೆಂಟ್‌’ನ (ಇಟಿಐಎಂ) ಸದಸ್ಯನೊಬ್ಬ ಪಾಕಿಸ್ತಾನ ಪ್ರವೇಶಿಸಿದ್ದಾನೆ ಎಂದು ಪತ್ರದಲ್ಲಿ ತಿಳಿಸಲಾಗಿದೆ.

ಚೀನಾ–ಪಾಕಿಸ್ತಾನ ಆರ್ಥಿಕ ಕಾರಿಡಾರ್‌ (ಸಿಪಿಇಸಿ) ಯೋಜನೆಗೆ ಪ್ರಮುಖ ಅಧಿಕಾರಿಯಾಗಿ ನಿಯೋಜನೆಯಾಗಿರುವ ಪಿಂಗ್‌ ಯಿಂಗ್‌ ಫಿ ಅವರು ಈ ಪತ್ರ ಬರೆದಿದ್ದು, ‘ರಾಯಭಾರಿ ಹಾಗೂ ಪಾಕಿಸ್ತಾನದಲ್ಲಿ ಕೆಲಸ ಮಾಡುತ್ತಿರುವ ಚೀನಿಯರ ಹೆಚ್ಚಿನ ಭದ್ರತೆಗೆ ವ್ಯವಸ್ಥೆ ಮಾಡಬೇಕು’ ಎಂದು ತಿಳಿಸಿದ್ದಾರೆ.

ಈ ಬೆದರಿಕೆ ಒಡ್ಡಿರುವ ಉಗ್ರನನ್ನು ಅಬ್ದುಲ್‌ ವಾಲಿ ಎಂದು ಪತ್ತೆ ಹಚ್ಚಲಾಗಿದ್ದು, ಆತನ ಪಾಸ್‌ಪೊರ್ಟ್‌ ವಿವರಗಳನ್ನು ಪತ್ರದಲ್ಲಿ ತಿಳಿಸಲಾಗಿದೆ. ಕೂಡಲೇ ಆತನನ್ನು ಬಂಧಿಸಿ, ಚೀನಾದ ರಾಯಭಾರಿ ಕಚೇರಿಯ ವಶಕ್ಕೆ ನೀಡಬೇಕು ಎಂದೂ ಪಿಂಗ್‌ ತಿಳಿಸಿದ್ದಾರೆ.

ಆದರೆ, ಪಾಕಿಸ್ತಾನದ ಆಂತರಿಕ ಸಚಿವಾಲಯ ಹಾಗೂ ಚೀನಾದ ರಾಯಭಾರಿ ಕಚೇರಿ ಈ ಪತ್ರದ ಕುರಿತು ಹೇಳಿಕೆ ನೀಡಲು ನಿರಾಕರಿಸಿವೆ.

ಅಫ್ಗಾನಿಸ್ತಾನಕ್ಕೆ ಚೀನಾದ ರಾಯಭಾರಿಯಾಗಿದ್ದ ಯಾವೊ ಜಿಂಗ್‌ ಅವರನ್ನು ಪಾಕಿಸ್ತಾನದ ರಾಯಭಾರಿಯಾಗಿ ಚೀನಾ ಹೊಸದಾಗಿ ನೇಮಕ ಮಾಡಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry